Ka Nupepa Kuokoa, Volume LXII, Number 13, 29 March 1923 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

HE MAU OLELOA'O I NA MAKUAHINE HAWAII.

 

            Mr. Solomon Hanohano; Lunahooponopono o ke "Kuokoa", Aloha @@@ kaua: -- Eia iho kekahi kukulu@@@@@@ hou a'u i manao ai, he mea @@@@@@@ no ia no ka lehulehu o na @@@@@@@ e ola nei i keia wa.  Ke @@@@@@ oe e hokomo iloko o kau nu @@@@@ maikai, mahope o ka mea hope @@@@@@ i hoouna aku ia oe, aole paha @@@@@@ ia oe ka wa kuono no ia @@@@@ e paiia ai.  KE lana nei ko'u manao e oluolu ana oe i @@@@@@ mau manao.

            I ka wa kahiko, i ke au o na Kamehameha ma Hawaii nei, i ke @@ mamua o ka hiki ana mai o na @@@@, me ko lakou mau kanawai, @@@@ ka lakou mau hana, ua nui no @@@ ike o na Hawaii e piliana i na @@@ ame na weuweu e ulu ana ma Hawaii nei.  Ua kamaaina lakou me @@ meaulu e ola ai na ma'i like ole ma Hawaii nei ia mau la.  Ua ike @@@ ke kino o lakou, a me ka lakou mau keiki.

            Ke hoomanao nei au i na olelo @ ke Akua i ko kakou mau makua @@@@, o ia hoi o Adamu laua o Ewa, @a laua i hoonohoia ai i loko o ke Kihapai o Edena, a hoonohoaliiia maluna o ka honua ame na mea apau, a ke Akua i hana ai maluna o ka honua.  Olelo aku la ke Akua ia laua.  "Aia hoi ua haawi aku au na olua i na launahele apau @ @ua ana i ka hua maluna o ka honua apau, ame na laau apau iloko @na ka hua o ka laau, e hua ana i ka hua; he meaai ia na olua.  Ua @@opiha ke Akua i keia Edena o Hawaii me na meaulu like ole a lawa ai i ke kanaka, i ka ai ame ka i'a.  I ka wa kahiko ua ai na Hawaii ia mau meaai, a ke Akua i hoomaikaukau ai.  Ua oi loa aku ka maikai o na meaai a ke Akua i hana ai.  mamua o na meaai apau a ke akamai o na keiki a kanaka i hana ai.  Ia manawa ua lawa pono na mea i aiia, no ka hooikaika pono ana i ke kino o na makua ame na keiki hoi.  Aole he ma'i mailoko mai o ia mau mea, i aiia.

            E hoomanao kakou ia Daniela ame @@@a mau hoa, he mau keiki mai loko mai o ka ohana o Iuda, i laweia imua o ke Alii, a i waeia, he mau keiki e a'oia.  a e malamaia, a e @@naiia, e lilo lakou i poe naauao e ku imua o ke alii, a e hana i kana mau hana noeau.  Hoole aku la o Daniela ma i ka waina, i ka i'o ame na ai e ae a na kauwa kuene, a ke alii i hanai mai ai ia lakou.  Noi aku la o Daniela i ke kuene a ke alii, e ae mai ia lakou e ai i na laaukiai wale no, no umi la, a in a ua inoino ko lakou mau maka, a @paha paha ko lakou mau kino, a ikaika ole ko lakou mau naau, alaila e ae ana lakou e ai i ka ai, a e inu i ka waina a ke alii.  Mahope o ka hala ana o na la he umi me ia ano ai, "Ua ike ia ko lakou mau maka ua maikai, ua momona ka i'o ma mua o ko na kamalii apau i ai i ka ai a ke alii".

            Aole o ia wale, aka, "O keia mau keiki eha, haawi mai la ke Akua ia lakou i ka ike, ame ke akamai ma na mea apau i palapalaia, ame ka naauao:.

            I ka wa e ai ana na Hawaii i na meaulu o ka aina wale no, ua nui, ikaika, kukilakila, ko lakou mau kino, pela pu me ko lakou mau lakou mau @@@@.  Hanau mai ka lakou mau keiki me na kino ikaika.  Aole hoi @akou i ike i na ma'i weliweli, e make ai lakou elike me keia mau la.

