Ka Nupepa Kuokoa, Volume LXII, Number 12, 22 March 1923 — KI HE KEPANI IAIA I KA PU A MAKE [ARTICLE]

KI HE KEPANI IAIA I KA PU A MAKE

E hoakaka ana kekahi meahou mai Wailuku, Maui mai, no ke ki okoa ana ae o kekahi 'Kepani nona ka inoa o Saburo Tengan, iaia iho i ka pu panapana a make, ma ka po o ke Sabati aku la i hala ma | Wailuku. i Ma ka moolelo ano nui, e pili ana i ka lawe ana- ae o kela Kepani i kona ola iho, lie hoopii oki maro ka kana wahine o ka hookonio ana iloko o ka aha, a no kela hana ma ka aoap o ka wahino, ua lilō ia i kumu e huhu ai kela Kepaui, a hoao e hooweliweli i kana wahine. Ua hoikeia ae kela hana e ka wahine i ka oihana makai, a i ka wa i hoea mai ai o kekahi makai, a ike kela Kepani, ua hoomalea aku la oia e holo ma ke alanui, me ke ki ana i kana pu panapana no elua manawa, me ka maopopo ole nae, no ka makai paha kela mau pu i kiia mai, a i ole no ka hoao ana paha e lawe i kona ola iho. I ka manawa ka i kokoke loa aku ai o ka makai i ua Kepani nei, a no ka ike paha, aole oia e pakele ana, aka e paa aku ana oia i ka hopuia, ua hoohuli okoa mai la oia i kana pu panapana iaia, a ki ae la, a he manawa pokole mahope mai i make loa aku ai oia, me ka hiki ole ke lawelawe aku i kekahi mau hana e hoopakeleia ae ai kona ola. SPOKANE, Mar. 17.—Mailoko ae o 332 mau lunahooponopono o na nupepa a ka Hui Nupepa Associated Press, i pane i ka lakou mau haina no na ninau i lawelaweia e ke Spokesman Review maluna o ka ninau e pili ana no ke komo ana aku o na Palani iloko o ka Apana o Ruhr, he 239 i apono i ke komoia ana. He kanaono-kumamalima i hoole, lie iwakalua-kumamaha me he mea ln e kakoo ana he eha i kanaluaia.