Ka Nupepa Kuokoa, Volume LXII, Number 7, 15 February 1923 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
O John C. LANE POO KA AHUI KAMEHAMEHA
Mahope iho o ke kakali ana a piha ka makahiki hookahi mai ka manawa mai i make ai ke Keikialii Kalanianaole. ke Aliiaimoku, o ka Ahahui Kamehameha, i kahola ae ai O John C. Lane, i pani@akahaka @@a kona makalua, o oia ke poo o ka Ahahui Kamehameha i keia manawa, ahiki i ke kohoia ana o kona pani. Ma kekahi manawa hou aku, e kohoia ai na lunanui.
Ua kohoia o John C. Lane i aliiaimoku, ma ka la 29 aku nei o ka mahina o Lanuari i hala; a ma kekahi olelo ana ae hoi, oia ke poo nui, maluna o na ahahui apau, i lilo aku ai he mau lala no ka ahahui Kamehameha.
Ma kela halawai i malamaia, i hooholoia ai, e malama mau aku ka ahahui i kela ame keia makahiki i ai hoomanao, no ke keikialii kalanianaole, ka mea nana i kukulu, a i hookahua i ka Ahahui Kamehameha mai kona manawa opiopio loa mai, ahiki i kona lilo ana, i ahahui nui iwaena o na ahahui Hawaii apau.
Ma keia makahiki, o ka la 25 o Maraki, o ka la ia e hoomanao ae ai ka Ahahui Kamehameha no ke Keikalii Kalanianaole, ma ka malama ana i anaina haipule maloko o ka luakini o Kawaihao, a ua hoounaia aku na kono, i na ahahui Hawaii e ae, o keia kulanakauhale, no ke komo pu ana mai iloko o ia anaina hoomanao.
Ma kela halawai hoomanao, ua makemakeia na ahahui Hawaii apau, e komo mai i lakou mau aahu makalike, a ma ka auwina la, o kela la, e malama ae ana ka Ahahui e ae, he hookahi ka ai pu ana, ma na mea i hookaukauia.
Ahiki mai i keia manama, ua pau loa na mokupuni ano nui o Hawaii nei, i ke kukuluia o na Ahahui Kamehameha lala, o ka mokupuni o Maui, kahi hope loa o ke ku ana ae he lala o keia ahahui, iloko aku nei o ka mahina o Dekemaba i hala.
No ka hooi ana aku i ka nui o na lala iloko o ka Ahahui Kamehameha, e lilo aku ana i hana na na lala iloko o keia ahahui, ka huli ame ka imi ana, i mau lala hou, ma keia mau aku, me ke kanalua ole, no ka nui o ka poe hou e komo mai ana iloko o ka ahahui.
O ka ahahhui lala o ka Ahahui Kamehameha i ku ma Kauai, o ia ka Ahahui Kaumualii, nona na lala i hiki aku ma kahi o ka 200, a o A.G. Kaulukou, ka mamoalii.
O ka ahahui hoi o ka mokupuni o Hawaii. ua kapaia ka Ahahui Ma-malahoa. a o William H. Beers ka Mamoalii.
O ka Ahahui Hawaii. ka inoa o ka ahahui o Oahu nei, a o B. N. Ka-halepuna ka mamoalii, me kona mau lala i hiki aku ma kahi o ka 250.
Na Ahahui me na Lunanui
O keia malalo iho nei na lunanui o ka Ahahui Kamehameha (Oahu): 1. Aliiaiamoku Keikialii Johan K. Kalanianaole (make).
2. Alii. Dr. George H. Huddy. 3. Na Luna nui Ahahui Kamehameha. B. N. Kahalepuna. Mamo Alii; James H. Boyd (make). 4. Alii, Abraham Fernandez (make).