            E hoomaopopo oukou na makuahine Hawaii: o ka oukou mau keiki @@ haa maoli no lakou mailoko mai @ ka oukou mau kino.  I ka wa e noho ana ke keiki iloko o ko oukou mau kino, kekahi lala no ia no ko oukou mau kino.  Kau ai, kana ai @@@@a, kou hanu, kona hanu iho @@ no ia, ke koko no a kou puuwai @ pana aku ai iloko o na aa, o kou kino, o ia no ke koko e kahe ana iloko o na aa o kona kino.  Ina mai'o oe ka makua ma'i pu kau keiki, in a hauoli oe, hauoli pu kau keiki.  Ina luuluu oe, luuluu no ke keiki.  Aole anei pela ka oukou i ike ai ma na meaulu o keia honua.  Ina ua nawaliwali ke kumu maia o loaa ana anei he ahui maia ikaika a nui mai ia kumu maia?

            Ia oukou e ka poe mahiai, in a ua maloohaha, puupuu, palupalu ole ka lepo i ka wa a oukou e kanu ai i ke anoano, e ulu maikai mai ana anei ke anoano?

            Ke manaoio nei no au, o kekahi kumu i hanau mai ai kekahi mau keiki Hawaii me ke kino ikaika ole, o ia no ka ai ana o na makuahine @ ka ai kupono ole.  Ma kekahi mau wahi o Hawaii nei, ua nui hewahewa ka inu ana o kekahi o na makuahine i ka waiona.  A ma ia mea ua wela ke koko iloko o kona kino, a ua holo keia koko wela loa, iloko o ke kino o kana keiki opiopio, nawaliwali ka hope o ia mea.  Ua inu @ui no hoi kekahi mau makuahine i ke kope, a ua puhi no kekahi i ka paka, a he mau mea no keia e hoopilikia ai i ke keiki liilii iloko, oiai e ai pu ana ia mau meaai.

            Aole ma ke kino wale no e loaa ai ke keiki i ka pilikia, ma ka ai ana i keia mau mea, aka ma kona naau ame kona uhane kekahi.  Ke manaoio nei no au, ua nui na keiki i hanau mai ai me ka onorama iloko o ko lakou mau kino mamuli o ka inu nui ana o na makua i ka rama.  Ina ulu mai kekahi keiki me ia ono rama. a lilo oia kekahi kanaka inu mau a on a, nowai la ia hewa?  No ke keiki anei, a i ole no ka makua paha, ka mea nana i kanu i kela ono iloko o kona kino?  Ke manao nei au in a ai oukou na makua i na na ao ai kupono, e loaa ana i ke kino o ka oukou mau keiki ka ai maikai, a e hanau ikaika mai ana lakou,

            Ina ua maikai, palupalu ka lepe i ka wa i kanuia ai ke anoano, e ulu mai ana ka anoano a maikai aka ina ua hookuuia ka meakanu e ulu pu me ka nahelehele, me ke kipulu ole ia, a mahi ole ia, pehea la e ulu mai ana anei a oo, a e nui ana ka hua e ohi mai ai?  Aole e hihia na aa nawaliwali o ka meakanu me na aa ikaika o ke kikania, a e nawaliwali ana, a e make opiopio ana na meakanu, me ka ohi ole mai i ka hua maikai.

            Pela pu no me ka kakou mau keiki.  Aole paha kakou apau i noonoo i ka ai kupono no ka kakou mau keiki i ka wa bebe.  Ke ike nei au o ia io no kekahi kumu no ka haule ana o kekahi o ka kakou mau keiki.  E a'o kakou, a e noonoo kakou, i na ai maikai kupono no ka kakou mau keiki e pono ai.  Aole loa e hiki ke hookuuwale ia ka kakou mau bebe me ka malama pono ole ia, i ka wa opioopio loa.  Pomaikai ke keiki e omo ana i ka waiu o ka umauma o kona makuahine, no ka mea ua nui loa ka pilikia, ame ka ma'i mawaena o na keiki i hanaiia me ka omole waiu.  He wahi no ia e noho ai o na anoano ma'i like ole ke malama pono a maemae ole ia ka omole, ame ka waiu.  Ina ua maikai ka ai a ka makuahine, a malama pono oia i ka ikaika o kona kino, e lawa ana ka waiu o ka hapanui o na makuahine no ka lakou mau bebe, e hanaiia ai.

