Ka Nupepa Kuokoa, Volume LXII, Number 12, 22 March 1923 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino—Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino—Kau i ke Aki i ka Manawa Hope

I ka he'mo ana aku o ka puka ia Vekinia a ike mai la no hoi ka Lede Linetona ia komo ana aku a laua, lamalama ae la kona helehelena e hoike mai ana i kona hauoli no ia ike ana mai i ka wahine nana oia i malama a i lilo ai hoi i kahuma'i nona i na la aku i hala. "Ke hauoli loa nei au no kuu ike ana aku la ia oe," wahi ( ana me ka helehelena minoaka; alaila kau mai la ka nana ana a kona mau maka maluna o kahi kaikamahine i hoaahuia me ka lole maemae a i hanaia ae hoi kona lauoho uliuli a nupanupa a paa a i wiliia a apiipii, a e luhs maluna. o kona mau poohiwi, a i lilo aku ai ia i mea mahal'o nui nana, a i hou mai la: "A, ua lawe pu mai la ka oe i kau kaikamahine me oe! Hele mai, a kokoke ia'u, i nana pono aku au i kou helehelena ina he like kou ui me kou mama." # O mai la oia i kona lima ia manawa a hookokoke aku la no hoi kahi kaikamahine me ka maka'u a hilahila ole, elike me ke ano o kekahi kamalii, a ku papu aku la mamua ona, me ka haka pono aku o na maka poniponi ona imua o ka lede, he nana ana aku a ke kaikamahine i hooniia ae at ka noonoo o ka lede ma kekahi ano kupanaha loa, rio kona ike ana mai i ka ui maoli o ka helehelena o ke kamaiki, a he mea oiaio no ia, he helehelena io ko Veki ia manawa i like loa me kekahi pua nani i mohala ae i ke kakahiaka. "Ua like loa kou helehelena me ko kou mama," wahi ana, me ka helehelena minoaka, "koe wale no ou maka. Ma ko'u manao iho he mau maka kou i like loa me ko kou papa, "Owai kou inoa e ke kamaiki?" "O Veki," wahi o ka pane pokole loa a ke kaikamahine. Hikilele iki ae la ka lede ia manawa no nei lohe ana aku la ona i ka inoa o ke kamaiki, a leha iki mai ia e nana i ka makuahine, a mamuli o kekahi mea ana i ike maka mai ai ma ka hiohiona o ke kaikamahine ua haikea ae la kona helehelena ia manawa. Ia minuke lele aku la kana hoomanao ana ihope ma kela kakahiaka a kona kaikunane i waiho mai ai i na kii lehulehu i i paiia o kana wahine aloha; ia manawa aneane loa oia e hooiaio iho o keia wahipe e ku aku ana mamua ona o ka wahine no ia a kona kaikunane i mare ai, oiai nae mai kela manawa mai aole oia i nana liou aku ia mau kii ana i ike ai, aka nae, o na halialia hoomanao aia no me ia ia manawa, ua kulike loa kela helehelena ma na kii ana i ike ai me keia kii ola e noho aku ana imua o kona alo ia manawa, a he aneane loa no hoi e like ka inoa o ke kamaiki me ka inoa o ka wahine a kona kaikunane i mare ai o ka hoike ana aku iaia. "Aole, aole paha keia," wahi ana iaia iho; alaila hoopau ae la oia i kana noonoo hou ana aku no ia mea a hoomaka hou mai la i ke kamailio ana: "Ke manaoio nei au o Vekinia paha ka hoopiha loa ana aku i kou inoa a ua hoopokoleia mai nae, oia paha, ea? Ua ike„ anei oe i ka nui o ka lokomaikai o kou makuahine ia'u ma kona malama maikai ana ia'u oiai au e waiho ana me ka nawaliwali loa?" "O, he lokomaikai mau no o mama i na mea apau, aole ia oe wale no," i pane aku ai o Veki me ka hikiwawe a me ke ano hookaulua ole iho, a ke mahalo loa la ka makuahine no ia pane ana aku ana me ka hoohilahila ole iho, a o ko Veki ano mau no nae ia mamuli o ke a'o mau ia e kona makuahine. "O, he kaikamahine pili mau maoli no oe o ka naau i kou mama!" walii a ka Lede Linetona o ka' akaaka ana/ mai. "Ke mahalo loa nei au no kou hoopakeleia ana nona a pela