5. Alii, Charles H. Rose. 6. Alii, Carlos A. Long. 7. Alii Geo. E. Smithies (make). 8. Alii, Na-garam Fernandez (make).
9. Alii James L. Holt: 1o, Alii, David Kahuna; 11. Alii Charles L. Oio: 12. Alii, John K. Kamanoulu.
13. Aliiaimoku, John C. Lane, i pani ma kahi o ke Keikialii Ka-lanianaole. 14. Alii, Moreno K. Halu: 15. Alii Jos. K. Kanepuu (make): 16. Alii. Wm. Chung Hoon. 17. Hope Aliiaimoku, William Chung Hoon. Jr.; IS, Alii, Edward K. Wongham: 19. Alii, Andrew I. Bright; 20 Alii, David K. Hoapili, Sr.
21. Alii, Eli J. Crawford; 22. Alii, Reuben Kinney; 23. Alii, Henry H. Williams.
24. Alii, Stephen L. Desha, Sr.; 25. Alii Geeorge L. Desha, Sr.; 26. Alii, Samuel K. Pua.
Ka Ahahui Kaumanualii: 27. Alii, J. Mahia Kaneakua; 28. Alii. Nicholas K. Hoopii. J. K. Mokumaia, Kaukaualii; Wm. Punohu. Laualii; Edward K. Kea, Kakaolelo; Wm. Chung Hoon, Jr., Kuahau: Ed K. Wongham, Aipuu-p@@
Oscar P. Cox, Kahuna; Henry Ke-li. Pukaua Nui.
Samuel K. Kakelaka,Pukaua Iki; Samuel Manu, Kiai Loko; Samuel M. Williams, Kiai Waho.
Papa Kahu Waaiwai-Wm.Ahia, Henry H. Williams, J. B. Desha.
Ahahui Mamalahoa
Ua Kukuluia keia ahahui lala o Kamehameha i Aperila 18, 1907, a o keia iho na lunanui:
William H. Beers, Mamo Alii; Stephen @. Desha, Sr. George L. Desha. Sr. ame Samuel K. Pua.
Ahahuui Kaumualii.
Ma ka la 36 o Dekemaba 1918 i kukuluia ai keia ahahui a o keia iho kona mau lunanui:
A.G. Kaulukou, Mamo Alii; I.K. Kaauwai, Sr. Lanalii
S.K. Kaahu, Kakaolelo; Henry Blake. Kuauhau: W.O. Crowell, Ai-puupuu; H.W. Waiau, Kuhuna. Samuel Keliinoi, Kuhikuhipuuone;
Na Lunanui o ka Ahahui Kamehameha. Mahope o ke kakali Ana no Hookahi Makahiki, Mahope o ka Make Ana o ke Keikialii Kalanianaole.i Kohoia Ae Ai o John C. Lane, Ka Makai Kiekie o ke Teritoro i Aliiaimoku, he Panihaka ma Kahi o ke Keikialii Kalaninaole i Make. Ma Keia Kii e Ikeia ai KekahiMau Alii o ka Ahahui ma Oahu Nei. E hoomaka ana mai ka Hema aku maluna loa o Reuben Kinney, Dvid K. Ainoa, Moreno Hulu, David K. Hoapili, Sr. Chas L. Oio, Eli J. Craw-ford; Malalo iho mai ka Hema aku: James L. Holt, William Chung Hoon, Jr., Aliiaimoku John C. Lane, William Chung Hoon, Sr., Wm.k. Cano. Malalo loa, Henry H. William, ame Eddie K. Wongham
John Naleimale, Pukaua Nui: E. C. Lovell. Pukaua Iki: H. W. Akana. Kiai Loko; David Pele, Kiai Waho.
Na Alii:-J. Mahiai K@@@@kua. Nicholas K. Hoopii.
