Ka Nupepa Kuokoa, Volume LXII, Number 9, 1 March 1923 — HOOPAUIA MAI KE KULA McKINLEY AKU. [ARTICLE]

HOOPAUIA MAI KE KULA McKINLEY AKU.

He kanaono-kumamaha mau haumana i hoopauia mai ke Kula Kiekie McKinlej' mai, mamuli o ka loaa ole ana o na pakeneka kiekie ma ka lakou mau haawina. Wahi a ke Kumupoo Jernegan, o kela mau haumana o ka hoopauia ana mai ke kula aku, ua haule lakou ma na haawina ehā i a'oia ia lakou, a o kekahi poe hoi, he hookahi haawina i loaa, u haule ekolu mau haawina. Ua lioakaka hou ae oia, ina i hoopau kahiko ia ria na -haumna i ikeia ko lakou holomua ole ma ka lakou mau haawina, he elua makahiki aku uei i hala, ina, ua koe i ka papa hoonaauao, ka huina o $10,000, ma ke ano he uku no na kumukula, no ka mea i ke emi ana mai o na haumana ma kela kula, pela no e emi mai ai na kumukula, a emi na dala e ukuia no na ukuhan*. Aole nae o kela wale ae la no ka huina o na haumana i ikeia ka holomua ole, akn aia ma kahi o ka 113, mai na keikikane a na kaikamahine, koe wale no nae, ka haawiia ana aku he manawa no kekahi mau haumana e ae e hooikaika ai, a ina e ikeia ana, he o ia mau no ko lakou haule hope, iloko ae nei o kekahi mau la o ka mahina o Maraki, alaila e hoopau pu ia aku ana no lakou.