Ka Nupepa Kuokoa, Volume LXII, Number 5, 1 February 1923 — Untitled [ARTICLE]

Ua Ioaa mai nei ka hoike a Dr. Mead, ka mea lawelaw>e oihana hoonoho i na kanaka maluna o na aina, ma Kaleponi ae nei, i hele mai ai i kela mau mahina aku nei e nana i na hana ma Hawaii nei e pili ana i keia hoihoiia o na kanaka Hawaiii maluna o na, aina. O ka akalii keia a loaa mai kana hoike. E komo aku ana ma keia pule ae o ka puka ana aku o ke "Kuokoa," He hoike maikai, a he hoike e haaheo ai na kanaka na lakou keia hookumu e haawiia mai na aina i na kanaka Hawaii. He hoike e hiki ai e ikeia iho, ua loaa mua i ka poe nana i kakoo keia kanawai, he ike ana i na ninau ano nui e ne-e mai uei imua o ke aupuni, no ka ninau haawi aina i na kanaka, no ka loaa ana he mau home no lakou. O ka mea nui no nae, e kakoo mai ana i ka manao o na kanaka nana i hookumu keia kanawai. He hoike ano Ioihi no aka, c hookomoia aku ana apau pono. A e paiia ana keia hoike e ke Komisina a e hoounaia aku ana i na lala o ka Ahaolelo Nui ma Wakinekona. TOKIO, Jan. 29.—Hookahi mahele o na pualikoa o Sun-Yat-Sen i hoopuehuia, a ua hoopaneeia ke komo lanakila ana aku o Sun Yat Sen iloko o Canton, kona kahua ikaika mua, elike me ka lono i loaa mai ianei, He mokukaua. Amerika ka i haalele aku ia Shanghai. Aole maopopo o kana misiona>.