Ka Nupepa Kuokoa, Volume LXII, Number 4, 25 January 1923 — HOOMAIKAI NA PALUPALU O LUNALILO HOME I NA KEIKI A. MRS. K. HOLLOWAY. [ARTICLE]

HOOMAIKAI NA PALUPALU O LUNALILO HOME I NA KEIKI A. MRS. K. HOLLOWAY.

Mr. Solomon Hanohano, Aloha Hapenuia kakou a nui loa:—Elike me ka anapu ana o ka uwila amo ka puka ana mai o ka malamalama o ka la, ma ka hikina, me kona nani nui, e hoolelepau ana i kona malamalama ma ka ilihonua nei, i oili mai ai ka la 1 o lanuari 1923, o ka makahiki hou. Malalo o ka oluolu o ko kakou Makua Lani ame kana Keiki Hemolele, i malama ia kakou iloko o ka maluhia, mamuli o ka nui o | Kona lokomaikai ame Kona aloha , palena ole, i loaa ai keia makahiki! hou ia kakou, me ka hauoli nui. ! E loaa anei ia'u he rumi kaawale o kau papapa'i, iloko o ke Kuokoa, no kela poomanao e kau ae la maluna, no ka hoike ana aku. O makou na Palupalu o Lunalilo Home nei, ame na limahana pu, ke haawi nei i na hoomaikai ame na Mfthalo he nui loa, i na keiki a Mrs.

K. Holloway, i haawi mai ai i na makana Mele Karisimaka ia makou. O na makana Mele Karisimaka i loaa mai, o ia no; na waimomona, meono, kanake, iee cream, hinaka, kilika, o na ano waihooluu like ole, kawele auau, hookahi kopa auau cashmere, ame paleili oluna i haawiia i na kane nme wahine. Nolaila, o na makana melo Karisimaka a na keiki wale no a Mrs. Kahalelaukoa Holloway, ka i maopopo ia makou, na palupalu ame na limahana, na mea i loaa pololei mai ia makou, a no ka nui aku o na makana i koe aku, aole i maopopo ia ipakou ia mea. Me keia mau manao, ke hoomaikai nei makou i ka Haku, e aloha mai i Kami mau kauwa a e ninini mai Kona Uhane Hemolele, maluna iho o laua alaila, e hoopiha ia ko laua waihona waiwai a hu. Ke pule nei makou ia oe, o, e ka Haku, ka manaolana, ame ka manaoio o kou poe kanaka, elike me ka lakou i hana mai ai, me ka nui o na waiwai i loaa mai, ame ka hua o na hana maikai; pela no hoi oe e haawi aku ai i na makana he nui wale, iloko o lesu Kristo ko kakou Haku, Amene. Ke mahalo nui nei makou ia oe, e Mr. Lunahooponopono ame kou mau keiki o ke keena pa'i nupepa, ma ka hoomanawanui ana mai, me ke aloha nui loa, no ka makou wahi meahou o ka Honie nei. O makou no me ka oiaio, LUNOLILO HOME,