hoi oia nou mai kela poino weliweli mai. O kou papa pu kekahi e hauoli ana no ko olua hoopakeleia ana mai i kona manawa e lohe aku ai ua hoopakeleia kana mau momi makamae loa hiki ole ke kuaiia me na waiwai apau o keia ao." "Aohe o'u papa," i pane koke aku ai o Veki me ke kani iki ana iho o kona wahi leo u o ke kaumaha. Holo koke ae la ke anu maeele iloko o na aalolo o ka lede ia manawa no nei pane a ke kamaiki, a lele koke ae la ka haka pono ana a kona mau maka maluna o Vekinia e noho mai ana ma kekahi aoao o ka rumi, me he mea la e ninau aku ana ua oiaio paha ka olelo a ke kaikamahine a aole paha. "He mea kupanaha i ka noonoo iho," wahi ana iaia iho,' "aohe lole kanikau o ka makuahine elike me ke ano o na wahine kane-make, ma kahi o kona noonoo kaumaha he helehelena kona o ka mea hauoli mau a he mau lole o ka poe i loaa ole na haawina kaumaha e komo mau nei, me ka lipine ma kona a-i a ma kona papale." O keia mau mea ka ka lede o ka nalu ana iho. No ko Vekinia ike ana mai aia kekahi manao paha'oha'o ke hana la iloko o ka lede, alaila i mai la: "Ae, o ia ka mea oiaio, elike me kana i hoike aku la ia oe," i kamailio koke mai ai ka makuahine me kona makemake ole ia manawa e niele hoy ia kana kaikamahine," ua mahalo nui mau ia ka lokomaikai o na lani no ia hoopakeleia ana mai o ko maua mau ola mai kela ulia weliweli mai. I hoea mai la maua imua ou i keia kakahiaka no ka ike ana ia oe no ka mea, e haalele iho ana makou i nei wahi i keia la a e nee aku ana makou no kahi okoa no ka hoomaha ana, a no ka pono hoi o ka'u ma'i, o ia ka'u kaikamahine hana, aka nae, e hauoli loa ana no au ke noho iho, ina nae e loaa ana kekahi hana na'u maanei e waiwai ai ko'u noho ana iho, a e lilo ai hoi au i mea paahana no ke kokua ana aku i kekahi mea, oiai aohe no he hana nana i koi mai ia'u e nee aku, no kuu makemake wale no e loaa kekahi manawa hoomaha maikai i kuu kaikamahine hana." "Auwe ! I nei la no oukou e haalele mai ai?" i hooho ae ai ka Lede Linetona, "hikiwawe no ka hoi ko oukou hele koke aku, e tcaumaha loa ana au no kou kaawale koke aku," a ike aku la o Vekinia i ke ano haalulu mai o kona lehelehe, no ka mea, ia manawa ua noonoo iho la ka lede no kona aie ana i aie nui ai i ka wahine hoomanawanui i haawi aku i na kokua ana iaia, no kona pono aohe nae ana uku nui e haawi mai ai. Kunou aku la o Vekinia no ka haawi ana aku i inea hooiaio no kana ninau. Mai lohe ole palia oia i nei mau olelo hope a ka lede ma'i ina aole oia i hele mai, aka nae mamuli o kekahi manao nana i koi ae iaia e hele mai e ike mamua o ko lakou hele ana aku, o oleloia aku i ka awaawa aohe hele mai e ike mamua o ka hele ana aku, pela oia i hooko mai ai ia manao; 0 kekahi no hoi i mea no ka lede ma'i e ike mai ai no ka manawa hope i ke kaikamahine a kona kaikunane, oiai nae, aole 1 loaa maopopo aku ka ike iaia i kona pili i ke kaikamahine ia manawa, eia iho a mahope. "Pehea ka ma'i o ko kaikamahine kauwa ua oluolu maikai loa ae oia?" "Ae, me ka mahalo nui, ua oi ae kona maikai mamua o ka'u i manao ai e loaa ana iaia. * Ua makemake loa oia e haalele koke iho i wahi a 6 hoi koke aku i ka home, he wahi inea loa keia o ka noho ana i kona manao." "He wahi mehameha io no keia. Owau pu kekahi e makemake loa nei e haalele koke iho i nei wahi i hui koke aku me

