Ka Nupepa Kuokoa, Volume LXII, Number 9, 1 March 1923 — MAKEMAKE E KOHO BALOKA IA KE KIAAINA. [ARTICLE]

MAKEMAKE E KOHO BALOKA IA KE KIAAINA.

Ina no ke apono mai o ka ahaolelo lahui, i ka olelo hooholo hui, i hookomoia ae e Senatoa Jarrett, ma ka Poakahi iho' nei iloko o ka aha senate, alaila e hoea mai ana i ka manawa a na mana koho apuni keia Teritore, e koho maoli ai i ke kiaaina o Hawaii nei, aole hoi e hookohuia mai e ka Peresidena o Amerika Huipuia. Ua aponoia kela olelo hooholo hui e ke senate, i kulike ai me ke koi a ka aoao Kepuhalika kuloko, no ka hooponopono home rula. Ma kela olelo hooholo hui, e noi ana ia i ka aliaolelo lahui, e hoololi ae i ka Pauku 66 o ke Kanawai Kumu o Hawaii nei, i hiki ai i na makaainana o keia teritore, ke koho haloka i ke kiaaina. Aole he mau paio ana malnna o kela olelo hooholo, a mahope iho o kona aponoia ana, i hoounaia ae ai i ka hale o na lunamākaainana, no ka noonoo aua mai o kela hale kaukanawai.