Ahahui Kahekili
Ma ka mahina o Dekemaba ma ka la 2, o ka makahiki 1922 koke aku nei no i hala, i kukuluia ai keia ahahui a o keia iho kona mau lunanui:
W.E. Bal, Sr., Kaukaualii: Clem Crowell, Laualii: Frang K. Kalua, Kakaolelo; C. F. N. Rose, Kuauhau, Charles Wilcox, Aipuupuu; Step-hen Lake, Kahuna; Wm. Hoopii, Kuhikuhipunone; George Kauwena ole, Pukaua Nui.
J. Hiona, Pukaua Iki; M. Ross, Kiai Loko; W. Cockett, Kiai waho Papa Hooko-S. E. Kalama, Guy Goodness, W. E. Kaae.
O MAUA PU ILOKO O KA LUULUU.
Mr. Jos. L. Kukahi, aloha oe a nui loa me ka malu mai ke Akua mai:-Me ka puiwa a hikilele i ka ike ana iho ma ka @pepa o Mrs. M. Liwai Kukahi ua hala. ua haa-lele iho ia oe ke kane, na keiki, na moopuna ame na hoa pauhana pu iloko o ka Haku. Auwe aloha no hoa uhaiaholo o ka ke Akua Hana!
Aloha no hoi oe ke kane i hoo-kaumahaia no kau mea aloha he wahine, a ko iho la ka mea i pa-lapalaia e ka Buke Nui: "O ke kanaka i hanauia e ka wahine he hapa kona mau la, ua piha i na popilikia he nui."
Nolaila, e kuu hoaloha iloko o ka ke Akua hana, Mr. Jos. L. Kukahi, ke komo aku nei maua, e auamo pu me oe, no na haawaina kaumaha i kau iho maluna ou no kau mea aloha he wahine, a pela pu hoi na keiki i ka makuahine, na moopuna hoi i ke kupuna, auwe ka mea eha-eha o ka naau ke hoomanao ae noua.
Ua pau iho la kana hana maanei no kona Haku aloha, kuu ka luhi, pau ka ike ana i na ehaeha he nui, a ke pule pu ae nei i ko kaua Akua o Iehova, ame Kana keiki ko ka-kou hoopakele, e oluolu e lawe ae, a pela pu hoi me na keiki, na moo-puna, ame ka ohana no apau.
E ka hoaloha iloko o Kristo, ke hea mai nei Kona leo aloha: "E hele mai oukou apau loa i O'u nei, ka poe luhi ame ka poe kaumaha a Na'u oukou e hoomaha o ka haipule e nana aku o Kristo Iesu.
Maikai maua, a ke pule pu ae nei i ke Akua e loaa pu ia oe ia haawaina maikai.
Ke hooki nei au maanei, na ke Akua e kiai pakahi ia kakou apau, a hoohui i ka wa pono. Ke aloha aku nei maua ia oe a nui, ame ka ohana pu.
O maua iho no me ka haahaa kou mau hoapaahana iloko o Kristo Iesu.
MR. & MRS. J. K. LAWELAWE, Hawi, Kohala, Hawaii.
He 13 mahina hoomalu ka hooa'i a ka aha hoomalu o ke kau ana mai maluna o R. R. Miles no ka hewa holonui me ka noonoo ole i ko hai pono, ma ka poaono aku la i hala.
NA HANA O KA OIHANA MAKAI.
No ka hooweliweli e hopoino i ka wahine i hoopilia ae ai o Chris Hu@, ma ka poaono aku la i hala e hoo-lohe ia hihia na hookuui aku ola.
No ka malama ole o Santiago Mason i ke ola o ka wahine i hoo-komo ae ai ka wahine i hoopii nona, a kauohaia aku oia e ka aha e uku mau ae i $5 i ka wahine i na pule apau.
He 15 la hoopaahao ka hoopa'i a ka aha hoomalu o ke kau ana aku maluna o Dan Hoomano no ka hewa hoopahu i'a i hoopiiia ae ai ma ka poakolu o ka pule i hala e ka makai hoomalu i'a ame manu Joe Tavares.