ko'u poe ma Nu loka. O ka'u e manao nei oia ke kii koke »nai o kekahi mea ia'u i ka la apopo a lawe aku ia'u mai keia wahi akn, eia nae hoi, ma ka manao o ke kauka o ka hoike ana mai, ma ka la hope o keia pule ka e hiki ai ia'u ke haalele iho ia nei. Ka, uluhua maoli! O, ina pela he mea pono io ia oukou ke hele," wahi a ka lede i ko Vekinia manawa i ku ae ai iluna 110 lva haalele ana iho. "Ae, e hoea mai ana ke kaalio no makou maloko o ka hapalua hora mai nei manawa aku," wahi a Vekinia o ka pane ana aku, mahope o ka nana ana iho i kana uwaki, "a mamua o ko'u haalele ana iho e haawi aku ana au i ko'u mahalo me ka hauoli pu no ka loaa ana ae he kulana maikai ia oe. a kt manaoio nei au aole ulia a i ole ma'i hou e loaa ana ia oe mai nei manawa aku, e akeakeaia ai kou ola loa ana ae—a e lilo ole ai hou kou hele ana aku e makaikai i keia aupuni nui i mea alalaiia e kekahi ulia hou aku." Nana ae la ka Lede Linetona ihma no nei mau huaolelo puanuanu a i anaia i pa aku la ma kona mau pepeiao. Aohe manao mua i loaa ia Vekinia e pane aku ia mau olelo ana o ka pane ana aku, aka no kona lohe ana aku i ke kamailio ana mai o ka lede no ka mea e pili ana i kona "mau makamaka", ka poe ana e manao ana o kona kaikunane paha ame kona ohana ka manao o kana olelo, ka poe ana i manaoio ai ua ike oia ia lakou nialoko o ka hokele kokoke i ka Muliwai 0 Niakara, ka poe hoi ana i hooikaika ai e hoomalu iaia iho, a i loaa ai ka maha iaia i ka manawa ona i ike ai ua kaawale aku lakou mai ka hokele aku. "Ea, aole oe e haalele mai ana ia'u me ka hele ole mai e lululima pu me a'u, pela ana anei?" i ninau mai ai ka wahine ma'i; "ua nui kau mau hana maikai no'u ka mea nana i palua ka hoopakele ana i kuu ola. E oluolu e hele mai a kokoke ia'u i honi aku au ia oe; o kou lohe pono aku keia aole loa e nele ana ko'u hoomanao nou me ka hoomaikai mau atia ame ke aloha pu. "No keaha la hoi kou mea hoike ole mai i kou inoa ia'u, 1 hiki ai hoi ia'u ke hoike aku i kuu kaikunane ame ko'u mau makamaka apau i ka mea nana au i hoopakele mai ka make mai, a o ka mea hoi i ahonui ma ke kiai a malama mau ana ia'u ma ke ano he kahuma'i iloko o ko'u mau la kupilikii loa." Ua like loa ko Vekinia helehelena ia manawa me ka pohaku mahala ka haikea; aole hiki iaia ke hoomanawanui hou iho i ka inaina ia manawa, ua hooholo iho la oia e hoike aku i ka mea oiaio e pili ana i kona inoa, i hoike aku ai ka lcdc i ke. kaikunane ona ame na makamaka ona ame kekahi poe e ae ana e koho ai, i ka mea nana oia i hoopakele, ina he makemake kona e hana pela. "E Veki, e hoi koke oe i ka hale i nei matiawa a olelo aku ia Mina e hoomakaukau," wahi a Vekinia o ke kauoha ana iho i ke kaikamahine, "a mahope au hoi aku aole e liuliu loa." I ka hala ana aku o ke kaikamahine, alaila huli mai la oia imua o ka lede, me ka pololei o kona kino, a i mai la i ka. wahine i hana aku i ka hana hewa kiekie loa iaia: "E ka Lede Linetcna," wahi ana me ka leo liilii haahaa, a i like hoi ka walania me ka eha a ka huipa ke hiliia mai, a i lilo ai ia mau olelo i mea no lea lede e naka ae ai i ka haalulu no ka piha i ka maka'u," he oiaio, ua manao iho au na'u oe i hoopakele ma na manawa o kela ulia ana o ke kaaahi; he mea oiaio, ua hooikaika au ma na ano apau e hiki ana ia'u hooluolu aku ia oe iloko o kou manawa e ma'i ana; aka aole nae au i hana aku ia mea ia oe no ka loaa mai o ko'u mahaloia 0 i ole, hookaumaha aku paha ia oe au e manao iho ai he aie ia nou a e uku mai oe ia'u. "Ua hana au ia, ka mua, mamuli no o ko'u ike he hana ia na'u no ka pono o ka hoakanaka, elike no me ia a'u e hana aku ai no kekahi mea malihini loa ia'u e halawai ana me ka popilikia; ka lua, no ka mea