Ka Nupepa Kuokoa, Volume LXII, Number 9, 1 March 1923 — EIA HOU NO UA ULIA KAA OTOMOBILE. [ARTICLE]

EIA HOU NO UA ULIA KAA OTOMOBILE.

Mamuli o kona lele ana inailuna aku o ke ka-a uwila, oiai 110 ke kaa e holo ana, i hooku'iia aku ai o Ralph Robinson, he haumana no ke kula o Punahou, a nona hoi na makahiki he umi-kumamawalu, e ke kaa otomobile, e hookeleia ana e G. Kobatani, ma ke alanui Beritania, ma ka auwina la o ka Poakahi, nei. I kulike ai me &a moolelo e pili ana i kela ulia, maluna o ke kaa uwila o Robinson opio kahi i kau ai, ma ke kaa o Punahou, e holo ana iwaho, a mamua o ka hoea ana aku o ko kaa uwila, i kahi e ku ai ma ke alanui ololi Circle, ua lele e aku la oia ilalo. Aia hoi mahope pono aku o ke kaa uwila, ke kaa otomobile o Kobatani kahi i holo aku ai, a i ka manawa i lele mai ai o Robinson opio mailuna mai o ke kaa uwila, ua hooku'i koke ia aku la oia e ke kaa otomobile, a hinn ilalo. Ua nui ka poino i loaa i ka lima akau o kela keiki opio, mc kona hoihoi awiwi ia ana mai noloko o ka halemai o na poino ulia, maiaila i lapaauia ai oia.