Ka Nupepa Kuokoa, Volume LXII, Number 5, 1 February 1923 — Halawai he Wahine Pake me ka Make ma ka Ulia Kaa Otomobile Paa ke Kiakaa i ka Hopuia me ke Kakaliia o Kona Kumu Hoopii a Pau ka Niele Ana a ke Kiure Koronelo no ke Kumu Make [ARTICLE]

Halawai he Wahine Pake me ka Make ma ka Ulia Kaa Otomobile

Paa ke Kiakaa i ka Hopuia me ke Kakaliia o Kona Kumu Hoopii a Pau ka Niele Ana a ke Kiure Koronelo no ke Kumu Make

He kakaikahi loa na pule nele i ka loaa o na ulia kaa otomobile, e ikeia nei ma keia a ua make mao'.i kekahi poe, mamuli 0 kela mau ulia, pela ka hopena i kau aku maluna o kekahi waliine Pake o Mrs. Yuen ka inoa mahope koke iho o ka hora ekolu, o ka auwina la o ka Poalua nei, i kona manawa i hooku'iia aku ai o kekahi kaa otomobile, ma ke kihi o na alanui Beritania me Nuuanu. He "wahine Pake kela nona na makahiki ma kahi o ko 65, a o Waipahu, Ewa kona wahi noho. Mahope o kona hooku'ii.i ana aku e ke kaa otomobile, a Inna ilalo, me ka pii ana aku o n:i liuila o ke kaa maluna o kona kino, ua hoihoiia oia me ka awiwi no ka Halema'i Moiwahine, eia nae u;i mako oia, he manaAva pokole wale no ma ia hope mai. 0 Al£red Dias, ke kiakaa o ke kaa otomobile, i hooku'i aku ai i kela wahine, a ua paa ae oia i ka hopuia, me ke kakaliia nae o ke kumu hoopii e laweia mai ana nona, ahiki 1 ka puka ana ae o ka olelo hooholo, a ko kiure koronelo nieniele kumu make. « 1 kulike ai me ka hoike a ka Makai August Carreiro, e pili ana i kola ulia, e hookele ana o Alfred Dias i kona kaa, ma ke alanui Beritania, mailalo mai o Puuloa no Waikiki. I ko kokoke ana nae i ke kihi o na alanui Nuuanu me Beritania, ua hoohuli ae la oia i kona kaa, no ka aoao hema o ke alanui i 010 ai e me kekahi kaa oto halihali ukana o ka' hui Ameriean Express, e iho mai nna ma k'e alanui Nuuanu. Ma kela hoohuli ana Diiis i kona kaa no ka aoao hema. o ke alanui Beritania i hooku'i aku ai kona kaa me ka wahin'e Pake. Ua lioao ka makai i ka peleki hoopaa o ke kaa otomobile o Dias, a o kana mea i ike, aole he wahi waiwai iki o kela peleki, no ka mea aole e hiki ke hoopaa i ka holo

o ke kaa i ka manawa e makemakeia ai e hoopaa. Ua hooia pu ae no hoi kela makai, ma kana ninaninau ana, i loaa mai ai iaia ka ike, aole he laikini hookele kaa o Mt. Bias, a o kekahi hana ku-e kanawai a kela kiakaa, o ia no ka hoopihaia ana o kona kaa i na ohua, a oi aku mamua o ka ke kanawai i kauoha ai. Penei ihŌ hoi na hoakaka a Alfred Dias e pili ana i kela ulia: Wahi ana, e holo mai ana kona kaa ma ke alanui Beritania mailalo mai o Puuloa, a i ke kokoke ana i ke kihi o ke alānui Nuuanu, ua hookani mai la oia i ka pu hoailona, a iloko o kela manawa hookahi, ua ike mai la oia i kekahi kaa halihali ukana o ka Hui Amenean Express, o iho mai ana mauka mai o ke alanui Nuuanu, mamua pono ae o kahi a kona kaa e holo aku ana. . I wahi e hooku'i ole ai kela mau kaa, ua hoohuli ae la oia i kona kaa no ka aoao hema o ke alanui, o ka manawa no ia i hooku'i aku ai kona kaa ika wahine Pake. Ua pii aku ka huila hema o ka otomobile maluna o ke kino o kela wahine. No ka hana ana' aku i kekahi mea e pono ai ka wahine poino, ua hookauia oia maluna o ke kaa o Dias, a hoihoiia aku la noloko o ka Halema'i Moiwahine, a mahope mai olaila, i hoea ae ai oiā no ka halewai, no ka hoakaka ana aku i ke ano o ka ulia i loaa i kona kaa, amo ka poino i kau aku maluna o ka wahine Pake. Ma ka nanaia ana o na wahi o ke kino o kela wnhine i poino, ua ikeia ua naha kona poo, a ua haki hoi ka papa auwae, a ua haki pu ka u-ha akau. Ua hoopaaia o Mr. Dias ma ka lialewai, no ke kakali ana, i ka olelo hooholo a ke kiure koronelo e haawi ae ai, mahope o ka huli pono ana aku i na mea oiaio i pili i ka make ana o kela wahine Pake.