Ka Nupepa Kuokoa, Volume LXII, Number 4, 25 January 1923 — NA MEAHOU MA KA MOKUPUNI O KAUAI. [ARTICLE]

NA MEAHOU MA KA MOKUPUNI O KAUAI.

Solomon Hanohano; Aloha nui kaua;—JS oluolu mai kou hookomo iho i na meahou o keia mau la ma ka Mokupuni o Kauai, Ua hiki mai ke komite hoeueu nui o ke Teritore o na C. E., oia o Rev. Moses M. Kahiapo ma ke kakahiaka Poakolu nei Jan. 10, 1923, ma ka Mokuahi S. S. Kinau mai, me ke komite hoeueu o Kauai aei, D. K. Kapahee. Ku mai ianei ma ka hora 6:00 a. m., a hoi loa aku no ka home o D. K. Kapahee ina Koloa. Ma ka Poaono, Jan. 13, 1923, i hele aku ai maua no Hanilei, e hui pu me ka pcresidena nui o na C. E., o ka Mokupuni o Kauai, James K. Lota; ua hiki aku i ka hora 12:00 a paina ma kona home, a kuka pu i na mea e hoonee aku ai na hana. Ua hui no me ia makuahine Mrs. Werner, a hoi loa aku no ka hale kahu o Rev. D. K. Kaaeamoku, hui pu me ka hauoli, a hooaumoe malaila, me ke kahu. Sabati Jan. 14, 1923, hui pu na komite elua ame ka peresidena nui, a holo ma ke kaa otomobile 110 ka EkaleBia o Kapaa, a malaila i Avehe mua ia ai na hana hoeueu *na keia kihapai. Hui pu me ke Kahu Kaauwai, me na hoapaahana apau, me ka hauoli. Mahope o ka pau ana o na hana hoeueu, i malamaia ae ai na hana hoomanao i ke kiahoomanao o keleahi honpaahana, oia o Haae, no na mea maikai a keia hoapaahana i liana ai. Malamaia na hana me ka hinīeni ame ka pule; ia Rev. M. M. Kahi«Tpo k.a haiolelo maluna o ke kiahoomanao, a i ke Kahu Kaauwai ka moolelo o keia hoapaahana, maikai keia anaina haipule, na kekahi i keiki Hawaii i kalai keia kia pohaku, me ka noe.au, mahalo a nui i keia keiki Hawaii! Poakahi Jap. Ma Koloa hora 3:00 p. m., malamaia. ka halawai haipule hoeueu ke komite; me ka hauoli no i na mea a ke komite i paipai mai ai. Hui pu me ke Kahu S. K. Kaulili ame na alakai. Ma keia ahiahi no. ma Waimea Church hora 7:00 p. m. 1 Malamaia ka halawai hoeueu e ke komite, hui pu me na alakai ame ke Kahu Moses Moku; ko anaina he 69. Me ka nui o ka hauoli, nia kela po. Nui na opio ame na pokii ame na hoapaahana i hiki mai. Hookuu me ka pule. Ma ka lokomaikai o kekahi lunakahiko, Frank Waipa Akana, ua hookipaia na kauwa a ke Akua ma Hotel, ka hooaumoe ana ame ka paina ana. Mahalo i' ka lokomaikai o keia hoapaahana. Poalua, Jan. 16, 1923, hui pu me ke Kahu Moses Moku, a lawe aku i ke komite no Kekaha, Mana, ahiki i ke onekani o Nonohili. Ma ka auwina la ana ae, malamaia ka halawai ma Hanapepe, hora 3:00 p. m., maikai ke anaina haipule 28. Paina ma kahi o ka makuahine Mrs. Fanny Sobo, na mea maikai e oluolu ai. Poakolu, Jan. 17, 1923, ma Lihue, hui pu me ke Kahu Chas. Keahi, ma ko laua home. Halawai i ke ahiahi ma Nawiliwili Ohapel. Hui inai na alakai ame na hoapaahana me ka makua James K. Kaiwi, ma keia po, «ui ka hauoli o na mea apau. Ke anaina haipule 26. Hoaumoe ma ia po me ke Kahu Chas. i Keahi. j Poaha, J«an. 18, 1923, hiki mai ke Kahu D. K. Kaaemoku mai Hanalei mai me kona kaa, a hele aku no Anahola Church, hora 5:30 p. m., malama i ka halawai malaila, hui pu me ke Kahu Puuki ame ka peresidena C. E. o keia ; Apana John Hano Meheula ke K. | K. S. N., me ka hauoli me na hoapaahana. Anaina he 29. Poalima, Jan. 19, 1923, Haena, malamaia ke anaina haipule hoeueu, Peresidena Mrs. Werner ame ke alakai i hui pu mai ke anaina he 74, me ka nui o ka hauoli o na mea apau; alaila paina ma ka haleaina i ke awakea, hoopiha i na mea e oluolu ai ke kino. Hanalei Church, ahiahi Poalima, i malamaia ai ka halawai haipule hoeueu e ke komite nui o na C. E., "ma ka luakini. Ke anaina i hiki mai he 83. Maikai na hana o keia po, papa o na opio, papa o n«a pokii, papa o na makua, nani na himeni, ame na haawina. Hookuuia me ka hauoli o na mea apau. Paina ma ka Hall o Hanalei, na mea i hoomakaukauia, no na mea apau, he puaa nui momona. me na haupia e moni ai i ka ono; i ka pau ana o keia paina ana, alaila he aha (social) no na mea apau. Nani na himoni, me ke Glee Club 0 Hanalei, na opio ame na pokii he ui hoi kau. Heokuuia ae la na hana me ka hauoli ma kela po. Ma keia, ke haawi aku nei maua 1 ka lioomaikai, a nui loa i na alakai apau, na luna ekalesia, na peresidena C. E., na Kahu ekalesia, ka peresidena nui o Kauai, ame na hoahanau ap.au iloko o keia mau kiliapai, no ko oukou haawi ana mai i na mea e oluolu ai, ka hoaumoe ana, ame na lauoliva o ke aloha, a na ke Akua e hoopomaikai mai ia kakou apau. D. K. KAPAHEE,