Ka Nupepa Kuokoa, Volume LXII, Number 6, 8 February 1923 — KI HE ALIIKOA IAIA I KA PU A MAKE. [ARTICLE]

KI HE ALIIKOA IAIA I KA PU A MAKE.

Ma ka hora umi o ke kakahiaka o ka Poakolu o ka pule aku nei o hala, i ki ae ai he aliikoa, ka Lukanela Karl H. Myres iaia iho me ka pu panapana a make, me ka maopopo ole o na kumu, koe wale no ke koho ana aku a kona mau hoa aliikoa, aole he maikai o kona noonoo. No kekahi manawa, mamua aku o ka lawe ana ae o kela aliikoa, i kona ola, ua hoomaopopoia aku oia, aole he maikai o kona noonoo, no kela kumu, i kona ki ana iaia iho i ka pu panapana, hooiaio loa ia iho la na mea i kohoia aku ai no kona ano. Ma ka Poalua aku ka manawa mua loa i hoohuoiia ai ke ano o kela lukanela, i ka manawa e malamaia ana kekahi mau heihei au. O ka Lukanela Myres kekahi iloko o na heihei au i hoolalaia ai. eia nae aole oia i hoea mai, a ma ka olelo a kona mau hoa, ua kahi'ohi'o oia. Ma ke kakahiaka nae o kela Poakolu. ua hoea ae no oia no kona keena hana. a mahope iho o ka lawelawe ana i kekahi mau hana maamau, ua haalele iho la oia i ke keena, a he manawa pokole mahope mai, ua loheia aku la ke kani ana mai o ka pu panapana, a i ka huliia ana aku o ke kumu i kani mai ai o kela pu, aia hoi, ua loaa aku la ka Lukanela Myres, e waiho mai ana, me ka puka poka ma kōna poo. Ua mare kela aliikoa i ka wahine. a i kona make ana aku la, ua koe hookahi iho la kana wahine ma ke kahua hoomoana o na koa ma Luke Field. COBLENZ, Feb. 2.-Ua hoikeia ae ka ho ihou mai o na limahana o na kaaahi i olohani ai i ka hana ma ka Poaono. Ma ke koho a na Kelemania o ka nui o ke poho i hanaia no na lako mea hana maloko o na kahua o Cologne ua hiki aku ka huina i ka miliona marks (dala Kelemania) gula.