No ke kalaiwa kaa oto o Arthur Emerson me ka laikini ole i hoo-pa'iia mai ai oia ma ka poaono i hala he $15, mahope o ka mao-popo ana o kona hewa.
No ka holonui o Lutterll i kona kau hookahi la hoopaahao kona hoo-pa'i i kauia aku. Ma ka Poakahi o ka pule i hala ua hoopa'i hou ia oia no ia hewa like a oia ano hoopa'i no ka i kauia aku maluna on a. Ma-hope iho o ka pau ana o ka hana a ka aha ua hoihoiia aku oia iloko o ka pa mahope o ka hoomaka ana e hana no ka halepaahao e hoopaa ai no ka hoomaka ana e hana no kona hoopa'i. Na kekahi mea i wehe ka puka-pa a hamama, o ko Luttrell oili mai la no ia a hele aku. Ma ka Poalima mai ua hoea hou aku l oia i ka halewai no ka ninau ana i ke kaa on a a paa hou oia i ka hopuia.
No ka pepehi ana o Manuel Silva i kana wahine i hoopiia ae ai oia a hoopa'iia mai e ka aha he 13 mahina hoomalu, ma ke kakahiaku o ka Poaono aku la i hala.
O Tin Yee ame Tong Chong. he mau Pake ka i hopui@ e ka makai J. M. Tuite o na makai federala hopuhopu opiuma no ko laua hana me kekahi hui kuai opiuma ma-lu.
Ia Man hop e kalaiwa ana i ke kaa oto ma ke alanui Dowsett ma ka auwina la Poaono he keiki Ke-pani uuku o ekolu makahiki, o Fu-sako hajikawa ka inoa, ka i hoo-kuuia mai e kona kaa a eha, a lawe-ia mai i ka halema'i o na poino ulia. Ma ka olelo a ka poe i ike-maka i kela hooku'i ana maloko aku o kekahi pa e pili kokoe ana i holo aku ai keia keiki a kaa pono mamua o kahi o ke kaa e holo mai ana a pela oia i eha ai.
$100 ka hoopa'i o M. Kano i hopuia ai ma ka auwina la Poalima aku la i hala e na makaikiu ma ke alanui Liliha ame Kula a i loaa aku he ipuhao puhi rama maloko o kona hale. Aole oia i hoopa'iia e ka aha ua haalele oia i ka $100 hela a lilo wale i ke aupuni, no kona hoea ole ana ae imua o ka aha ma ka manawa i kaheaia ai kona hihia.
No ke kuai opiuma i hopuia ae ai o Kim Tai Hoo ame Kim Ching Koo e J. M. Tuite ma ke alanui Hokkele ma ka po o ka Poaono a hoopiiia ae laua no ia hewa. Ilokoo na pule elna i hala aku ekolu manawa i hopaia ai ka Pake nona ka inoa hope no keia hewa like. No ke kalaiwa me ka laiki@i ola a no ka kaa i ka hoomau ana i ka holo o kona kaa i ka wa e ku ana ke kaa uwila o ke alanui i hopuia ao ai o C. C. butler ma ka po Poaono @ Bob. Lillis. Ma ka wanaao Sabati iho nei he Pilipino o Pedro Lopex ka i paa ae i ka hopuia, no ka puhu ana i ke kua o Alieo Caleminus he wahine, Poko Riko, me ka pahi, mahope o ko laua paeo ana maloko o kekahi hale kokoke i ke alanui Muliwai. Ua laweia mai ka wahine i eha i ka halema'i o na poino ulia a ma-hope i laweia aku ai i ka halema'i Moiwahine. I kekahi puulu o ka poe lulu e kulolou ana na poo ilalo i kahi o ke ulu ame ke dala maloko o ka Paka Aala o @a kokolo maile aku no ia o na makaikiu Swift, Moon, Kualii ame Oxil@s a puni ana lakou i ka hoopuniia, ua holo aku ke-kahi poe o lakou, a ua