Ka Nupepa Kuokoa, Volume LXII, Number 4, 25 January 1923 — EIA HOU NO UA ULIA KAA OTOMOBILE [ARTICLE]

EIA HOU NO UA ULIA KAA OTOMOBILE

Iloko o ka hopuhopu mau ia o ka poe holonui i ko lakou <mau kaa otomobile, a iloko no hoi o ka halawai mau o na kaa otomobile me na ulia, ma ka hooku'iia ana aku o kekahi poe e hele ana ma na alanui, aole nae ia he kumu e ha'o mai ai ka ikeia ana o na pilikia o kela ano. | He mau la aku nei i hala, he elua mau ulia i halawai me kekahi mau mea he mau kaa otomobile ko laua, o ia ka hooku'i ana aku me kekahi mau mea, a oiai nae, aa hoopono- j ponoia kela mau pilikia, me ka ho-j olē ana o na mea i hooku'iia aku ai e na kaa, aole e hoopii i na kia-j kaa o na otomobile, ua olelo ae nae j na makai, aole ia he kumu e nele ole ai ka hopuia o kela mau kiakaa, j no ka hewa holonui. | He hookahi o kela mau ulia, maj ka po aku nei ia o ke Sabati i hala, j ma ke alanui Kamika, e kokoke aku la i ke alanui Hok,ele. j Ma ka hoakaka a ka Makai M. C. GonBalveg, e hele ana ka o Mrs. W. C. ma ke alanui Kamika, a he wahi pokole wale no kana o ka hele ana mai "ke kihi mai o ke alanul, ua ike aku la oia i ka holo ana mai o ke kaa otomobile o Harry Murray, ka lunakukeawa nui o Ho nolulu nei, ma ke alanui Hokele, a huli hema ae la no ke alanui Kamika. Ua kaa pt>no kela kaa mamua o kahi o Mrs. Burger e hele aku ana, a i wahi nona e liooku'i ole ia mai ai o kela kaa otomobile, ua hoao ae la oia e lele noluna o ke alanui kauaoao ,o ka manawa no ia i hoo ku'iia mai ai e ke kaa otomobile. Ua loaa ka eha i kela wahine ma kona mau ku'eku'elima, a maluna o kekahi kaa otomobile okoa aku he kaa no A. C. Luke, j laweia aku ai oia no ka halema'i o na poino ulia, no ka lapaauia mai o kona mau wahi i eha. Ma ka hoakaka hoi a Harry Mur ray, iaia e hoohuli ae ana i kona kaa otomobile no ke alanui Kanii ka, ua ike aku la oia i ke ku mai o kekahi kaa ma ke kihi o ke alanui a i wahi e hooku'i ole aku ai i kela kaa, ua hoao ae la oia e hoohuli i kona kaa, nowaena o ke alanui, ma ia hana ana nae i pakika aku ai na huila a hooku'i aku la ia Mrs. Burger. Ma ke kakahiaka o ka Poakahi ae, ua hoea aku la kekahi mea, ma ka aoao o Mrs. Burger no ka halawai a hoike aku la ,aole he makemake o Mrs. Burger e hoopii ia Harry Murray; aole nae i nana aku na kanaka o ke aupuni ia mau olelo, no ka mea ua lawe okoa ae o W. J Lillis i ka hoopii ma kona aoao, e ku-e ana ia Harry Murray no ka hewa holonui. Ma kekahi ulia kaa otomobile aku hoi, he Pake ka i hooku'iia e ke kaa otomobile o Thomas F Wright, a ua hopuia o Wright no ka holonui ma ka Poakolu aku ma mua, a i ka hooloheia ana o kona hihia ma ka Poaha mai, ua hoopa neeia mai a ka la 3 o ka mahina ae nei o Feberuari. He elua nae la mahope mai, ua

hoea aku la oia me ka Pake i hoo-' ku'iia ai e kona kaa, a hoakaka. aku la imua o ka oihana makai, e hoopau wale ia kona hihia, no ke kumu, ua hooponopono oia me ka Pake mawaho, a ua hoopau ka Pake i kona manao hoopii. Ma ka nana ole ia nae o kela hooponopono ana, ua hoakaka ae o Mr. Lillia, a pela hoi me ka Hope Loio Kalana Roberts, aole ia he kumu 6 nele ole ai ka hookolokoloia o na mea holonui, ma keia mau hihia, aka o ka hooponopono i hanaia, ua pili wale no ia i ka hihia kivila, aole i ka hihia hewa.