Ka Nupepa Kuokoa, Volume LXII, Number 5, 1 February 1923 — HE HOALOHA NO KUU KANE ALOHA. [ARTICLE]

HE HOALOHA NO KUU KANE ALOHA.

Ia oe e Mr. Lunahooponopono o ka Nupepa Kuokoa, welina kaua: —E ae oluolu mai i wahi rumi kaawale o ka kaua hiwahiwa, a milimili hoi a ka lahui, i ike mai ai na ohana, na hoaloha ame na makamaka o kuu mea aloha, ua haalele mai oia i keia ola ana. Ma ka hora 10 p. m., o ka Poaha, Jan. 4, 1923, i kipa mai ai ka anela me ka maluhia, a lawe aku la i ka uhane o ke ola, mai ke kino aloha aku o kuu kane Mr. Cha«. Kahee. Oiai me ke ola kino maikai wāle no oia, ahiki i kona haalele ana mai ia'u, na lei aloha, ame na moopuna a maua e noho aku me ke kaumaha ame ka luuluu nona. I ka hana no oia i ka Poalua ame ka Poakolu, me ka maikai, i Poaha hoi, aole oia i hele i ka hana, ua noho no oia i ka hale, aka ma ka hora 9 a m., i hele ai oia i ke kaona, a hoi mai me ka maikai wale no. Aohe mau hoailona o ka pilikia maluna ona e hiki ai hoi ke maopopo aku, he pilikia e hoea mai ana. Ma ka hora 7 p. m., o ia ahiahi i hele aku ai maua me ka maua kaikamahine ma ka home o ia mau keiki a maua, o Mr. ame Mrs. Iwa, i halawai a na alakai Mamona, ma kela halawai he eha ka nui o ka poe i hoike i ko lakou t mau manao, a oia ka elima i ku a hoike i kona mau manao iwaena o na hoa o kela halawai. I kona wa i ku ai,. ua haawi mai oia i kona aloha makahiki hou, me kona hoakaka pu mai, "ua hauoli loa au i ka loaa ana o keia makahiki hou ia'u, oiai ua hala aku la kela makahiki me kona mau mea apau i piha ai, ua ike au i ka mokulele, e lele ana i ka lewa, ame ka Radio, ua lohe au i ka leo mai na aina mamao mai, ua hauoli au, ina makemake ke Akua e lawe i ko'u ola, o ia iho la no," ekolu matvawa ona i hoike ae ai i keia mau olelo a i ka hope loa, ua pane mai la oia, "na ke Akua e kiai ia kakau a loaa keia makahiki hou ae, ma ka inoa o ka Makua, ke Keiki, ame ka Uhane Hemolele Amene," aua amene like na hoa apau oloko o ka hale. I kona wa i noho iho ai iluna o ka noho, i pau loa ae ai kona ike ame kona lohe ana, ia wa i hoihoiia mai aii oia ma ko maua home a malaila i pau loa ae ai kona hanu. Ua hanauia oia ma Kauai, i ka mahina o Xovemaba 24, 1853, nolaila ua piha iaia na makahiki he 69, me 1 mahina, ame na la keu he 11 o ka hanu ana i na ea hu'ihu'i o ke ao nei. Ma ka hora 3 p. m., o ka Poaono, i laweia aku ai kona kino wailua no ka ilina o Oeean View, nolaila, ke haawi aku nei au i kuu hoomaikai he nui i ka ohana, na hoaloha ame na makamaka i haawi makana mai i na bo-ke pua no ke kino wailua o kuu kane, me ko lakou komo pu ana mai iloko o ka liuakai hoolewa. Ke nonoi nei au i ka Makua Lani, e lawe aku i na kaumaha ame na luuluu apau. Owau no me ke kaumaha ame ka luuluu, kana wahine aloha, MRS. LUCY KAHEE,

O kekahi mea e hookomoia aku ana iloko o ke "Kuokoa", oia no ka hoike a kekahi mau Kumukula o ke Kula Kiekie o Hawaii, i iini iho uei, no ka ninau "Makeke Kuai 0 na mea Kanu ame na Holoholona". 0 keia paha kekahi ninau ano nui o keia mau la e nee nei. Ua nui kc poho o kekahi poe mahiai, mamuli o ka loaa ole o kahi makeke e hoolilo aku ai i ka lakou mau mea i hoouJu ai, mea ai a i ole holoholona paha. Ua loihi na la o ka imiia ana iho nei o keia ninau, e keia mau Kumukula, a o ka hoike 1 waihoia mai he hoike hapa wale no. Aka e hookomo ia aku ana iloko o ke "Kuokoa" i keia pule a«. Aole paha he hana hoemi i ka manao liana o ke kanaka mahiai, mamua o ka nele o na pomaikai ana i upu ai mamuli o kana mau mea i luhi ai. A mamuli o keia nele i na makeke kupono, pela no i poho ai ka hapanui o na kanaka mahiai. a haalele i keia oihana ma Hawaii nei. 0 na hoikeike ana mai i na alanui e hoopauia ai keia pau pilikia, he mau mea ia e loaa ana kekahi mau hoonaauao maikai ana. He hana keia i hana ole ia mamua aku nei, a i ke ku ana o keia Komiaina ua oui lakou, no ka ike aku, ina aole e loaa ana na makeko maikai, e poho ana na manaolana o na kanaka e lav.e ana i na aina malalo o keia kanawai hoopulapula.