Ka Nupepa Kuokoa, Volume LXII, Number 9, 1 March 1923 — KUU KAIKAMAHINE ALOHA HANNAH K. KAUAHIPAULA, UA HALA [ARTICLE+ILLUSTRATION]

KUU KAIKAMAHINE ALOHA HANNAH K. KAUAHIPAULA, UA HALA

Mr. Lunahooponopono, Aloha oe: —E oluolu oe no'u kauwahi kaawale o ka kaua hiwahiwa no ka'u puolo waimaka luuluu a paumako, no kuu Hannah, kuu kaikamahine hele loa.

Mahope iho o ke kaa ma'i ana no kekahi mau Ia pokole, a ke kakahiaka poniponi o ka Poakahi, ka la 12 o Feberuari nei, maloko o ka haukipila Kepani, i pauaho mai ai kuu Hannah K. Kauahipaula i keia ola ana, a hoi aku la ka uhane me kona mea nana i hana, a o ke kino me makou, ka ohana, na makamaka ame na hoaloha iloko o ke kaumaha, ka luuluu ame na hoomanao poina ole ana nona. Ua hoaoia ma na ano apau, na ike lapaau o keia au naauao, no ka hoopakele ana mai i ke ola o ka mea nawaliwali, aka, oiai ua oi.loa aku ka ikaika o ka ma'i, mamua o ka mea hiki i ka laau a ke kauka ke paa mai i ke ola, ua poho wale na manaolana. Ua kaa aku na hooponopono ana i kona kino malalo o ke Sih*a Undertaker, a malaila ka ohana, na makamaka ame na hoaloha i akoakoa ae ai no ka ike hope ana iho iaia, a ma ka hora 4:30 o ke ahiahi Poalua i ka'i aku ai kona huakai hoolewa no ka ilina o Makiki, a malaila i hoomoeia aku ai kona kino iloko o ka maiuhia, a ko ae Ia ka olelo, "He lepo oe, mailaila mai, a ilaila no oe e hoi aku ai." E hoojmaikai ia Kona inoa. Ua hanauia kuu Hannah K. Kauahipaula i ka la 37 o "Sept., 1910, ma Kainehe, Hamakua, Hawaii, mai ka puhaka mai o Mr. ame Mra. W. N. Kauahipaula, kona mau makua, a i kona wahi wa bebe o eono wale no mahina, i kaa mai ai oia malalo o ka'u malama ana ahiki iho la i kona haalele ana mai la i keia ao inea.

Ua piha iaia na makahiki he 12, 4 mahina ame 25 la o ka hanu ana i na ea o keia ola ana. He kaika'mahine oluolu, akahai ame ka hoolobe; he lokomaikai, heahea ame ke aloha, he hooikaika ma ka imi ana i ka naauao, a ua mahalo nui ia e kana mau kumu, no kona holomua ma kana mau haawina, he hooikaika pu ma na hana pono, a he haumana Kula Sahati holomua loa, a i minamina nui ia e kana mau kumu Kula Sabati o ke Kula Sabati o ka apana o Kalia o ka Hoomana o leau Kristo o ka Poe Hoano o na La Hope Nei. Mamuli o kona mau ano maikai a oluolu, ua nui kona mau hoaloiia ame na makamaka, ma na wahi āpau ana e noho ai. t a h&alele iho oia mahope nei he makuakane, he kaikaina ame elua kaikunane, ame maua kona ma» kahu hanai, ame ka nui o ka ohana ma Honolulu nei a ma Hawaii. Ke haawi aku nei makou ka ohana i na hoomaikai nui mailoko lilo aku o ko makou mau puuwai i ka poe apau i haawi mai i na makana pua, a i akoakoa pu mai me makou iloko o ko makou mau hora o ke kaumaha, a i komo pu mai ma ka huaH,ai hooiewa o ka makou meaaloha. E oluolu e lawe aku i keia hoomaikai, a na ka Haku no e hoomaikai mai ia kakou apau. Me ke aloha, ROBT. P. KAAIHUE, MBS. ROBT. P. 3LAAIHUE.

Miss Hannah Kaalhue Kauahlpaula,