            Eia hou kekahi mea a'u i hauoli ai manwaena o ko'u mau hoalauna Hawaii; Ua maa no kekahi hapa o oukou, i ka haawi ana i ka oukou mau keiki i ke tutuwahine, a i ole i kekahi o ko oukou mau hoahanau, a i kekahi wa haawiia ke keiki i kekahi mea mawaho ae o ka ohana. Pehea ko oukou manao aole anei i oi aku ke aloha o ka makuahine ponoi i kana keiki, oiai, he koko no ia no kona koko, a he iwi no ia no kona iwi?  Aole anei i hauoli ka makua e haawi i kona ola no ka pono o kana keiki?  Ua nui no ko'u aloha i na keiki i haawiia i na kupunawhine e hanai ai, no ka mea, aole lakou e ike ana i ke aloha pumehana o ka makuahine ponoi.  Aole hoi lakou e launa pu ana, a e a'o pu ana me na keiki e ae o ka ohana.  Aole loa au i manao e hiki ana kekahi mea ke malama i kekahi keiki elike ka malama ana a ka makuahine ponoi.  Ina e huli aku oukou, e ike ana oukou ua oi aku ka nui o na pakeneka o ka make o na keiki liilii, mawaena o na keiki i hanaiia e kekahi poe e ae, mamua o na keiki i manalamia iloko o ka poli aloha o ka muahine ponoi.

            Auhea oukou e na makuahine Hawaii, he mea pono anei ke haawi aku oukou i ka oukou maumomi na ha'i e malama?  O lakou na hoku iloko o ko oukou mau leialii.  E hookipa oukou i ko lakou mau uhane maemae, iloko o ke aloha o ko oukou mau poli.  A e alakai oukou i ko lakou mau wawae liilii iloko o na alanui o ka pono.  Mai haawi aku oukou na ha'i e alakai ia lakou.  Aia no maluna ou, e ka makuahine ame ka makuakane, ke koikoi o na uhane a ke Akua i haawi mai ai ia oukou.       

            Ina e makemake ana ka mea hanai holoholona, e loaa kekahi keiki maikai mailoko mai o kana kumulaau, e imi ana ia i ke'a maikai me ke koko maemae maikai, e hui me kana kumulaau.  No ka mea elike me ka'u i olelo ai mamua, e loaa ana ka like mailoko mai o ka like.  He ninau nui keia mawaena o ka poe malama holoholona.  Ua hiki no lakou ke haawi he mau kaukani dala no ke ke'a maikai loa, i mea e maikai ai ka lakou puaholoholona.  Aole loa lakou e ae ana i na koko like ole e hui pu iloko o ko lakou mau pua.  Pehea kakou o na kanaka?  Aole anei kakou i oi aku mamua o ka lio, a i ole ka pipi?  Ina he mea ia e pono ai ke mau ke koko maikai o ka holoholona, pehea kakou?  Aole anei he mea pono loa ia kakou ke noonoo maluna o keia ninau ano nui loa?

            Aole loa ia he mea kupono, ke hookuu wale aku kakou i ka kakou mau keiki e huli i ko lakou mau hoa iloko o ka berita laahia o ka mare, me ko kakou kokua ole, a ao ole ana ia lakou.  Aole kupono na kane apau no na wahine apau.  Aole i like kakou.  Ina e manao ana kekahi keiki a kakou, e huli i hoa nona iloko i ka berita o ka mare, e pono oia e wae akahele i hoa kupono nana.  He mea pono loa ke hookamaaina oia me kona mau makua, a e hoomaopopo in a paha he poe ma'i lakou me kekahi mau ano ma'i, e noho mau ana iloko o ke koko, a e hanau mai ana iloko o na keiki.  Owai o kakou e makemake ana i ka kakou mau keiki e mare iloko o na ohana mai'i o ia ano?  E hiki ana anei ke hanau mai i na keiki ikaika maikai, mailoko mai o na makua o ia ano?  E noonoo akahele kakou maluna o keia mau mea, no ka mea pela no e mau ai ka maemae o ke koko Hawaii, maluna o ka aina, a ke Akua i haawi mai ai ia oukou.  Pela no e laupai hou ai ka lahui, a pela no e hoopulapula hou ai ka aina, ka hooilina o na kupuna.

            Aole kekahi berita maluna o keia honua, i oi aku kona mau pomaikai ame kona mau pono, mamua o ka berita o ka mare; ka hoohui ana o kekahi kane me kekahi wahine kupono.  Aole hoi kekahi mea maluna o keia honua i oi aku kona mau poino ame kona mau luuluu, mamua o ka hoohui ana o kekahi kana pono ole me kekahi kaikamahine kupono ole iloko o ka berita o ka mare.

            Na ke Akua e kokua mai ia kakou, a e alakai mau i ka Lahui Hawaii iloko o na alanui o ka pono, a iloko hoi o na alanui e mahuahua ai, a e hookupaa ai lakou maluna, o ka ainahanau o ko lakou mau kupuna.

