Ka Nupepa Kuokoa, Volume LXII, Number 12, 22 March 1923 — KA HOOPA'I O NA KANAKA OPIO O KAKAAKO. [ARTICLE]

KA HOOPA'I O NA KANAKA OPIO O KAKAAKO.

Ma ka Poaono aku la i hala, i hookauia mai ai ka hoopa'i maluna o na kanaka opio eiwa o Kakaako, na lakou i hoopoino i kekahi kaikamahine opio, he elima makahiki ka haahaa, a he kanalima makahiki ke kiekie, e noho ai maloko o ka halepaahao. me ka lawelawe ana i na hana ikaika, ahiki i ka pau ana o ka manawa hoopa'i. Ma na oleloike i waihoia ae hnua o ka aha, ma ka manawa i e hooloheia ana ko lakou hihia, ua maopopo loa ka pili o kela poe eiwa i ka hewa, a mamuli o ia mau ike, i hoalaia ae ai, na manao menemene iloko o kekahi mahele nui o na makaai-i nana o Honolulu nei, me ka piha hoonaukiuki pu, i ka poe i j hoopiiia, a i ka puulu paha o ka poe i like aku ke ano me lakou., I ka hookau ana mai nae o ka Lunakanawai o'-Brien, i ka hoopa'i elike ae la me ia maluna ua lilo ia hopa'i i mea aponoia e ka lehulehu i ka nana aku. a o ka hoea ana mai hoi i ka i hookoia ana o ke kanawai. maluna o ka poe i manao, he mea] liilii. ka hoao ana aku e hoopilikia i kekahi kaikamahine opio, ( mamuli o ko lakou mau makemake iho. ! Ma na hoike i laweia mai i keia keena, he nui wale no na j hana o kela ano e lawelaweia nei e kekahi poe maloko nei o keia <ulanakauhale. ina he mea oiaio loa ia, alaila, e pono no kela poe e auamo i ka hopena o ka lakou mau hana hoopilikia, l maluna ona kaīkamahine ame na wahine opio; a e loaa hoi he maii haawina a*o kupono loa. i ka poe hakihaki kanawai, me ka ae ole ia e mau ko lakou hele lanakila ana, me ka lawelawe ana aku i kela ano hana. I ka nana aku. aole keia poe kanaka opio i hoomaopopo i ke ko iko'i o ke karaima a lakou i hana ai, ahiki i ko lakou paa ana i ka hopuia. a mahope. iho o ka ae okoa ana aku i ko iakou hewa. i na ka;->aka o ke aupuni. a imua Uoi o ka aha, \iz hoololi hou i kela ae ana. a hoole aku la. me ka hoole ana, i ko lakou hoike ana 110 ko pi\i i Ua hewa, i na makaikiu, na laua i ninaninau la lakou. L'a hookoia nae ke kanawai maluna o kela poe kanaka opio eiwa, a maiuna iho o lakou ke ko'iko'i o ka malama ana i na rula oloko o ka halepaahao, i wahi no lakou e hookuu koke ia mai ai. me ka piha ole o na makahiki elima. E haawiia na mahalo kiekie ana, mahma o ka Makaikiu McDuf?ie, ka mea nana i hookolo ahiki i ka pau loa ana o kela poe he eiwa. i ka hopuia; a maluna pu hoi o ka Loio Kalana Heen, ame kona hope. kekahi mau mahalo ana. e pono ai. no ko laua lawelawe ana i ka hihia, ma ka aoao o ke aupuni, me ka makaukau. e hoao ana m£u na ano apau, e hiki ole ai i ka aha, ke ae mai i na kumu, a na loio o ka poe i hoopiiia, no ka hookuu ana i ka poe i hoopiiia. Ua ili iho kekahi ko'iko'i nui o na ahewaia, no ka poino i kau aku maluna o ke kaikamahine opio, maluna o kona mau makua, i ka ae wale ana e hele i ka po, me ka hele pu ole me kekahi poe kupono; i kona hele hookahi ana. a halawai aku me kekahi koa, oia kona hoa e hele pu ai. pela i komo mai ai na manao kolohe iloko o kela poe kanaka opio, a hooko aku la i ko lakou mau manao lapuwale, no kela nianao no. e lawelawe pu ana ka haole koa ia hana hookahi. ke hookuu wale ia aku kela kaikamahine me ke koa ma kahi mehameha pouliuli. He haawina a'o kupono keia, i na makua mea kaikamahine, aole e hookuu wale ia lakou e hele i ka po, ma na halekuai. a ma na hale kiionioni paha. aka e hele pu me ka ohana, a mau hoaloha paha. a ina aole he poe e hele pu ai, alaila ua oi aku ka palekana ame ka malu'nia o ka noho malie ana i ka hale. ahiki i ka wa e palekanā ai ka helē ana ma na alanui. 0 ka mea ehaeha o ka noonoo, ma keia hihia, he poe kanska Hawaii ka hapanui, a he kaikamahine Hawaii hoi, ka mea ! hoepoinoia. he keu no na na lahui e aku. e lawelawe ia ano hana, maluna o keia kaikamahine. eia ka na kakou Hawaii no, me ka loaa ole o kela manao aloha. a makee. e hoopakele i ke kaikamahine" o ko lakou lahui iho, mai ka hoopoino ana mai a na lahui e. Owai hoi ia mea nele ole o ka manao huhu, no ke alu ana «! kela poe eiwa i kela kaikamahine hookahi, me ka lakou mau hana o -ke ano holoholona, a ina paha o ke kaikuahine o kekahi o kela poe kanaka opio, ka i hoopoinoia mai e ka poe elike me ko lakou ano, o lakou ana kekahi e komohia na manao inaina, elike me ka manao i ala ae iloko o ka lehulehu no lakou. 1 ka hokauia ana mai nae o ka noopa'i hoopaahao, ma ka hana ikaika. e pono no i na luna oihana o ka halepaahao, e hooko aku ia hoopa'i, ma ka hoohana ana i kela poe kanaka opio, me na hana ikaika. aole o na hana mama, e lilo ai kekahi hapanui o ka la. ma ke kau ana maiuna o ke kaa, ame ka holoholo ana maloko o- na paka. E lilo kela hana ikaika, i mea no lakou e ike ai, aole he hana paani wale no ka hooko ana aku i kekahi manao lapuwale, i ku-e i ke kanawai. aka he hopena awahia ke kau mai ana maluna o lakou. e lilo ai i mea no lakou e hoomanao ai, i ka wa e hookuuia mai ai mai ka noho paahao ana. E hoomanao, na kanaka opio o keia ano, o ka manao ana e lawelawe aku i na hana a kela poe kanaka opio i hooko aku ai; ka hana hoi nana i hookomo aku la ia lakou iloko o ka halenaahao. he hana ia, aole wale no, e hokomo aku ana ia lakou iloko o ka poino, aka e hookau pu mai ana i na haawina hookaumaha, a hoohilahila maluna o ko lakou mau ohana; nolaila o ka palekana mau, o ia rio ka malama ana i ke kanawai. ame ka makee ana i ko ha'i pono.