aole hiki ia'u ke huli aku a hele ma ke ano he mea hohewale, me ka loaa ole o ia mea he aloha iioko o ka manawa o kekahi iloko o ka popilikia mamuli o ka manao enemi iloko o'u nou. "Enemi?" i kahamaha koke mai ai ka mea hoolohe me ke kau pu ana mai i kona lima iluna me he mea la e papa mai ana aole e kamailio hou aku. "Ae, enemi; no ka mea i ka minuke au i hoike mai ai ia'u 1 kou inoa ua piha koke au i ka inaina, 110 ka mea, ike koke iho la au o ke kaikuahine ka oe o Sa Wiliama Hita, kuu kane, i kaawale ai mai ia'u aku mamuli o kau mau hana poholala. "Ina au i hoolohe i ka leo nahenahe o ke diabolo e hookokono ae ana ia e haalele aku ia oe na ke ahi e ai mai i ko kino, ina ua make mua oe; ina au i hoolohe i ka leo o ka mea hookokono ia'u e panai aku au i ka ino no ka ino au i hana mai ai no'u, a i komo kuhohonu aku ai hoi au iloko o na popilikia lehulehu i na la i hala mamuli o kau mau hana, ina ua hoohuli aku au i kuu kua ia oe, i ko manawa i kahea mai ai ia'u e haawi aku i ke kokua, a olelo iho ia'u ua pono no oe ke make. "Aka aole; he wahine Kristiano au, i lohe oe, he haumana na ka Mea i kauoha mai ia kakou apau, "e aloha aku i kou mau enemi, a e hana maikai aku ia lakou", ua kapae ae au i na manaoino apau e hookokono ae ana ia'u, a panai aku la au i ka maikai nou no kau ino i hana mai ai; oia ke kumu 0 kuu hoopākele ana ia oe la ia manawa, a mahope mai i hana aku ai au nou ma ke ano he kahuma'i, e hoolilo ana i na hora hooluolu o ka po i manawa no'u e kiai aku ai ia oe, me kei aloha hoakanaka elike me ia a'u e hana aku ai i ko'u makuahine ponoi." "Ea, heaha la kau mea e kamailio mai nei, aohe maopopo aku ia'u la," i puoho mai ai ka lede i hoopiiia aku la ka lena e nei mau olelo a Vekinia, a nana mai la ia Vekinia me ka inoino o na maka, a hoomaka iho la e hoomaopopo non* iho 1 kekahi mea no ka oiaio e hoikeia aku ana iaia i kekahi la. "Aole no o'u manao e loaa aku ia oe ka hoomaopopo ana mai i na mea apau a'u i kamailio aku la," wahi a Vekinia i ka pane ana aku. "Aole au i manao ma keia hoike ana aku la e loaa aku ia oe ka ike iawai la oe i aie nui ai i kou ola, nau ia e noonoo iho. O ka'u i manao ai e hana aku no au i ka maikai elike me ka hiki ia'u, alaila hele aku au me ka maluhia me ka lawe pu aku me a'u i ka uku hookahi wale no e loaa ana ia'u o ia ka manao maikai no ka hana a'u i lawelawe ai me ka maikai nou. "Aole i maopopo ia'u ka mea nana i hookikina ae ia'u e kamailio aku elike me ia au i lohe mai la, aka oiai ua ikaika loa ka hookikinaia ana mai e hiki ole ai ia'u ke kaohi iho mai kekahi mea mana mai. Aole au i maopopo i ke kumu o ko'u kamailio ana aku la i kela mau olelo, malia paha mamuli o kau noi ana mai nei e honi aku au ia oe, a e lululima ma ke ano he mau hoaloha mamua o ko'u kaawale ana aku, oiai nae he mau hana paha iu au e hana ole mai ai ja'u ina i maopopo ia oe ko'u inoa. "Ua maopopo ia'u, ina i maopopo ia oe ko'u inoa e kipaku mai ana oe ia'u me kou makemake ole e ike mai ia'u, a malia o ia mau no paha kou manaoino no'u ahiki i nei manawa, o kou maopopo ole i ko'u inoa. Ke ike aku nei nae au akahi no a loaa aku ka makili ike ia oe no'u, a ina aole oe i maopopo ke hoike aku nei au me ka maopopo loa, o Vekinia Alekanedero au, k& wahine a ko kaikunane i aloha ai no kekahi mamwa, Sa Wiliawa Hita, ake mau nei no kuu manaoio o I ia mau no kon& aloha ia'u ahiki mai i keia la, elike no hoi me ia |e mau nei kuu aloha nona, ohrf naew hookaawaleia maua e'ke kanawai. (Aole i pau.^