WM. M. WADDOUPS,

 

HE HOALOHALOHA NO MRS.

ABBIE HARPER.

 

            Mr. Lunahooponopono; Aloha oe a nui: -- E oluolu mai hoi kou ahonui i kauwahi kaawale o na eheu makaala o ka nunuaukai a ka lahui, no keia poomanao ae la maluna.

            Oiai o Mrs. Abbie Harper oia no kekahi o na makuahine i aloha nui ia e na mea apau ma ke kihapai o Waianae, Oahu.  Me ka nanea i ka maikai o na mea apau, a na kuoili ana mai o kana wahine Iapana kokua, a hoike mai la, e hele awiwi aku e kokua ia Mrs. Abbie Harper, ua hooko koke ia aku la ia leo.  I ka hiki ana aku, e ku mai ana me ke ano oma'ima'i o ia manawa iho mamua koke aku.  Hai mai la no eia he eha mau kuu poo.  I ka auwi ana o ka la, ua kelepona e ia mai la kana lei aloha Miss Emily Harper, e hoi mai no ka mea, he noho hookai ko Mrs. Abbie Harper noho ana.  Ua hoi mai la no kana keiki aloha makua.

            Oiai maua e kiai paa aku ana no ka oluolu maikai mai o ko maua hoalhoa oiaio, eia nae, ka mea kaumaha, ua kipa mai la ka anela eleele a lawe aku la iaia mai o makou aku.

            Hookau ka ma'i i ka la 14 o Feberuari he eha ma ke poo, a pauaho mai i ka la 21.  Auwe ke aloha, ame ka luuluu wale.  O ka helo pu iho no iloko o na hana Ekalesia, Kula Sabati, me C. E., me keia wahi ma'i ano ole loa i ka nana aku, o ka pau ae la no ka ia.

            Ua nui no na la i hele pu ia iloko o na hana haipula ame na hana maikai e ae, eia ka e haalelel koke mai ana oia ia makou.

            Aloha wale na wahi i hele like ia, ma na aekai o Neneu, ua pau kou ike hou ana ia Abbie, a o kou mau hunahunakai ua pau ka hoopulu ana i kona lihilihi maka.

            Aloha na papali o Laukinui, kahi a makou i hele ai a hoaumoe me na moopuna, a momoe iho la malalo o na lau kiawe, eia ka ua pau e ae la no ko Abbie hele hou ana ma ia mau aekai.

            E Maunalahilahi e, o Abbie ua hele loa, aole oe e ike hou mai ana, e Kamaile ua pau kou lohe ana i kona leo e Haleaniani ua pau kou ike ana i kela me keila la i ka maalo aku o Abbie no ka halekuai, e Pahoa e, aloha wale, e Waioli e ua kanaka ole ka home o Abbie.

            Oiai iloko o na la iho la ahiki i ke kaawale ana aku o ko maua hoaloha, ua lilo no kona mau ano maikai apau i mea poina ole ia maua, a me ka naau ehaeha no e nonoi aku nei i ka Makua Lani e hoomama mai i kana mau lei aloha, Miss Emily Harper, Mrs. Alice Rodrigues, ame kona kaikunane, Mr. Ben Mahoe ame na ohana, makamaka hoaloha apau.

            Aloha wale ka makuahine maikai, iloko o na mea apau.  He ikaika kona mau lala ma ka hoomaemae, he kuio kona mau aoao apau iloko o na hana ku i ka pono he hoomanawanui, he heahea, a he puuwai hamama.

            Nolaila ke hooki nei maua me ke aloha pau ole i ko maua hoaloha maikai, me ka poina ole i kana mau hana aloha ia maua ame ka maua keiki a maku.

            Na ke Akua e kiai aloha mai ia kakou apau iloko o kona aloha nui i kaupalena ole ia.

            Me ka haahaa, o maua iho no,

                        LOWELL K. KUPAU,

                        ELIZABETH L. KUPAU,

            Waianae, Mar. 12, 1923.

 

HE PUOLO WAIMAKA

            Mr. Solomon Hanohano, Aloha nui: -- Oluolu mai oe i wahi rumi kaawale o ke kahua kaua o na meahou, no kahi puolo e kau ae la maluna, i ike mai ai na kini e noho mai la ma o a maanei o ka aina.

            Ma ka hora 10 o ka Poalua nei, ka la 6 o keia mahina, i halee mai ai o John Auweloa Liilii i keia olaana; haalele iho la i ka ukana luuluu me ka waimaka na kona mau makua ponoi ame na makua hanai na kaikuaana, kaikuahine, na kupuna me ka ohana e paiauma aku ma keia aoao o ka muliwai o ka ehaeha.

