Ka Nupepa Kuokoa, Volume LXII, Number 4, 25 January 1923 — HE HOALOHALOHA NO MRS. KAINEA AH SIN. [ARTICLE]

HE HOALOHALOHA NO MRS. KAINEA AH SIN.

Mr. o ka Nupepa Kuokoa; Aloha kakou a nui loa: —E oluolu mai kou ahonui i ka makou puolo walohia e hoouna aku nei, ma kekahi wahi keena kaawale 0 kau nupepa, i ike mai ua ohana, na hoaloha ame na makainaka o ka mea i haalele mai i keia ola ana. Ma ka hora 7:30 -p. m., o ke Sabati, Dec. 24, A. D. 1922, ua hiki mai la ka anela me ka maluhia, a lawe aku la i ka uhane o ke ola, mai ke kino aloha aku o Mrs. Kainea Ah Sin, ma ka hom« o kana mau keiki aloha, Mr. ame Mrs. Kong Gee, ma Paia, Maui, a waiho iho la 1 ke kino lepo uhane ole, na ka ohana me ka inanao walohia kaumaha i ke aloha no ka lakou mea aloha i haalele mai i keia ola ana. Ma ka home o Mr. ame Mrs. Kong Gree, no ka kino kupapau kahi i waiho ai, ahiki i ka hora 2:00 p. m., 0 ka Poakahi ae la 25; na Rev. Moses M. Kahiapo i malama i ke anaina haipule ma ka home, ame kona wahi i hoomoeia ai kona kino lepo ma ka pa ilina kupapau o ka ekalesia o Paia. Ua hanauia niai o Mrs. Kainea Ah Sin, mai ka puhaka mai o kona mama aloha i ka malama o Aug. 24, A. D. 1868, ua piha iaia he 54 makahiki a oi aku, kona hanu ana 1 na ea oluolu o keia ao, a hoi aku la ka lepo i kona wahi mau, a o ka uhane i ka Mea Nana i haawi mai, oiai; he mahu ke ohi o ke kanaka i pu-a ae'a nalo aku. Ma keia oukou e iko iho ai na ohana ponoi, na hoaloha, na makamaka ame na aikane aloha, ua haalele mai o Mrs. Kainea Ah Sin ia kakou apau loa, a ma keia ua pau leo kakou ike hou ana iaia no ka manawa pau ole. He mau makahiki nui lehulehu wale kona noho ana ma keia kulana kauhale n«i o Kahului, Maui, a he hoapaahana hoi no ko kako'u Haku lesu Kristo. O ka hoomana Kalawina o Hawaii i hookumuia o ia kona Ekalesia i pilipaa loa ai kona aloha, ahiki i kona haalele ana mai la i keia ola ana, he wahine puuwai aloha oiaio oia, iloko o ka ke Akua hana, a ua kolioia hoi oia i puuku no na Ahahui C. E. ( makua ame C. E., o na Opio, o keia apana ekalesia o Kahului aiei, a ua ikeia ka waiwaii'o 0 ka holomua iloko o kana malama ana i kana oihana. Ma keia ke haawi aku nei makou 1 na hoomaikai a nui.loa i ke Kahu Moses M. Kahiapo, na hoaloha, na makamaka ame na ohana apau i alu pu mai ma ke kiai ana a ao ka po, me ka hele pu ana i ka hoolewa no ko makou hoapaahana iloko o ka ke Akua hana o ka Ahahui K. S. ame C. E., o Kahului, i pauaho mai i keia ola ana. No oukou no na ohana apau loa, ka makou e haawi aku nei i ka makou hoomnikai palena ole, mailo-

ko mai o ke aloha oiaio mai ko makou mau puuwai mai, a na ke Akua no e kiai a alakai mai ia kakou ma keia ao a ma kela ao pau ole. Amene. O makou pu iho no iloko o ko oukou mau ehaeha, kaumaha, a ke aloha. Komite Ahahui K. S. — MKS. LEYI FAUFATA, NAEHU KAAIHUE, Komite Ahahui C. E. Makua:— DAYID K. MAHELONA, MRS. NAHU KAAIHUE, Komite Ahahui C. E. Jr.: — WILLIAM K. HOOPII, MRS. LUCY KAHOOPII, Kahului, Maui, lanuari 6, 1023.