Ka Nupepa Kuokoa, Volume LXII, Number 9, 1 March 1923 — Komo Aihueia he Halekuai ma Kalihi e Kekahi Poe Ekolu Pepehiia ka Pake Nona Kela Halekuai me ka Aihueia Ana o na Dala he Kanaha-Paa Nae Elua i ka Hopuia Mahope Mai [ARTICLE]

Komo Aihueia he Halekuai ma Kalihi e Kekahi Poe Ekolu

Pepehiia ka Pake Nona Kela Halekuai me ka Aihueia Ana o na Dala he Kanaha-Paa Nae Elua i ka Hopuia Mahope Mai

Mamua iho o ke kani ana o ka hora umi-kumamalua, o ka po o ke Sabati aku nei i hala, i komoia ae ai ka halekuai o kekahi Pake, nona ka inoa o Leong Kee, mauka ae nei o Kalihi, ma ke alanui Moi me ke alanui ololi īlikeke, e kekahi poe kanaka ekolu, a aihueia he kanaha dala mailoko aku o ka pahu waiho dala, me ka pepehiia ana o ka Pake nona ka halekuai a eha loa, a mama aku la na wawae o na kanaka aihue me powa i ka holo. Ma ka hoakaka a kela Pake imua o ke Kapena Makai Poaha, i ka manawa i komo aku ai na kanaka ekolu noloko o kona halekuai, ua hahauia aku la kona poo me ke kuau o ka pu panapana, e kekahi o kela poe, oiai hoi kekahi mau kanaka elua, i kii aku ai e aihue i na dala oloko o ka pahu waiho dala, a lilo aku la ka huina o kanaha dala e waiho ana iloko. Ua hoakaka ae kela Pake imua o ke kanaka o ke aupuni, i na ano 0 kela poe kanaka ekolu, a ua kulike kana mau hoakaka me na hoakaka a kekahi Kepani o Yoshimura ka inoa, he kiakaa no ke kaa otomobile, no na ano o kela poe kanaka ekolu. Wahi a kela Kepani, mamua o ka lawelaweia ana o ka hana powa e na kanaka ekolu, ua hoea mua aku lakou imua ona, a ninau aku la i kahi i liele ai o ka Makai Kaulio Manuel Smith, a i ka hoikeia ana aku ia lakou, ua pii oia ma ke alanui Gulika, o ka manawa ia 1 hele nui aku ai noloko o ka halekuai o ka Pake, a hooko aku la i ka hana a lakou i lawelawe ai, elike ae la me ia maluna. Me na hoakaka nae i loaa akn i ka oihana makai, no na ano o na kanaka ekolu i komo aihue ai maloko o ka halekuai o kela Pake, •ua lilo i hana na na kanaka o ke aupuni, ka hookolo ana mahope o ka meheu o ka poe powa, ma ka Poakahi nei, a ua paa ae he elua mau mea i ka hopuia, ma kela kakahiaka, mahope nae, o ka hoao ana mai o kekahi o kela poe kanaka e hakaka me ka makai. TJa loaa na manao hoohuoi i ke Kapena Makai Poaha ame ka Makai Carreira no kekahi mau kanaka elua, oia o William Cockett ame Charles Molani, ma ke ano ua kulikō ko laua mau ano, me na kanaka i hoakakaia aku ai e ka Pake nona ka halekuai, ame ke Kepani kiakaa otomobile. Ma ka hora umi-kumamakalii o ke kakahiaka o ka Poakahi nei, ua

loaa aleu la kela mau kanaka elua | maloko o kekahi hale m:i ke alanui Kukui, a i ka hooko ann aku o na makai i ka lakou hana, ua hoao mai la na kanaka i hoohuoiia o hakaka me na kanaka o ke aupuni, eia nae ua paa laua a elua i ka hopuia, a noho ana i Kuapapanui. Ua laweia o ChaTles Molani no ka Halema'i Moiwahine, kahi o LeQng Kee e Avaiho mai ana i kona p'oino, mamuli o ka pepehiia ana, a me ka hoohewahewa ole, i hooia mai ai oia, o Molani ponoi no ka mea nana i hahau aku i kona poo me ke kuau ( o ka pu panapana. Ua kamaaina ka oihana mvkai ia Charles Molāni, ma ke ano, oia kekalii i hopu pu ia ai, me kekahi mau wahine, no leo lakou powa ana i kekahi poe Pako ma Ewa, a lilo mai ka huina o ekolu hanori dala ia lakou. No William Cockett hoi, ua hopuia oia ma ka mahina aku nei i hala, no kona komo pu ana ma kekahi hana powa, i lawelaweia maluna o leekahi koa mawaho ae nei o Kahala, me ka noke ia ana o kela koa i ka pepehi, alaila laweia mai la kana mau haneri dala mai iaia mai. Eia no kela mau hihia a elua ke waiho mai nei imua o ka aha hookolokolo, a loaa hou iho la no keia liihia o na kannka» kolohe elua.