            Mai ia Tomy Poepoe ame Kalohanui, ma Keoneioi, Honuaula, Maui, i hanau ai, ua piha iaia na makahiki ekolu me elua mahina o kona hanau ana i na ea o keia ao; a hele aku la ma kela ao, o ia hookahi no i kana huakai hele, eia nae he alanui hookahi ia o na mea apau.

            Mai kona hanau ana mai a piha na mahina eono, ua lilo ka hanai ana i ke kaikuahine o ka makuakane o keia keiki me kana kane, ua lilo no hoi keia keiki i kona mau makua i mea nui ia laua, me ka manao e loaa hoi i wahi hooilina no ko laua mau la elemakule, eia ka haalele e mai ana ia laua.

            Ua pili wale ia no ma na wahi apau a laua e hele ai e imi i pono no ka noho ana o keia ao.

            Ua hoi i Kihei ka makuakane i ka hana, ua hoi pu no ilaila no hookahi makahiki a oi, pau, ua hoi hou i ka ainahanau, a hala wale aku la ma o.

            Ua loihi no ka hoomailo ana a ka ma'i iluna o ke kino, i ka imiia ana o ke ola ua hala nae ka wa pono, ma ka manawa i mauliawa ae ai ka hanu o ka laua keiki, aole laua i hoomaha, ua hookahe me ka leo kumakena o ke aloha keiki, ahiki i ka uhi ana o ka lepo maluna.

            Ke hoomaikai aku nei laua i ka ohana i akoakoa mai ai me ke kiai pu ana i ka po ahiki i ka hoomoeia ana maloko o ka pa luakini o Keawala'i.

            Na kona kuku Rev. J. S. Poepoe i malama i kona anaina haipule, me ke aloha nui: ua lilo keia mau la i mau la ehaeha o ka naau, ke ulu wale nei no i ka ukana a ke aloha me ka waimaka, ke au wale nei no e ike i ka helehelena o ka laua keiki; ua hala, aloha wale no ka mea o ka mea i hanauia e ka wahine, he hapa kona mau la, ua piha i na popilikia he nui.

            Elike me kona hele ana mai, mai ka opu mai o kona makuahine, pela no e hele kohana aku ai mai keia ao aku.

            He keiki akahi, he mau hana hoalohaloha iloko o kona mau la, ola kino maikai, aka na ke Akua no i kaawi mai, Nana no i lawe aku, e hoomaikaiia ke Akua ma na lani kiekie loa, he malu ma ka honua, he aloha no i kanaka.

            Makou no na makua ponoi, na makua hanai, na kaikuaana, ua kaikuahine, na kupuna, me ka ohana apau, no ka hoomaikai ana i ka Makua Lani ame oe e kuu Solomon Hanohano, ame na keiki o kou papapa'i me ke aloha nui.

REV. J. S. POEPOE NAHAWELE.

            Honuaula, Maui.

 

HALAWAI EUANELIO MOKUPUNI O OAHU.

E malamaia ana ka halawai a ka Aha Euanelio Ahahuina o ka Mokupuni o Oahu ma Kahuku, ma kela aoao o keia mokupuni, ma ka Poaha, Poalima ame Poaono, o Aperila 5, 6 ame 7.  Ua makemakeia na lala apau o ia aha e akoakoa ae ma kahi a ma ka manawa i hoikeia ae la, me ka lawe pu ae o na elele i na hoike kihapai.

            Ma o ka hooholo ana a ka aha.

                                    J. K. NAKILA,

                                                Kakauolelo.

6548--Mar. 22, 29, 1923.

 

Ma ke Kauoha.

 

TERITORE O HAWAII.

 

Keena o ka Puuku, Honolulu, Oahu,

            Ma ka hana e hoopau ana i ka W. W. HALL, LIMITED.

            OIAI, o ka W. W. HALL LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 21 o Mei, 1923, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, maka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

HENRY C. HAPAI

Puuku, Teritore o Hawaii.

Honolulu, Maraki 12, 1923.

6547--Mar. 15, 22, 29; Apr. 5, 12, 19, 26; Mei. 3, 10, 17.

 

TERITORE O HAWAII.

Keena o ka Puuku, Honolulu, Oahu,

            Ma ka hana e hoopau ana i ko CASTNER REALTY COMPANY, LIMITED.

