Ka Nupepa Kuokoa, Volume LXII, Number 9, 1 March 1923 — HOOPA'IIA HE $25 NO KA HOLONUI ME KA NANA OLE. [ARTICLE]

HOOPA'IIA HE $25 NO KA HOLONUI ME KA NANA OLE.

Ua ikeia ka pili o ka hewa ia Henry Marino, ke kalaiwa holonui i hopu|a ai e ka Makai J. P. Gomes mahope koke iho o ka hora 10 o ka po Sabati nei no ka. holonui a no ka hoopuka ana ae i na olelo hailiili i ka makai ma kona manawa i hookolokoloia ai maloko o ka aha hoomalu ma ke kakahiaka Poakahi nei, a ua kauia mai ka maluna ona he $25 no ka hewa mua ona i-hoopiiia ae ai he holonui, a he 10 mahina kona hoomalu no ka lua o kona hihia. Ma ka manawa o ka hooloheia ana o ka hihia o Marino ua hoole oia i kona 'hewa, eia nae ma ka hoakaka a na hoike, ka poe i ikemaka i kela holonui ona e kalaiwa ana oia i ke kaa ma ke "alanui Beritania a oi aku mamua o ke 30 mile i ka hora maloko o ka apana i kaupalenaia ka mama holo he 15 mile. Ia Marino e holo ana ua kahea aku ka Makai 6omes iaia e ku iho hoomau no nae oia i ka holo me ka hoolohe ole mai i ke kaheia aku, elike me ka hoakaka a na hoike. I ke kaa o Marino e holo aku ana ua hahaiia aku oia e ka Makai Gome§ maluna o kekahi kau ma kekahi alanui okoa ahiki i ka pa& ana aku o Marino i ka hopuia. '