Ka Nupepa Kuokoa, Volume LXII, Number 12, 22 March 1923 — HOOMOEIA AKU MA KA ILINA O KAWAIAHAO [ARTICLE]

HOOMOEIA AKU MA KA ILINA O KAWAIAHAO

Mamuli o ke kaawale ana aku o ka Rev. Akaiko Akana no Paia, Maui, no ke komo pu ana aku ma na hana hoolaa o ka luakini liou o Paia i noho kahu ia e Rev. Kaliiapo, a i malamaia hoi ma ke Sabati iho nei, ua kaa ac i ka Rev. S. L. Desha, kahu o Haili, Hilo, ke ko'iko'i o ka malama ana i ke anaina haipule hoolewa o Mrs. Deborah K. Kamanoulu ma ka hora 3 o ka auwina la Sabati nei maloko o Kawaiahao. He anaina piha loa ia i na hoahanau o Kawaiahao ame na lala oka Ahahui Mamakakaua o na Keikikane ame na Kaikamahine o Hawaii e alakaiia ana e Mrs. A. P. Tavlor, a pela hoi me na hoaloha ame na makamaka o ka mea i liaalele mai i keia ola ana. He lala o Mrs. Deborah K. Kamanoulu i moe aku la no ka Ahahui Mamakakaua a o kekahi hoi o na luna nui o ia ahahui. Mahope o ka heluheluia ana o kekahi mau pauku Baibala e ka Rev. Desha, ke

meleia ana o kekahi mau himeni ame ka haawiia ana o kekahi mau Jeo pule, ua laweia aku ke kino o ka mea i hala no ka ilina a mahope o ke meleia ana o kekahi himeni ame ka haawiia ana o kekahi mau leo pule, ua hoomoeia aku ke kino lepo o ka mea i hala no ka manawa mau loa, a maluna iho o kona lie i kauia iho ai na pua o na ano like ole i laweia ae a ku ke ahua no ka hoonani ana iho i kona he.