            OIAI, o ke CASTNER REALTY COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manwa ma kekahi ano iloko o ka hui i oleloia, e pono e waiho mai i na ku=e ana no ka aeia aku o ka palapala noi i oleloia maloko o keia keena ma, a i ole mamua ae o ka la 21 o Mei, 1923, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

HENRY C. HAPAI,

Puuku, Teritore o Hawaii.

Honolulu, Maraki 12, 1923.

6547--Mar. 15, 22, 29; Apri. 5, 12, 19, 26; Mei. 3, 10, 17.

 

Ma ke Kauoha.

TERITORE O HAWAII.

Keena o ka Puuku, Honolulu, Oahu,

            Ma ka hana e hoopau ana i ka ROYAL HAWAIIAN FRUIT COMPANY, LIMITED.

            OIAI, o ka ROYAL HAWAIIAN FRUIT COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manwa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 17 o Aperila, 1923, a o kela ame keia mea e makemaek ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale  Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi eae ole ia aku ai ka palapala noi i oleloia.

HENRY C. HAPAI,

Puuku, Teritore o Hawaii.

Honolulu, Ianuari 23, 1923.

6540--Jan. 25; Feb. 1, 8, 15, 22; Mar. 1, 8, 15, 22, 29.

 

TERITORE O HAWAII.

Keena o ka Puuku, Honolulu, Oahu,

            Ma ka hana e hoopau ana i ke KAHULUI WHOLESALE LIQUOR COMPANY, LIMITED.

            OIAI, o ke KAHULUI WHOLESALE LIQUOR COMPANY, LIMITED,, he nui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena ma, a i ole mamua ae o ka la 22 o Mei, 1923, a o kela ame keia mea e makemake ana e hooloheia aku maluna o ia mea, he pono e hoea kina ae ma ke keena o ke mea nona ka inoa malalo iho maloko o ka Hale Mana Hooko, Honolulu, maka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

HENRY C. HAPAI,

Puuku Teritore o Hawaii.

Honolulu, Maraki 14, 1923.

6547--Mar. 15, 22, 29; Apr. 5, 12, 19, 26; Mei. 3, 10, 17.

 

Hoolaha

            I kulike ai me ka Olelo Hooholo Helu 34 o ka Hale, ma keia ke haawiia aku nei ka hoolaha, ua waiho mai o C. T. BAILEY, ke Komisina o na Aina Aupuni o ke Teritore o Hawaii, i ka Hale o na LUnamakaainana, Kau Mau o 1923, i na mea mahope ae nei ma ke ano he mau pono kai lawai'a maloko o ka Paeaina Hawaii, i hooholo mua ole ia, ua n@a nae i keia wa a ua weheia i na makaainana o Amerika Huipuia, i kulike ai me ke Kanawai Kumu.

 

PONO KAI LAWAI'A.

MOKUPUNI O OAHU.

Kahololoa, Iwilei, Halawa, kuuana, Aiea, Paaiau, Kalauao, Waiholoa, Waiau, Puukapu, Waimalu, Mokuumeume, Kaholona, Kahua, Auliole, Nanakuli, Lualualei, Waianae,  Keeau, Makua, Kahanahaiki, Keawaula, Mokuleia, Kamananui, Paukauwila, Waimea.

            Pupukea, Paumalu, Kaunala, Waialee, Pahipahialua, Opana, Kawela, Hanakoe, Ulupehupehu, Punaluu, (Kahuku), Kahuku, Keana, Malaekahana, Laie, Kapapau, Hauula, Makao, Papaka, Halelena, Kapano, Puheemiki, Waiono, Makua, Makaua, Kaaawa, Kualoa, Hakipuu, Waikane, Hanakea, Kaalaea, Waihee, Kalokohanahau.  Heleloa, Kuwaaohe, Ulupau, Malae, Aikahi, Oneawa, Kalaheo.

            Kawailoa, Alaapapa, Mokulua, Waimanalo, Kuliouou, Kahala, Kaalawai, Kuilei, Kaluaolohe, Kapua, Kaneloa.  Kalia, Kukuluaeo, Kaakaukukui.

 

MOKUPUNI O HAWAII.

HILO.

            Waiakea, Piopio, Kukuau, Ponahawai, Punajoa, Piihonua, Puueo, Kalalau, Kauhiula, Alae, Kikala, Paukaa, Pahoehoe, Papaikou, Paihaloa, Kalaoa, Puu Moi, Onomea, Pepeekeo, Makahanaloa, Kahuwa, Kapehu, Kulaikahonu, Laimi, Malamalama iki, Kaiwiki, Hakalau, Honohina, Nanue, Piha, Waikaumalo, Haiku, Manoloa, Kaiaakea, Honomainoa, Maulua, Manowaiopae, Waipunalei, Humuula.

