Ka Nupepa Kuokoa, Volume LXII, Number 9, 1 March 1923 — KE KANAWAI O. [ARTICLE]

KE KANAWAI O.

Xo ka manawa mua loa, mahope iho o ka hala ana o kekahi mau makahiki lehulehu, akahi no a hoalaia mai ka ninau e pili ana i ke kanawai o, mamuli mai keia o ke ku-e ana o kekahi mau makua o na keiki, i ka o ia o ka lakou mau keiki maloko o ke kula. Ke ku nei ka oihana lapaau o keia kulanakauhale, pela hoi ka papa ola o ke Teritore, a hooiaio mai, o ka o ana i na keiki, a i ka lehulehu, o kekahi ia o na alahele e hoopakeleia ae ai mai ka loaa ana i na ma'ilele, na ma*i ahulau ame ka ma'i kamolapoki; a ua hooholoia no keia kanawai e ku nei i keia manawa, mamuli o na hooia ana a na kauka no ke kupono i'o o ka o ana i ka lehulehu. Ma ka aoao nae o na makaainana, ua nele lakou me na ike maopopo loa, e hooiaio ana no ke kupono ole o ka o ana i na keiki, a i na kanaka makua paha, aka eia ke paa nei maloko 0 na moolelo. na manao hoakaka, ame na hoike a kekahi mau kauka kaulana o kekahi mau aupuni o ka honua nei, e hoahewa ana ika o ana ina keiki ame ka lehulehu. Ke ku nei na huahelu o na make, ma kekahi mau aupuni, i na ma'i lele, ka ma'i kamolapoki, me ka lilo ole o ka o ia ana o na kanaka, 1 mea e hoopakeleia ae ai lakou mai ka loaa ana aku i ka ma'i a mai ka make ae hoi. Me keia mau mea oiaio loa; e ku mai nei ma ka aoao e ku-e ana i ka o ana i na kanaka, pela hoi ke apono no ka hoomauia aku o ia hana ma keia Teritore, ua ili aku ke ko'iko'i maluna o ko kakou ahaolelo e noho mai nei i keia la, ka noonoo ana me ke akahele, a hooholo mai i kekahi hooponopono ahaolelo, e lilo* ai i mea e hoopomaikaiia ai na kanaka e noho nei ma Hawaii nei. I ka nana aku ma kekahi ano, mamuli o ka mahae o na ike o na kauka lapaau akamai loa o ka honua nei maluna o ka ninau o. o ia hoi, e apono ana kekahi heluna nui o na kauka 110 ke kupono oka o ana i na kanaka; a e ku-e ana hoi kekahi poe kauka ia hana, o ka hooponopono ahaolelo kaulike maluna 0 keia ninau. e pono ai e hanaia i keia kau, o ia no ka hoololi ana i ke kanawai e ku nei, ma ke ano, e haawi ana i ke kuleana apono a apono ole, maluna o kela ame keia mea, i makemakeia e o, aole hoi elike me ke kanawai e ku nei i keia manawa ka ne!e o ke kuleana i kekahi mea, e hoole mai ai i kona o ia aku. a i ole kana mau keiki paha. O keia kekahi o na hoike maopopo loa e hoopauia ai ko kakou pohihihi, i ka manawa e hoea mai ai na ma'i luku, na ma'i ahulau, ke kamolapoki, e kauia nei ka weli. O ka poe 1 manaoio. o ke o ana ia lakou ke alahele e hoopakeleia ae ai lakou mai ka loaa ana i kela mau ano ma'i, a e hoopakeleia ae ai hoi mai ka make mai, o lakou no ke waiho aku ia lakou imua o na kauka no ke o ana mai; a o ka poe i manaoio ole, e waihoia aku lakou me ke o ole ia; a ina e loaa ana ka poe i o ole ia i ka ma'i, a e nui ana paha ka inake iwaena o lakou. alaila ua pololei, a ua oiaio loa, na mea a na kauka o kakou e koi nei. no ka lilo o ka o ana, i mea hoopakele i ke ola o ka lehulehu; aka 'noi, ina aole o lakou loaa nui i ka ma'i, a make paha: aka ua pahola like ae ka ma'i ame ka make maluna o ka poe i o-ia ame ka poe i o ole ia, alaila, ua lilo no ka ei ana i mea waiwai ole. Aia he meahuna iloko o ka oihana o, a kakou na makaainana i maopopo ole oi, i kona waiwai ame kona waiwai ole, o na kauka wale no ka poe i maopopo; me ia maopopo no nae.

i mahae ai ko lakou mau manao, ahiki i keia la. Nolaila o oukou e na hoa o ka ahaolelo kuloko e noho mai nei i keia manawa, na lunakanawai na lakou e hooholo keia ninau ko'iko'i, a maluna auanei o ka oukou mau mea e hana mai ai na mahalo ana aku, ame na hoahewa ana aku a na makaainana o Hawaii nei, na haku, na lakou i hoonoho aku ia oukou, i poe kau i na kanawai kupono a kaulike.