Ka Nupepa Kuokoa, Volume LXII, Number 4, 25 January 1923 — MA KEIA MAHINA AE E HOEA MAI AI KA HALEAKALA [ARTICLE]

MA KEIA MAHINA AE E HOEA MAI AI KA HALEAKALA

I kulike ai me na mea i hoikeia ae, aole e hoea koke mai ana ka mokuahi hou, ka Haleakala, ahiki i ka pule hope o ka mahina ae nei o Feberuari. O ka mea i manao mua ia, o ia ka hoea mai o kela mokuahi, i k? pule hope o lanuari nei, aka nae mamuli o ka pau ole o kekahi mau hemahema, e makaukau ai ia, no ka haalele ana aku ia Pilikelepia, pela i hoopaneeia aku la ahiki i keia mahina ae. Ua lilo nae keia hoea koke ole mai o ka Haleakala i mea maikai i ka manao o na ona o kela mokuahi, no ka mea e lona ana he manawa nui, no ka hana ana i ka uwapo Helu 12, ka uwapo i manaoia, malaila e pili mai al kela mokuahi hou a o kona uwapo mau aku ana no hoi in, i na wa apau. Aia a hoea mai keia mokuahi hou, alaila e lawe ae ana ia i pani ma kahi o ka Mauna Kea, no Hilo, a o ka Mauna Kea hoi, ma na mea e loheloheia nei, e holo aku ana no Kauai.