KOHALA.

            Honokan@, Pololu, Makaiikahio, Waiapuka, Niulii, Makapala, Aamakao, Halawa, Haleluu, Pueke, Lole, Ainakea, Hikiaupea, Hawi, Kaauhuhu, Keaauhuhu, Kealahewa, Puuepa, Upolu 1 ame 2, Kupuipahu, Kapaa, Kamano, Puu o Kumau, Nunulu, Paoo, Kaiholena, Kaupalaoa, Kehena, Puanui, Kiiokalani, Kahuwa, Waiako, Kawaihae, Waimea, Ouli, Puako, Lahuipuaa, Anaehoomalu.

HAMAKUA

            Manowaialee, Kaiwiki, Kaala, Kukaiau, Kaholalele, Kaunamano, Keahua, Pohakuhaku, Kemau, Kalopa (Crown), Paauhau, Paalaea, kuilei, Kawela, Honokaia, Kapoaula, Waialeale, Waikoloa, Mooiki, Waikoekoe, Kanahonua, Muliwai, Lalakea, Waimanu, Laupahoehoe.

            Ame na pono kai lawai'a apau maloko o na Apana o Kona Akau me Hema, Kau ame Puna, Mokupuni o Hawaii, e koe ana ka pono kai lawai'a i ikeia ma ke ano o Kahuawai, Kauea, Pualaa, Kapoho ame Keahialaka maloko o ka Apana o Puna.

MOKUPUNI O MAUI

HAMAKUALOA

            Kaupakalua 1, Ulumalu, Opana, Halehaku, Huelo, Hanawana, Papaaea.

KOOLAU.

            Honomanu, Keanae, 2 Wailua, Pakea ame Paukea, Keaa 2, Ulaino.

HANA.

            Waiohona, Wailua, Aleamai, Oloewa, Haneoo, Hamoa, Mualea, Honomaele, Kakanoni, Alaenui, Wailamoa, Kaapahu, Maulili.

KAUPO.

            Moolo, Paulani, Popoiki 1 âme 2, Kahuai, Nuu, Kumunui 1.

KAHIKINUI.

            Auwahi.

HONUAULA.

            Keauhou, Keoneoio, Palauea, Papaka, Kanahena.

KULA.

            Keokea, Kealahou 1 am 2, Waohuli, Pulehu nui.

WAILUKU.

            WAiluku, Waihee, Waiehu.

KAANAPALI.

            Kahakuloa, 2 Napili, Polua, Waiokila, Honokowai, Alaeloa, 2 Honokeana, Honolua, Mailepai, 3 Napili, Mahinahina, Ili o Mookmuku, Honokohau.

LAHAINA.

            Ukumeheme, Olowalu, Launiupoko, Kauaula, Pahoa, Waiokama, Wahikuli, Paunau, Kelawea, Aki, Polanui, Kuhua.

MOKUPUNI O LANAI.

            Kamoku, Paomai, Maunalei, Kahulu, Palawai, Kealia Kapu.

MOKUPUNI O MOLOKAI.

            Ahaino, Awawaie, Kumueli, Kapuoli, Ohia 2, Onouli Maloo, Iloli, Kahanui, Kalaupapa, Kamalo, Kamaooni, Keopuka Uuku, Kapuaokoolau, Kawela, Keawanui, Kumimi, Kupeke, Makakupaiaiki, Makanalua, Manawai, Mapulehu, Moakea, Naiwa, Pohakupili, Paniuohua, Pelekumu, Pukoo 2, Waialua, Ualapue, Kalamaula, Palaau, Puelelu.

MOKUPUNI O KAUAI.

            Makaweli, Hanapepe, Ili Eleele, Koloa (Hik.), Koloa (Kom.), Welewele, Paa, Mahaulepu, Kipu, Kalapaki, Wailua, Olohena, Waipouli, Kapaa, Kealia, Anahola, Kaakaanui, Waipake, Pilaa, Waiakalua, Kahili, Namahana, Hanalei, Waikoko, Lumahai, Wainiha, Waimea.

JOSEPH ORDENSTEIN,

            Kakauolelo, Hale o na Lunamakaainana.

6546--Mar. 8, 15, 22, 29.

 

DEFLEXOGRAPH

Mea Leo Mele Ku i na Ipu Olelo apau Na ano kui like ole.  Hiki ke loaa ke kani me ka nahenahe.

$1.00 ma ke ekeleka.

PAPA GULA, 41.50, PAPA METALA, $1.00.

