Ka Nupepa Kuokoa, Volume LXII, Number 13, 29 March 1923 — HOOLE KA AHA I KA LILO O KA WELU I MEA HOIKE. [ARTICLE]

HOOLE KA AHA I KA LILO O KA WELU I MEA HOIKE.

Aole lilo ka welu i kupenuia i ka okolehao i ike oiaio .ma ko kanawai 0 ahewaia ai ka mea i hoopiiia, o keia ka hoakaka a ka Lunakanawai John De Bolt o ka aha federala ma ka manawa ana i kauoha aku ai i ka papa kiure nana i holohe i ka hihia o Rose Kukahiko, he wahine i hoopiiia ae no ke ku-e i ke kanawai waiona, aole i pili ka hewa i ka mea i hoopiiia, ma ka noho ana a ia aha ma ka Poalima aku la i hala. Ua hoopiiia ae o Mrs. Kukahiko no ke kuai waiona i na koa ame na luina e na makai o ka oihana kaua moana ame aina, o ka hale o Mrs. Kukahiko i noho ai ma Kakaako, a o kahi no hoi i komoia ai e hopu e na akena federala G. E. Bruns, A. Fat ame John Ornellas, he mau mahina lehulehu i hala aku nei. Ma ka oleloike a na akena federala, ma ka manawa a lakou i komo ai iloko o ka hale o Mrs. Kukahiko no ka hopu ana, a i kona ike ana mai ia lakou ua hopu iho la oia i ka pika okolehao a hoomaka aku la e holo, a iaia e holo ana ua ninini aku la oia i ka okolehao iluna o ka papahele o ka lanai. Ma ka olelo a na makai federala, me kekahi welu i loaa ia lakou 1 kupenu ai lakou i ka okolehao a hopuia ka wahine mahope iho maloko o ka rumi o kekahi o na h.oaloha ona, a ma kona manawa i hopuia ai he koena okolehao kekahi ikko o ka pika, wahi a lakou. I ka pau ana o ka lakou mau oleloike ua hoao o E. H. Magoon, ke kokua loio Amerika, e ikeia ka okolehao ma o ka uwiia ana o ka welu i kupenuia ai ka okolehao, i mea e ikeia e ai ka okolehao amo ke koena okolehao iloko o ka pika a e lilo ia i mea hoike ma ka aoao o ke aupuni. Ua ku-eia aku ia manao e ko Mrs. Kukahiko loio, o A. M. Brown, Wahi a Brown ua komoia ka hale o Mrs. Kukahiko e na kanaka o ke aupuni me ka palapala hopu ole, o ka mea hoike nia ka aoao o ke aupuni e lilo ai i mea e ahewaia ai ka mea i hopuia aole ia i ku i ke kanawai. Ua apono ka aha ia manao o ka Loio Brown, a ua ku-eia ka mea hoike ma ka aoao o ke aupuni ma o ka rula ana mai o ka aha. No ia kumu i kauoha ae ai ka Lunakanawai Dc Bolt i ke kiure e hoihoi mai i olelo hooholo pololei aole i pili ka hewa i ka mea i hoopiiia. Ma ka Poalua iho nei i a'e ai na hoa oloko • ka hale o na lunamakaainana i ka vito a ke kiaaina, maluna o na Bila 65 ame 66 o ka Hale. He elua wale no mau mea ku-e. Iloko o ka hale o na lunamakaainana, ma ka Poalua iho nei, i hookomo ae ai ka Lunamakāainana HuBsev he Olelo hooholo, e koi ana e malama mau ia ka ahaolelo i kela ame keia makahiki.