Ka Nupepa Kuokoa, Volume LXII, Number 12, 22 March 1923 — NA HOEUEU KAUA MA EUROPA [ARTICLE]

NA HOEUEU KAUA MA EUROPA

DU'SSELDOKF, Mar. 17. —Na na koa kiai Palani i ki aku a make kekahi Kelemania ma ka po i hala ma Becklinghausen a o kekahi Kelemania e ae i make ai ma Essen. DUIBBURG, Mar. 17. —Ua hoole ;na Kelemania e noho ana maloko 0 na wahi e paa ia ana e na koa Belegian3 aole e inu i ka waina, ua loaa mai ka lohe no ia liana a I lakou ianei i keia la. J PARISA, Mar. 17. —O ka hoao ana' a kekahi o na aupuni mana ekolu e komo mai e akēakea i ka hana e lawelaweia nei maloko o ka Apana Ruhr a i ole hoakaka mai paha i kekahi mau kumu e loaa ai ka hookuikahi ana me Kelemania e lilo ana ia i hana hoaloha ole na Palani e nana aku ai, o ia ka mea i hoikeia ae i keia la maloko iho o ka pohai a na luna aupuni. BELINA, Mar. 17.—Hooku'i he kaaahi o lawe ana i na koa Paiani me kekahi kaa ukana ma kahi kokoke i DaiBburg, he 40 mau koa i make a ho lehulehu hou aku kekahi poe i eha, elike me ka hoakaka a ka lono o ka loaa ana mai ianei 1 keia la. COBLENZ, Mar. 17.—He kulana o ke kulanakauhale i hopuniia ka i hooloihiia aku i keia la ahiki i Ehrenbreistein ma ke ano he hopena no ka hoehaia ana o na koa Palani elua e na Kelemania iloko o ka manawa i hakaka ai no kekahi waHne e hele hookahi ana maluna o ke alanui. LADANA, Mar. 19.—He hoike ma ke kelekalapa mai Parisa mai ke hoakaka ana aneane loa e maopopo na kukakuka ana mawaena o Palani, Belegiuma ame Kelemania e weheia ana i keia pule. E hoakaka hoa ana ka lono no ka makemake loa o na Palani ame na Belegiuma e loaa kekahi elele a wahaolelo niai Beritania Nui mai ma lea mauawa o weheia ai na kukakuka ana. PARISA, Mar. 39. —Ke noii pono nei na luna aupuni Amerika ma ka ninaninau ana no na ano hana apnu o hanaia mai la maloko o ka Rhineland ame ka Apana Ruhr, o ia ka mea 'i ikeia i keia la, mahope o na hoopii' lehulehu a na kanaka Amerika lawelawe oihana e hoakaka ana ua lilo ke komo ana aku 0 na koa Palani i mea houlolohi i ka lawelawe ana i ka oihana kalepa mawaena o Amerika ame Kelemania. He hoike piha no na mea apau i huliia ke hoounaia aku ana 1 Wakinekona.