VANTONE CO., Dept. 407 110 W. 15th St., New York N. Y.

 

CITY MILL CO.

KEKAHI O NA HUI KAHIKO LOA MA HONOLULU NEI.

            Poe kuai Papa, Pilihale, na lako Paipu, na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.

            Kukulu makou i na hale ma ka uku liilii ana, me na hookaa liilii.

O KA OI LOA AKU NO KA POE HOOKUONOONO.

Mai Poina - - - Hele Mai Ia Makou

Kihi o na Alanui Moiwahine me Kekaulike.  Honolulu, T. H.

 

Honolulu Planing Mill,

LIMITED.

POE HANA I NA PUKA LAAU ANIANI, LAAU HALE, OLEPELEPE, MOLINA, WAHI KAU.

ALANUI PAPU, ESPLANADE

 

Ka Pila GRAFONOLA COLUMBIA

Maopopo ka Wa e Pau Ai

            Na ka mea hoopaa nona iho e makaala ia @@a nou.  Ua hiki ia oe ke hulahula ahiki i ka huaolelo @@ope loa.

Uku Liilii ke Makemakeia

Thayer Piano Co.,

LIMITED.

148-150 Alanui Hokele

 

Keena Hawaii

NO NA

Lako Hana Mahiko

Hapuku Kila Oliver

            Chilled ame na Palau

Na Katapila Cleveland

Na Katapila Fordson

Na Kaa Kalaka White

Na Kaa Kalaka Federal Na Kaa Kalaka Ford

            Na Hana Pili Amala

HANA I NA KINO O KA KAA UKANA ME KALAKA ME KA HANA HOU ANA

Schuman Carriage Co,. Ltd.

Na Paionia o na Hana Halihali o Hawaii nei

 

KA VICTROLA

--Ka Meakani Mele Kilakila--he meakani e pono e loaa ma kou home.  Kauoha mai i na buke hoakaka o na Pahuolelo ame na Papa Leo Mele.

            NA PIANO PAANI

            NA ROLA PAANI

            NA PEPA MELE HOU

            NA PILA AHA

ame na mea apau pili i na mele.

Bergstrom Music Co.

1020 Alanui Papu Honolulu

 

HALE UWI WAIU

-o-

MAPULEHU

PUKOO, MOLOKAI

E Hooholo Ana i ka

MOKUKUNA GESOLINA

LELEIONA

Mawaena o na Awa o Honolulu me Molokai

Geo. P. Cooke,

ONA.

Poe Lawe Hau me Waiu

T. O. MURATA FURNITURE STORE

(Na noho hoolimalima me lako pa maanei.)

Na Lako Hale Hou me Kahiko.

            Hoolimalima me Kuai Hoolilo.

715 Alanui Hema, Honolulu, T. H.

Kelepona 1695.

 

START WITH THE LOT

$350--Lot 50x75, 15th Ave., $20 down $10 per month

$750--Lot 50x100, corner Elizabeth St. and Leahi Ave.  $20 down, $@@ per month.

$550--Corner lot, Kaimuki Ave., Ocean View Tract,  $20 down, $10 per month.

$900--Lot 50x200, Kaimuki Ave.  Ocean View Tract.  20 down, $10 per month.

$450--Lot 50x100, Ocean View Tract.  $20 down, $10 per month.

$550--Lot 50x150, 16th Ave.  $20 down, $10 per month.

Ask C.W. Carpenter, with

PAULO KALAUKA

(P. E. R. STRAUCH)

Alanui Moi, Helu 74, Mawaena o na Alanui Papu ame Betela.

 

Kakela & Kuke

(Kaupalenaia)

Poe Kalepa ma ke Komisina

--A HE--

Poe Agena no na Mahiko Lehulehu

 

PAPA NA LAKO KUKULU HALE

***

No ka hoahu ana i kou wai ma na Pahu Wai Papa Ulaula o 5000 a 10000 Galani.

E hoolakoia aku no na kumukuai ame na hoakaka ia oe ke noi mai.

***

ALLEN & ROBINSON, LTD.

HONOLULU, T. H.

 

Nupepa Kuokoa

No ka makahiki (one year) ….$2.58

            O na Dala âme na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. Box 3110, Honolulu, T. H.

            217 Alanui Moi, ma Waikiki o ke Alanui Alakea; ka Nupepa Advertiser.

            Entered at the Post Office at Honolulu, T. H., as Second Class Matter.

            SOLOMON HANOHANO, Lunahooponopono.

CHARLES S. CRANE, Luna Nui.