Ka Nupepa Kuokoa, Volume LXII, Number 5, 1 February 1923 — E HOLO ANA KA ELELE JARRETT NO WAKINEKONA. [ARTICLE]

E HOLO ANA KA ELELE JARRETT NO WAKINEKONA.

Maluna o ka mokuahi Matsonia, 0 haalele iho ai ia Honolulu nei, ma ka Poakolu o keiA pule ae, ka la 7 o Ka mahina o Feberuari, e kau aku ai ka Elele Lahui W. P. Jarrett, no kona alahele no Wakinekona, no ka lawe ana ae i ke kulana elele lahui no Hawaii nei, ma "kahi o ka Elele Lahui H. A. Baldwin. E hoohala ana ka Elele Jarrett 1 kekahi mau la Kapalakiko, no ka hookamaaina pono ana i ke ano o ke ea % o Xmerika, a no ka hoolako ana iaia me na lole, kupono no ka hooilo, a mai Kapalakiko aku e hoomau ai oia i kona alahele no Wakinekona, e hoea aku ai i ke kapitala ma ka la 1 o ka mahina 0 Maraki. He ekolu la, mahope iho o kona hoea ana aku i Wakiuekona, e lawe ae ai oia i kona noho, maloko o ka hale o na lunamakaainana, a o ka la no hoi ia a ka Elele Baldwin, e waiho aku ai i kela hanohano maluna o ke kanaka a na makaainana o Hawaii nei, i koho aku ai, 1 elele lahui. E ukali pu aku ana o Mr. B. G. Rivenburgh, ke kakauolelo a ka Elele Jarrett i koho ai, mai Kapalakiko aku, a ma na ano apau, e kaa ana i kana kakauolelo ka hoonauaao ana mai iaia, i na rula ame na loina o na hana apau i pili i ka ahaolelo lahui o Amerika Huipuia. O ka Elele Lahu! Jarrett, ka eha o na elele mai Hawaii aku nei i ka lahui. O ka elele lahui mua loa i kohoia mai Hawaii aku nei, mahope iho o ka lilo ana aku o Hawaii, malalo o ka malu o ke aupuni makua, oia o Robert W. Wilcox, he hookahi no ona kau i noho ai i* ka ahaolelo. O ke Keikialii Kalanianaole aku, ka elua o na elele lahui, ua koho mau ia oia no na kau neepaa he umi, o Harry A. Baldwin aku, no ke pani ana i ke koena o ke kau o ka Elele Kalanianaole, a. o W. P. Jarrett hoi, ka mea a na makaainana o ke Teritore, i koho aku ai, ma ke kau koho baloka o .Novemaba aku n&i i hala.