Ka Nupepa Kuokoa, Volume LXII, Number 6, 8 February 1923 — Untitled [ARTICLE+ILLUSTRATION]

O keia na kanaka opio he eiwa ka nui, na lakou na hana limanui a hoohaumia i hana aku ai ma luna o kekahi kaikamahine opio, ma ka po o ka la 13 o Ianuari i hala. He ehiku o kela poe i ae okoa ae i ko lakou hewa, imua o ka aha a ka Lunakanawai R. J, o'Brien, ma ka Poakahi iho nei, a koe elua, a keia Poakahi ae ka laua pane. O ka poe e ku ana na, e hoomaka ana mai ka hema aku, eia iho ko lakou mau inoa. John Lymon, Edward Joseph, John Pavao, Eddie Fuller a me David Kaleikilo. Ka poe hoi malalo iho oia o Louis Gomes, Minoru Kimura, Paahao Gilman, a me George Hoopii.. Malalo loa iho, ka Makaikiu McDuffie, ka mea nana i hookolo mahope o ka meheu o kela poe ino, me kona kokua, ke Kakiana Makaikiu John Kellett, a hiki i ko lakou pau ana i ka paa i ka hopuia.