lilo mai na uli: ame kekahi mau apana dala ame ekolu kaa baikikala i haaleieia iho e ka poe i holo, a eha poe i paa ae a noho ana i kauhale, ma ka auwina la Sabati iho nei. No ka loaa ana aku o kekahi ipuhao puhi @ama i na makai hoo-kapu waiona, me ekolu galani oko-lehao ame 19 barela rama i hoawa-awaia maloko o ka hale o kami, he Kepani, no kauhale, o na limahana mahiko o Mikilua ma Waianae i paa ae ai oia i ka hopuia a hoopiiia ae no ke ku-e kanawai waiona. Hui ko kaa otomobile e kalaiwaia ana e W. H. Jarrett me ke kaa oto e kalaiwaia ana e Yaehiki ma ke alanui Pali ma kahi kokoke i ka halehana uwila ma ke kaka-hiaka Sabati nei. Ua poino like ia mau kaa a ma ke kakahiaka Poakahi nei i hooloheia ai ko laua hi-hia imua o ka makai o na kau Bob. Lillis. Ma ka auwina la no o ka Poakahi nei i hooku'i ai na kaa otomobile e kalaiwaia ana e E. O. Farm ame L. W. Bleyer ma ke kini o na alahui Muliwai ame Beritania a pahaha like ia mau kaa. Ua kauohaia ae na kalaiwa e hoea ae imua o Bob. Lillis a e hoakaka ae i na kumu o ka loaa aua o kela ulia. No ka hooku'i ana o ke kaa a Ide e kalaiwa ana mahope aku o ke kaa o Miss Louise Barrette ma ke alanui Moi, oiai ke kaa o Miss Barrette e ku ana i k manawa e ku ana ke kaa uwila, i hopuia ae ai o Ide a hoopiia ae no ka holonui me ka nana ole. Ua poino hoi ke kaa o Barrette a ua eha hoi ke-kahi mau ohua e kau aoa ma ia kaa. LOS ANGELES, Jan. 31.--O ka hau, ka huahekili ame ka ua na nea i haule iho maluna o na wahi na-waho loa o ke kulanakauhale o Los Angeles ma ka po nei, he hoomaka ana o@ke anu o ka hookolo-ke mai maluna o ka aina i ike m@u la ka wela.
E HOEA MAI ANA KA HOPENA O KE AO NEI.
Mr. Lunahoopouopono, Aloha a nui kakou:- la'u e heluhelu ana i ka hoolaha a Genaro Rivera e ko-koke ana i Carmelite, Mekiko City, Ianuari 24, 1923, i hoolahia ae ma ke ano wanapa i hoopukaia ae e ka Nupepa Kuokoa o Hawaii nei, i Dec. 12, 1954 alaila, he 31 wale no ma-kahiki i koe mawaho ae o ka 1923 nei. Ua pololei i'o no, ka hiki ana mai o ka hopena o keia honua. Maa-nei e oluolu mai oe ia'u e Mr. Lu-nahooponopono e hoike ae i ka'u hoakaka Baibala imua o kuu mau hoa heluhelu a puni meahou, a hoa-kaka i na mea pohihihi a pololei o ka Baibala, a na kuu luhui, e aponop a apono ole pahu, a ola; he nohona o ke kuaaina haalele loa. Aole i malamalma o ka la, i ke aupu-ni paha o ka mahine alia mai hoi kakou! Nui ko'u hauoli i ka hiki ana mai o ka hopena, wahi a @2 hoo-laha wanana, Mat. 24:3., hapa o ia pauku. Ka ninau a na hauniana ia Iesu. Akahi. E hai mai oe ia makou i ka manawa hea e hiki mai ai ia mau mea? Alua. Heaha hoi ka hoailuna no kou hiki ana mai? Ekolu. Ame ka hopena o keia ao? Pauku 30, 31, 33, pen@i no ia: Pela hoi, e ike oukou i keia mau mea apau alila, e ike oukou, ua kokoke mai ia aia ma ka puka, ma keia mau ninau a na hauma-na, a ke pane nei