Ka Nupepa Kuokoa, Volume LXII, Number 8, 22 February 1923 — KO KAKOU AHAOLELO KULOKO. [ARTICLE]

KO KAKOU AHAOLELO KULOKO.

Ma nehinei aku la, i weheia ai ko kakou ahaolelo kuloko, e hala okoa ai na mahina elua a oi, a ko kakou poe kaukanawai e hana mai ai i na hooponopono ahaolelo i manaoia, he man mea ia e pono ai na makaainana, a e holomua ai ke aupuni iloko o keia mau makahiki elua e nee aku nei. Ma kekahi mau kau ahaolelo aku nei i\hala, ua lilo i hana na kekahi mau hoa oloko o ka ahaolelo, ka lawe ana mat i na bila kanawai, no ke ake e mahaloia aku, ma ka imi a:nai i kekahi mau alahele e hoopomaikaiia aku ai kekahi puulu kakaikahi; he mau bila kanawai a lakou no i ike ai, aole e hooholoia ana; aka pela iho la nae ka hana a kekahi mau hoa o ka ahaolelo: a i ka hoea hou ana mai i ka wa o na hakoko kalaiaina, o ka manawa ia e hoikeike ae ai i ka lakou mau bi!a kanawai i hōoikaika ai, no ka pono o na makaainana, a kuhikuhi aku la me ka hooili-ana i na ahewa ana np ka holo ole ana o ia mau bil>, i kekahi poe no o lakou. Me ke kanalua ole ke olelo ae, ua hoolilo kekahi mau hoa oloko o ka ahaolelo i kekahi manawa nui o iakou, ma ka noonoo ame ka hoomakaukau ana i kekahi mau bila kanawai, elike me ka lakou i ike ai, he mau bila kanawai maikai ia, o ka keia pepa nae e kauleo aku nei i na hoa o ko kakou ahaolelo, he oi loa aku ka pono. e lawe mai i na bila kanawai i ike maoli ia no ke kupono, elike me na hemahema, ame na pilikia i ala mai iloko o na makahiki elua i kaahope aku la. Ma ke ano nui nae ke olelo ae, e lilo na la he kanaono, a ke kanawai i hookaawale ae ar. no ko kakou ahaolelo kuloko e noho ai, i mau la \vafwai, ~ma ka hoolilo ana o ko kakou poe kaukanawai i ko lakōu manawa, ma na hana a ka lehulehu i ake mai ai na loaa e hooko aku, aole hoi o ka hoomaunauna wale ia o ka nianawa. ma kekahi mau hana no ko lakou mau hauoli iho. Ua hoakaka aku ke Kuokoa nei ma kekahi mau helu ae nei i hala, no kekahi mau hooponopono,. ahaolelo, e pono ai ke hooholoia mai i keia kau. a oiai ua maopopo no ia kakou apau ke ano o kekahi mau hana e lawelaweia mai nei o ko kakou mau keena oihana, ua ikeia hoi ka pono ole o kekahi mau kanawai e ku nei i keia wa, pela me ke ano o ka hoohanaia anā o ko kakou mau aupuni kalana, e lilo no i mea e mahaloia ai ko kakou poe kaukanawai, ina lakou e hooholo mai ana i na hooponopono ahaolelo, e hoopauia ae ai na hemahema o na kanawai e ku nei, a hana mai hoi i na hooponopono ahaolelo, i oi ae ke kupono ame ka maikai, e loaa ole ai na hoohalahala ana ina keia hope aku.