Ka Nupepa Kuokoa, Volume LXII, Number 6, 8 February 1923 — Aihueia ke Kaa Oto o ka Makai Nui Chas. Rose Loaa Aku Nae ua Kaa Nei ma Kahi Hoomoana o na Koa ma Leilehua NA KEKAHI MAU KOA KELA HANA AIHUE Paa Laua i ka Hopuia e ke Aliikoa Ku Uwaki i ka Hoea Ana me ke Kaa [ARTICLE]

Aihueia ke Kaa Oto o ka Makai Nui Chas. Rose

Loaa Aku Nae ua Kaa Nei ma Kahi Hoomoana o na Koa ma Leilehua

NA KEKAHI MAU KOA KELA HANA AIHUE

Paa Laua i ka Hopuia e ke Aliikoa Ku Uwaki i ka Hoea Ana me ke Kaa

Me ka nana ole ae o ka poe aihue, i ka lilo ana o Charles H. Rose, i poo no ka oihana makai o Honolulu nei, a waiho malie aku i kona kaa otomobile, aka he like wale no na kaa apau i ko lakou manao, no ka mea i ka Makai Nui Rose maloko o ka haleaina. ma ka po o ka Poakahi nei, ua lilo aku la kona kaa otomobile i ka aihueia, o kahi nae o ka laki, o ia no ka loaa ana o ua kaa nei ona ma Leilehua, me ka poino ole, a paa hoi he elua mau koa i ka hopuia e na makai koa. Ma kona keena ka Makai Nui Rose ma kela po Poakahi, a ma ka hora umi-kumamakahi o kela po, i haalele iho ai oia maluna o kona kaa otomobile, no ka huli hoi ana no kona home. Mamua nae o kona hoi pololei loa ana no ka home, manao iho la oia e hele e ai, maloko o ka haleaina Service, ma ke alanui Betela, e kokoke la i ke alanui Hokele, me ke kukulu ana no i kona kaa otomobile mawaho o ka haleaina, a oiai he makai kekahi ma kela mau huina alanui, aole ona wahi hopohopo iki, no ka lilo o kona kaa i ka aihueia. He hapaha hora paha ka loihi o ka Makai Nui Rose maloko o ka haleaina ua hemo mai la oia iwaho. o ka mea nana i hookahaha mai i kona manao, aole ona ike i ke ku mai o kona kaa otomobile. O ka noonoo mua i ala ae iloko ona, o ia no ke kelepona ana aku i ka halewai, no ka aihueia ana o kona kaa, aka manao iho la nae oia mahope mai, e hele kino maoli no e huli i kona kaa ma kela po. Nolaila maluna o kekahi kaa oto mobilo okoa, i kau aku ai oia, a hoomaka aku la e holo ma na wahi like ole o ke kulanakauhale nei, me ke kelepona mau ana mai no nae i ka halewai, ina paha ua loaa kona kaa, a ma ka hora ekolu, i hoea aku ai oia no ka halewai,

,a hoikeia mai Ja ka loho iaia, u;i loaa kona kaa ma kahi hoomoanu 0 na koa ma Leilehua. 0 na niea na laua i lawe aihuo 1 kela kaa, he mau koa no ia, i komo i na lole o na niakaainana, a e hoomakaukau ana ka ua mau ko;i nei, e kukulu aku i ke kaa, ma ke kahuii o na mokulele, o ka manawa ia i ikeia mai ai e ke aliikoa, nana e kiai ana ka uwaki o kela manawu, o ko laua paa no ia i ka hopuia. Ma ka Poalua nel, i hoounaia ai o W. J. Lilig } ke poo o na makai nana kaa, no Leilehua, no ka hoiHoi ana mai i kela kaa otomobile o ka makai nui, i aihueia > ai.