Ka Nupepa Kuokoa, Volume LXII, Number 13, 29 March 1923 — Lawe Okoa Ae he Kakiana Koa i Kona Ola Iho Maopopo Ole i Kona Mau Hoa ke Kumu o Kela Hana Hoopoino i Kona Ola KI NO OIA IAIA ME KANA PU PANAPANA Loaa Aku Oia me ka Puka Poka ma ka Umauma ma Kahi Hoomoana ma Leilehua [ARTICLE]

Lawe Okoa Ae he Kakiana Koa i Kona Ola Iho

Maopopo Ole i Kona Mau Hoa ke Kumu o Kela Hana Hoopoino i Kona Ola

KI NO OIA IAIA ME KANA PU PANAPANA

Loaa Aku Oia me ka Puka Poka ma ka Umauma ma Kahi Hoomoana ma Leilehua

No na kumu i maopopo ole, i lawo okoa ae ai he kakiana koa, nona ka inoa 0 Glon H. Wiseman, i kona ola iho, ma ke ki ana no iaia a make me kana pu panapana, ma ko kakahiaka 0 ke Sabati nei ma ke kahua hoomoana 0 na koa ma Leilehua. Ma ka po 0 ka Poaono aku, i hoi mai ai kela kakiana kon, me kona mau hoa mai ka lakou huakai hoomaamaa niai, me ka loaa ole 0 kekahi mau kumu hooliuoi, no ka lawelawe o kela koa i kekahi liana naaupo, elike ae la me kela. I ke ao ana ae ma lee kakahiaka o ke Sabati, a oiai hoi na koa e heonanea ana, ua hoopuiwaia aku lakou, i ke kani ana mai o kekahi pu panapana, a ia lakou o ka holo ana aku noloko o ka hale i loheia ai ke kani ana mai o ka pu, aia hoi, e waiho mai ana ke kakiana koa, iloko o ke kulana kupilikia, me ka puka poka, ma kona umauma. Ua hoihoi awiwi ia uku oia noloko o ka halema'i o na koa, a he hapalua hora wale no mahope mai, ua make loa aku la oia, me kona hoakaka ole ae, i ke kumt :ona makemake ana o hoopokol aai i kona ola ana ma keia ao. Ma ka oleloia, ua mare mua kela koa i ka wahine, eia nae ua kaawale oia mamuli o ko kanawai oki mare, a ua hoopalau ka oia me kekahi wahiae hou, no ka mare aku iaia, eia nae lawē 'ē" āe la oia i kona ola, e hiki ole ai ke hookoh aku ka mare i manaoia. He makuahine ko kela koa e ola mai la ma Amerika, a ina e loaa mai ana ke kauoha mai kona ohana mai, no ka hoihoiia aku o kona kino ma Amerika e kanu ai, alaila e hoouna aku ana ka oihana koa i ke kino wailuna maluna o kekahi moku lawekoa, e haalele mai ai ia Honolulu nei, ma keia mua iho.