Ka Nupepa Kuokoa, Volume LXII, Number 12, 22 March 1923 — E AUAMO I KE KO'IKO'I E PONO AI. [ARTICLE]

E AUAMO I KE KO'IKO'I E PONO AI.

Ma ka Poalua iho nei, i make ai he Kepani o ka hooku'iia ana e kekahi kaa oiomohile, ma ka po o ka Poalima aku nei i hala. La hopuia ae nae ka mea nana e hookele ana i kela kaa otomobile o ka hooku'i ana me ke Kepani, malalo o ke kumu hoopii, ka laweola, elike me ia i hoololiia ae ai mai ka hesva holouui mai a i ka laweola. Pinepine wale ka poe i hopuia, a i hookolokoloia, no kela ano hihia; a mamuli o ka maumaua loa o na poino o kela ano i ikeia ma keia kulanakauhale., ua hoea mai i ka manawa, e hookauia aku ai ka hopa'i hoopaahao, maluna o ka poe e ahewaia ana, a e kailiia ka laikini hookele kaa mai ia lakou aku. Ma ka moolelo e pili ana i kela ulia, he inoa okoa ka ke kiakaa o ka otomobile, o ka hoike ana mai 'i ka mea ohi dala oluna o ke kaa uwila, a ke Kepani i kau aku ai; ma ka manawa nae o kona hopuia ana, akahi no oia, a hoike mai i kona inoa piha, he helehelena hikimua kela o ka epa ame ke kolohe ma kona aoao, me ka manao, pela oia e pakele ai mai ka hewa hoopoino ae i ke ola o ka mea i make. Ina he oiaio na mea i hoikeia ae e ke Kepani i make, no kona hookauia ana maluna o ke kaa otomobile, o ka hooku'i ana aku iaia, no ka hoihoiia aku maloko o ka Halema'i Moiwahine, no ka lapaauia mai; me kona hoea ole nae ilaila, aka ua waihoia aku oia maloko o kekahi.pa ; alaila o kekahi kela o na hana ku i ka lokoino, ma ka aoao o ke kiakaa o ka otomobile, me ka manao paha, pela iho la oia e lanakila ai, mai ke kau ana aku o na ahewa ana maluna ona. L r a nui maoli na poino ame na ola i lilo, mamuli ona ulia kaa otomobile, e pono ai, e hookauia aku na hoopa'i ko'iko'i loa maluna o ka poe e ahewaia ana, na lakou e hookele ana i na kaa otomobile, ma ka hoopaa ana ia lakou maloko o ka halepaahao no kekahi manawa, pela wale no e akahele mai ai na kiakaa otomobile, i ka hooholo ana i ko lakou mau kaa, me ka makaala pu hoi i ka pono o ka lehulehu o ka poe e hele ana ma na alanui.