Ka Nupepa Kuokoa, Volume LXII, Number 9, 1 March 1923 — AIHUEIA KE KAA A LOAA AKU NAE UA NAHAHA. [ARTICLE]

AIHUEIA KE KAA A LOAA AKU NAE UA NAHAHA.

He kaa otomobile no Raj Sclfang o Wahiawa ka i aihueia mai kahi aku i kukuluia ai ma kahi e ku ai o na kaa ma ke alanui Papu, ma kahi kokoke i ka hale kii onioni Princess ma ke ahiahi Sabati a loaa aku aneane ma ka hora 11 o ia po ma kela alanui pali, ua haaleleia e ka poe ainue me ka nahaha, elike me ka hoike a na makai o ka hoihoi ana ae. Ua kukulu o Schang i kona kaa ma kahi e ku ai na kaa ma ke alanui Papu ma ke ahiahi Sabati nei, a komo aku la iloko o ka hale kiionioni no ka hoohala ana i kekahi manawa ma ka nana ana i na kii, a i ka pau ana ia oili ana mai ana ua lilo kona kaa. Ua hoike koke ia ae ia aihueia ana o kona kaa i ka oihana makai a hoomaka koke aku la na makai e huli. He hapalua hora mahope iho o ka hoikeia ana ae i ka oihana makai ua loaa aku la ke kaa i aihueia i na makai Gonsalves ame Lopez mahai o ke alanui pali o Nuuanu e waiho aoao ana ua nahaha, me he mea la, i ka laua nana aku ua pakika ke kaa mahai o ke alanui a hooku'i i kekahi kumulaau ma ka manawa a ke kalaiwa i hoao ai e hoohuli ae ma kekahi uakee pokole loa o ke alanui, iloko o ka manawa e holo ana ke kaa me ka mama loa. E waiho aoao ana ke kaa a ua nahaha, wahi o ka hoike a na makai.

■ Ma ka laua hoike,-ma ke kulana o ke kaa e waiho ana ma ka manawa i loaa aku ai ia laua aole hiki i ke kalaiwa ke pakele i ka eha, eia nae, aohe kanaka i loaa aku ia laua malaila. Ua hele ae na makai e ninau i na halemai ina he mea kekahi i eha mamuli o kekahi ulia kaa otomobile i hoea aku a ua hooleia mai.