oia i ka haina o na ninau, aole no he mea hewa ke heluhelu pau loa aku i keia mo-kuna holookoa, aia ma ka pauku 30, ame 20, he mau hoike pololei Maopopo loa keia, e hoopau koke ai kakou apau i na hana hoomao-popo ole ana i ko ke Akua mana nui. E nana ma II Petero 3:6. penei: Ma ia mea no, i ka make ai kela ao mamua, ma ka poipu ana o ka wai aka, o ka lani ame ka honua e keia manawa, ma ia olelo hookahi no. Ua hoana-e ia no ia olelo hookahi no. Ua hoana-e ia no ke ahi, ua malamala no hoi, no ka la hooko-lokolo ame ka make o na kanaka aia: Ka hoopa'i keia o ka hope-na o keia honua, i kona pau ana. Isaia LIV:17. No ka mea, aia hoi, e hana ana au i lani hou, a i honua hou, aole hoi e hoomanao hou ia ua mau mea kahiko la. O ka hoolaha a Genaro Rivera, o Dec. 12, 1954, e nana hou iho kakou i keia olelo hou a Iesu XXIV o Mat 36, e olelo hou ana o Iesu pe-nei: Aole i ike kekahi kanaka ia la ame ia hora aole hoi na anela o a lani, (o Ko'u Makua wale no) nolaila, nohea mai keia la 12 ame ka malama o Dec.. E aho paha 1954. E hoakaka liilii hou au i ko'u wahi manao, o ke kaukani maka-hiki he milenio ia o 954 makahiki, aole ia he milenio, he 46 makahiki hou i koe alaila, piha ke tausani, milenio. Alua o ka Haku o Iesu ka la, ka mahina, aole i ike kekahi kanaka aole na anela, o Kona Ma-kua wale no, ia La, aka, he nui ko'u mahalo ma kahi e olelo ana ma ke poo o kana hoolaha, i mea e hoomaopopo i'o ai ka poe e noho nanea nei, aole wahi hoomaopopo iki e hiki i'o mai ana no ka hope-na o keia honua ma Isaia LXI. 17.
No ka mea, aia hoi, e hana ana Au i lani hou, a i honua hou. Ke hoike nei ke Kaula Isaia i na olelo a Iehova, a oiai, ke hilinai ka honua, he oiaio ka Buke Baiba-la, o ka olelo oiaio keia a ke Akua. ame ka na kaula hemolele. E oluolu hou mai no kuu poe heluhelu i ko'u manao wehewehe ame ka Mr. Lunahooponopono, o ko'u manao poino keia, a penei no ia: O ka milenio he tasani makahiki no ia. 4004 makahiki o ka honua, hanau o Iesu M. H., akahi 1923 keia, hoohui 5927. Ehia na maka-hiki i koe, alaila, piha pono ka 6000 tausani makahiki, o keia ho-lanui alaila, Poaono ka honua i ka 6000 M. H., pau iho la ka honua. alaila. o ia ka 6 milenio, he Poaono ia, aole hou aku ma-o. O keia ka hope loa o keia honua. o ka la, ka malama, aia no ia i ka Makua, he 73 na makahiki i koe. Poaono keia honua, ma-o aku o keia Poaono o ke Sabati aku no ia. aole he hana ia la. Ua hoonai aku ka poe i wae-ia no Kona aupuni lani hou. me na anela pu i ke Akua, ka Makua mau loa, a i Kana Keiki ia Iesu Kristo, wahi a Petero III:8. Ua like ka la hookahi me na makahiki hookahi tausani, a o ke hookahi.
(Aole i pau.)
Ku he Kalapu Upa
ELBERFELD. Feb. 8- He kalapu Upa ka i kukuluia ae maanei he mau kanaka opio na lala, o ka hana a nei kalapu oia no ke koli ana i ka lauoho o na wahine e hui pu ana me na kanaka Palani.
