Ka Nupepa Kuokoa, Volume LXII, Number 10, 8 March 1923 — HE O IA MAU KA HANA HOONAUKIUKI [ARTICLE]

HE O IA MAU KA HANA HOONAUKIUKI

Hc o ia mau ka hoala ana mai o na nupepa Kepani, i na ku-e ana, no ka hooholoia o na hooponopono ahaolelo, e ku-e ana. a e kaupalena ana i na kula olelo Kepani, no keia kumu, me he.mea la, e hoahewa mai ana maluna o ka ahaolelo, a maluna hoi o na makaainana Amerika. Ina e huli aku ana kakou ihope, he manawa pokole wale ae nei no i hala. ē ike auanei kakou me ka hoohewahewa ole, i ke a o ikaika ana o na kahunapule Kepani, na kumukula, ame kekahi mau Kepani e ae, ma na mea, e pipilipaa ai ka manao o na keiki Kepani apau i ko lakou aina makuahine. Ke mahalo nei na keiki Kepani, i hanau ma ka lepo'o Hawaii. a he mau makaainana Amenka hoi, no na haawina hoonaauao e a'oia nei ia lakou maloko o na kula aupuni, e ku-e ana hoi i na hana. hoopaakiki. ame hoopii kanawai a kela la'nui, loamuli o ko lakou manaoio ana, he oi ae ko lakou makemake. i ka hoonaauaoia ana ma na buke hoomanao o Amenka. ■ t He mea kupono anei e auhauia na wahine, elike me na kane, mamuli o ka loaa like ana o ka pono koho lialoka i na k'ama a elua o na makaainana o Hawaii nei? O ke aupuni o Amerika Huipuia ke kumu alakai i keia la. no ka pane pololei 110 keia ninau, o ia no ka hookuu ana i na wahine mai ka auhau ae. koe ka uku ana i na auhau waiwai ame na auhau loaa makahiki.