Ka Nupepa Kuokoa, Volume LXII, Number 12, 22 March 1923 — KA HIHIA O STANLEY C. KENNEDY. [ARTICLE]

KA HIHIA O STANLEY C. KENNEDY.

Imua o ka aha a ka Lunakanawai Kaapuni o'Brien, ma ka Poalua iho nei, i waiho aku ai na loio o Mr. Stanley C. Kennedy, he noi, e hoihoiia ka holohe ana i ka hihia o ka mea i hoopiiia ma Hilo, aole ma Honolulu nei, mamuli o ko lakou manaoio, aole e loaa ka olelo hooholo kaulike, ma kela hihia, no kn nui loa o na mea i hoakakaia e na nupepa e ku-e ana ia \lr Kennedy. O ka hihia o Stanley C. Kennedy kekahi hihia ano nui loa, no ka mea ua make maoli he wahine kumukula, o ka hooku'iia ana aku e kona kaa otomobile; a no ka pili nae o Mr. Kennedy i ka hewa ame ka ole, he ninau ia na na kiure e hooholo mai. Ma ka mea oiaio maoli, mamuli o na oleloike, e waihoia aku ana imua o na kiure, e na hoike i ike i ka mea i hanaia, a mamuli hoi o ke kanaAvai, e hookahua ai na kiure i ka lakou olelo hooholo, me ka nana ole ia o na mea a na nupepa e hoakaka ae ai; nolaila aole no e lilo ana ka hoihoi ana aku, i Hilo e hooloheia ai kela hihia, i mea e loli ae ai ka oiaio, ina ua piii ka hewa i ka mea i hoopiiia ka hopena hookahi no Hoi e loaa ana, ma kela hihia, ina no ma Honolulu nei e hookolokoloia ai. He hookahi mea maopopo loa ma keia hihia, o ia no ka make ana o ka wahine kumukula; o ka mea nui wale no, e nanaia aku nei, o ia kahi e ili aku ai o na ahewa ana; ina e hiki ana ke hooiaioia, ma ka aoao o ka wahine kumukula i make ka hewa alaila e hookuuia ka mea i hoopiiia, me ke kau ole aku i na ahewa ana maluna ona, aka hoi. ina ua pili ka hewa iaia, alaila e auamo oia, i ka hopena o kana mea i hana aku ai. Ua heluheluia na nupepa apau i hoopukaia ai na meahou e pili ana i ka ulia, nana i kaili ae i ke ola mai kela wahine kumukula ae; pela hoi na hana oloko o ka aha, nana i hoolohe mua i keia hihia, e ko ke kulanakauhale nei poe, ame ko na mokupuni mawaho aku o Oahu nei, nolaila, ua lawa like ka ike no kela hihia, i loaa aku i na mea 'apau, nolaila ma ka manaoio o keia pepa, he mea liilii loa, ka manao ana na ko Hawaii poe e hoolohe mai i kela hihia, no ka mea, ina e hooko pono afta na kiure i ka lakou hana a ke kanawai i kauoha ai, elike ana no ka mea a kela kiure e hooholo mai ai, me ka na kiure o Honolulu nei, ina maanei ka hookolokolo ana.