DEflexograph
Mea Leo Mele
Ku i na Ipu Olelo apau
Na ano kui liko ola.
Hiki ke loaa ke kaai
me ka nahenabe.
$1.00 me ke ekeleka.
PAPA GULA $1.50, PAPA META-LA
VANTONE CO..
Dept. 407 110 W. @@@
St.. New York N. Y.
HOAHU I HAPA O IA MEA
Ina loaa ia oe elima dala, hookaawale hookahi a mai hoo-lilo.
Ina loaa ia oe umi dala, kapae elua a mai hoolilo .
Ina e hoomau oe i keia hana e hoea mai ana i kekahi la o hoopilikia ole ia ai kou noonoo no ke dala.
Hoomaka koke e wehe i Buke Hoahu me ka Banako o Bihopa & Co., Ltd.
The Bank of Bishop & co., Ltd.
Ka Banako Kahiko Loa ma Hawaii nei.
Kukuluia i ka 1858.
HUINA WAIWAIPAA HE $16,000.000 A OI.
Musical Entertainment
Ahahui Laulimamakokua
Ame Manawalea
MISSION MEMORIAL
HONOLULU, T. H., FEBRUARY 17, 1923 at 8 p.m.
Program
PART I.
1. Mikilua ………………………………………… Select Hawaiian Air
2. Viola………….…… Mandolin Selection (Harmonics, technique, etc.)
Vernon D. Doty
3. Lei Loke o Kawika …………….………………………………. Solo
Miss Agnes N. Naiwi
4. Kou Maka Palupalu ……………………….………………. Quarlet
Normal School Quartet, Miss Mary Kaulili, Leader
5. Memories of Twilight Hours (Part 1)…....……. Hawaiian Harmony
Chorus of Young Ladies, Miss Dina Mossman. Leader
6. Medley of Southern Songs……. Mandolin (Harmonies, Variations)
Vernon D. Doty
7. Ka Oiwi Nani………………………………………………… Duel
Aianoakumai
INTERMISSION
PART II.
1. PUU-PA ʻ I-KUU-HOME-ALOHA……….. Hawaiian Harmony
Makua Chorus, J. Naiwi Leader
2. Kuu Ipo ……………………………………………………Solo
Miss Agnes N. Naiwi
3. Madolin (a) Ethiopian Boquet (Unaccomp.)…………..Warriner
(Duo, Trio, Quarlet form: left hand pizza, accompa
Staccato chord, technique, etc.)
(b) Fifth Air Varie (Accomp.).……Dancla
(Duo, Quarlet form: variations in arpeggios.
violin style, plectrum pizz., accomp., harmonics.)
C. E. Warriner
Miss Hattie Ayau at the piano
4. Kou Hanu. Kuu Elia'e ………………...………………Quarlet
Normal School Quarlet, Miss Mary Kaulili Leader
5. Mandolin (a) Sounds From Church (Unaccomp.) Arr.Warriner
(Trio and quarlet form, shading and pipe organ
effect, right hand harmonies, etc.)
(b) Flower of Italy (Accomp.) …Slefano
Concert waltz of Italian legends
C. E. Warriner
Miss Hattie Ayau at the piano
6. Memories of Twilight Hours……….…….Hawaiian Harmony
Chorus of Young Ladies, Mrs. Dina Mossman. Leader
7. Violin-Flute-Harp, (a) Melodie of Love ………………………………….
………..…….Englrmann (Arr. Warriner)
(b) Angels Serenade ……. Braga
The Maile Trio
Violin, M. Sosnowski Flute. H. McEntee Harp. C. E. Warriner
The Ahahui-Laulima-Kokua-Ame-Manawaea take this opportunity to publicly extend to the friends who have helped to make this program possible its deepest gratitude and its warmest appreciation for the assistance so generously and so helpfully rendered. Mahalo me ka Hoomaikai nui loa!