Ka Nupepa Kuokoa, Volume LXII, Number 5, 1 February 1923 — HAINA O NA OLELO NOEAU A MR. THEODORE KELSEY. [ARTICLE]

HAINA O NA OLELO NOEAU A MR. THEODORE KELSEY.

"I hana ka po i hana ke ao." Wehewehe. E hoomakaukau mua oe i kau mau mea apau mamua o kou hele ana i kau hana; elike me keia: Aho lawai'a, makau, na pono lawai'a apau. Mahiai, oo, kope, a pela aku. Kama-na-pahiolo, iliwai, hamare, a pela aku. Aole o ka wa e hele ai i ka hana alaila, huli ke aho; a hana ka makau. Huli ka oo, hookomo ka laau o ke kope. Kani ka moa, ala e kuke, ai a maona, helo i ka hana. 0 ka rula keia o ka wa kahiko. Haalele ka poli o ka wahine. Hele i ka mahiai, holo i ka lawai'a. O ka upena ka-he, holo na kane i ke kani ana o ka moa. He upena

keia aia makai e kuu mai ai; oiai aia ka i'a iuka; i ka po no e kuu ai keia, 0 ka w«.hine wale no ko kauhale. He nui aku na wehewehe ana ua lawa -keia. Eia ka lua. "Moni ika hanu 0 ka hoomanawanui." Wēhewehe ana. E hoopau ka huhu, ka inaina 0 ke kane i ka wahine, a i ole, 0 ka wahine paha i ke kane. I kou hoalauna, aikane a pela aku. Hoopau loa kela mau manao akiaki, kekeue, opuino; hookomo iho i ka manao aloha iloko o ka naau no kau kane, a no k?.u wahine, a mau hoaloha. Z. P. K. KAWAIKAUMAIIKAMAKAOKAOPUA,