Ka Nupepa Kuokoa, Volume LXII, Number 13, 29 March 1923 — Ae Okoa o Stanley C. Kennedy i Kona Pili i ka Hewa Laweola Ma Keia Poaono Iho e Kau Mai Ai ka Aha i ka Hoopa'i Maluna Ona no ka Make Ana o ka Wahine Kumukula Opio [ARTICLE]

Ae Okoa o Stanley C. Kennedy i Kona Pili i ka Hewa Laweola

Ma Keia Poaono Iho e Kau Mai Ai ka Aha i ka Hoopa'i Maluna Ona no ka Make Ana o ka Wahine Kumukula Opio

Iloko o na inauao kahah.i o na moa apau, i hoopokoleia mai ai ka hoololie ana i ka hihia o Stanley C. Konnedy, ka ona nona ke kaa otomobilo, i hooku'i ai mc ka wahine kumukula opio, a make, mainuli o kona ae okoa ana aku no kona pili i ka hewa lawe ola ma ke degere ekolu, imua o ka aha a ka Lunakanawai o'Brien, ma ke kakahiaka o ka Poakahi nei. Mamuli o kela ae okoa ana aku o ka mea i hoopiiia i kona hewa, aole hc hana aku i, koe, ma ka aoao o ka aha« o ke kau wale mai no i ka lioopa'i maluna ona, nolaila ua hoopaneeia mai ke kau ana i ka> hoopa'i, a ma ke kakahiaka o keia Poaono ae. Aole i manaoia, e pau koke ana kela hihia, no ka mea o kela kekahi o na hihia ano nui loa, me ka hoao ana o na loio o ka mea i hoopiiia, 0 paio no ka pono o ko laua liaku, e pakele ae mai ko kau ana aku ana o na ahewa ana maluna ona, nolaila li3 kakaikahi loa ka poe i hoea ae imua o ka aha, i ka wa i hooloheia ai ka hihia, ma kela kakahiaka Poakahi. O ka hoopa'i, a ke kanawai i hoakaka ai, no ka hihia laweola ma ko degerc ekolu, o ia no ka lioopaahao ma ka hana ikaika mai ka hookahi makahiki ka haahaa a i ka elima makahiki ke kiekie, a ma ka hoopa'i dala hoi, aolo e oi aku 1 ka huina o hookahi kaukani dala. Hoololi i Kana Pane Ma ka manawa i weheia ai o ka aha a ka Lunakanawai o'Brien, ma kela kakahiaka Poakahi, ua lioea ae o Mr. Kennedy me kona mau loio pela hoi ka Loio Kalana Heen ame hope, a maloko hoi o kahi o na na kiure he umi-kuma-malua, i pau ole i ka ninaninauia. No na minuke nao elima mamua ae o ka weheia ana o ka aha, ua loaa he mau kukakuka ana mawaena o Mr. Kennedy me kekahi o kona mau loio, oia ka Lunakanawai Robertaon, o ka laua mau mea nae e kukakua ana, ua koho wale ia aku mahope mai o ia' no ka hoololi ana ao i ka pane mua no ka pili j ole i ka hewa, a i lea ae okoa ana aku i ka hewa. Mahope iho o ke kaheaia ana e [ na inoa o na kiure, e ke kakauolelo 0 ka aha ia wa i hoakaka mai ai ' ka Lunakanawai O 'Brien, no ka hooinau ana aku o na loio o na aoao a elua e ninaninau i na kiure, o ka manawa ia o ka Loio Robertson, i ku ae ai iluna, a hoike aku la imua j o ka aha, ua makemake ka mea 1 hoopiiia, e lioololi i kana panu j mua. Ua ku pu ae ka mea i hoopiiia, iloko o kela manawa, hookahi, a I i ka wa i ninau mai ai ke kahu I o ka aha, ina paha he makemake j i'o kona e hoololi i kana pane mua, ia wa o Mr. Kennedy i ae aku ai, me ka olelo ana aku, ua hewa oia. No ka hoomoakaka pono ana aku imua o ka aha, i ka manao o ka pane a ka mea i hoopiiia, i ku ae ! ai ka Loio Robertson, a hoike aku la imua o ka Lunakanawai o'Brien, ua ae ka mea i hoopiiia no kona | pili i ka hewa ma ke kumu hoopii ekahi. Ma ka aoao hoi o ke aupuni, ua ku mai ka Loio Kalana llecfi, a hoakaka, he mea pono, e komo pu kela pane pili i ka hewa, no na kumu hoopii ekolu; me ka lilo o kekahi mau minuke, i ,na loio o na aoao a elua, ma ka paio ana, ahiki i ke apono ana mai o ka aha, i ka pane i waihoia aku e ka mea i hoopiiia, no ke kumu hoopii ekahi wale no. Hoopaneeia ke Kau Ana i ka Hoopai Ua noi koke ka Loio Robertson, e kau mai ka aha i ka hoopa'i maluna o ka mea i hopiiia, ua hoole mai nae ka Lunakanawai Q'Brien, me ka hoopanee ana ahiki i ka hora eiwa o keia kakahiaka Poaono ae. Elike me na rula maa ma na aha hookolokolo o kela ano, ua ninau mai ka aha, i ka Lunakanawai Robertson, ina paha he mau hoakaka kekahi ma kona aoao, e pili ana no ka hoololi ana, o ka mea i hoopiiia i kana pane, ua hoole aku oia, a aole no hoi ka Loio Kalana Heen, i hoomakaukau i kekahi mau hoakaka imua o ka aha, no ke ano e hookauia mai ai o ka hoopa'i. Ka Moolelo o Kela Hihia Elike me ia i hoike mua ia aku ai maloko nēi o ke Kuokoa, ua make he wahine kumukula, nona ka inoa o Cathenne A. Hall, nia ka po o ka Ja 23 o Dekcmaba o ka 1922, ma-

muli o kona hooku'iia ana aku e ie kaa otomobile, e hookeleia ana e Stanley C. Kennedy, oiai kela wahine, e hoomakaukau ana e kau aku maluna o ke kaauwila. Ua hopuia o Mr. Kennedy, no ka hewa laweola, a ua hookuuia mamuli o kona waiho ana ae he bona, o elima kaukani dala imua o Ka aha. # Ua noho ke kiuro koronelo nieniele kumu make e noonoo i ke kumu i make ai o ka wahine kumukula opio; pela hoi me ke kiure kiekie, a 0 ka hoike i hoihoiia ae e ke kiurc kiekie, o ia no ka make ana o kela wahine, mamuli o ka hooku'i ana aku o ke kaa o Kennedy iaia, no kona holonui. Ma ka la 24 o lanuari i holohe mua loa ia ai ka hihia iloko o ka aha a ka Lunakanawai o'Brion, me ke noi ana o ka Lunakanawai Robertson, e hooknuia ka mea i hoopiiia, no ke ku ole i ke kanawai, ke kumu hoopii hoahewa, ua hoole nae ka aha i kela kumu. Ma ka pulo koke aku la no i hala, 1 hoolohe hou ai ka hihia a ma ia manawa, i waiho aku ai ka loio o ka mea i hoopiiia he noi, e hoihoiia ka hoolohe ana i ka hihia ma Hawaii, ua hooie no ka aha, mahope iho o ka waiho ana mai o ka Loio Kalana Heen, i na kumu, no ka hiki no ke hooloheia ka hihia ma Honolulu nei, a o ka hopena nae i ikeia, o ia no ka ae okoa ana o ka mea i hoopiiia elike ae la me ia maluna.