Ka Nupepa Kuokoa, Volume LXII, Number 10, 8 March 1923 — AOLE E LILO I KUMU E PAKELE AI [ARTICLE]

AOLE E LILO I KUMU E PAKELE AI

Ma ka Poalua ilio nei i hoike ae ai ka Lunakanawai Apana Soares i kona manao. aole e lilo ka haalele ana o John Stone, i hopuia ai no ka hewa malama i ka hana piliwaiwai ma kona wahi. i ka bela u kanalima (lala, i kumu e hopu ole ia ai oia, a hookolokoloia no kela hewa, nolaila ua hoopuka okoa ia he palapala hopu nona. mamuli o ke kauoha a ka aha. Pinepine wale na manawa i ikeiā. i ka haalele ana o ka poe i hopuia no kekahi mau hewa i ko lakou bela, ma ke ano. he alahele maalahi loa ia tio lak«.m e pakele ai, mai ka hookolokolo maoli ia ana mai; ua aeia aku no nae kela poe e hele me ka lanakila. me ke kau ole aku o ka hoopa'i maluna o lakou. () kela ae ole ana o ka Lunakanawai Soares e hookuu lanakila ia John Stor.e mamuli o ka haalele ana i kona bela, o kekahi ia o na hana e haawiia ai na mahalo ana i ka lunakanawai oka aha apana: a e lilo hoi i kumu alakai no na hihia apau ma keia hope aku : aole e lilo ka haaleleia ana o na bela. i kumu e hookuu lanakila ia aku ai ka poe i hopuia. niai ko lakou hookolokolo maoli ia ana aku. O na hela ame na bona i waihoia aku e ka poe e hopuia ana no ka hakihaki ana i na kanawai. he mea hoopaa wale no ia. no ka hoea kirto aku o ka poe i hopuia. imua o ka aha no ka hookolokoloia mai, no ko lakou pili i ka hewa ame ka pili ole; nolaila o ka laweia ana o kela mau dala bela a mau bona paha. 1 ko laJcou wa e hoea ole ae ai imua o ka aha, aole ia he hoopa'i no ko lakou pili i ka hewa. He oiaio e poho ana kela poe i haalele i ko lakou mau bela: aka nae ma kekahi aoao, ua hauoli loa lakou, no ka hookolokolo ole ia mai e ka aha. ma keia ano, ua hooko piha ole ia ka manao ame ka makemake maoli o ke kanawai. Mamuli o ka lilo i hana maa na na aha hookolokolo o kakou, ka ae ana mai e lawe i na dala bela i haaleleia, ma ke ano, he pana'i ia no ka hoea ole ana ae o ka poe i hoopiiia. a i hopuia paha imua o ka aha, ua nui a lehulehu wale ka poe i pakele. mai ke kau ana aku o na hoopa'i maluna o lakou ; aka e kau aku nae ko kakou manaolana. e hoea mai ana i ka manawa e auamo maoli ai kela ame keia i na ko'iko'i o na hopena o ka lakou mau hana hakihaki kanawai e lawelawe ai, ina e hoomau aku ka Lunakanawai Soares. i kana loina hookolokolo, maloko o ka aha apana o Honolulu nei.