Ka Nupepa Kuokoa, Volume LXII, Number 14, 5 April 1923 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NA HANA O KA HALE
La Hana 31
Na bila hou i hookomoia ae i ka @@le ma keia la.
B. H. 281 - E pili ana i ka uku @ na luna aupuni kalana. - Silva.
B. H. 282 - No ke kokua ana i ka @@@kaa otomobile ma Kaluaopele. -@@@@@.
B. H. 283 - No ka hoololi ana i na dala mai ka waihona dala ae o ka halekoa o Honolulu. - Clark.
B. H. 284 - E pili ana i na manawa hoomaha o na limahana kalana. - Fernandez.
B. H. 285 - E hoolako ana i kekahi kiahoomanao no Kalanianaole. - Hussey.
B. H. 286 - E hoakaha ana no na dala hoopa'i ame na dala bela i lawe ia ame ka hoolilo ana aku ia mau dala. - Kalua.
B. H. 287 - E pili ana i ke kokua ana i na keiki ku ole i ke kanawai. - Kalua.
B. H. 288 - E hookaawale ana i $100,000 no na hale kaawai kinaia@@ ma Waikiki a ma Nuuanu. - Cu@ha.
B. H. 289 - No ka hoopau ana aku i ka hana hou o ke alanui Miller. - Petrie.
Kakauinoaia e ke kiaaina a lilo i kanawai ka B. H. 3, e haawi ana i ka wahine kane-make a ka Elele Kalanianaole i $500 uku hoomau no ka mahina ame ka B. H. 43.
Holo ma ka heluhelu ekolu ana na B. H. 163, 203, 256, 260 ame na B. S. 15, 31, 46, 47 ame 48, 50 a o @@ B. S. 23 hoopaneeia mai ka hooholo ana a Aperila 4.
Holo ma ka heluhelu elua ana no B. H. 220, 206, 239, 267 ame ka B. S. 3.
Moe ma ka papa na B. H. 161, 97,279 ame ka olelo hooholo a Coelho e kauoha ana i ka oihana ululaau i hookoeia ma Kula, Maui.
Na Palapala
Mai ke senate mai he palapala e hoihoi mai ana i ka B. H. 11, ua hooholoia ma ka heluhelu ekolu me na hoololi, ame na B. H. 78, 89, ame 20, a e hoike pu mai ana i ka a'e ana o ia hale i ka vito a ke kiaaina maluna o na B. H. 65 ame 66, na bila i a'e mua ia ai e ka hale ka vito ana a ke kiaaina.
La Hana 32
Na bila i hookomoia ae i ka hale ma keia la.
B. H. 290 - E hoakaka ana no ka uku o na kanaka hana iloko o ka pualikoa kiai lahui. - Lowrey.
B. H. 291 - No ka hooponopono ana i ka lawe ana i na holoholona maluna o na moku maloko o na pahu. - Wilder.
B. H. 292 - I haawina dala no ke alanui ma ke Awawa o Iao. - Kalua.
B. H. 293 - E kauoha ana no ka hoahu ana i waihona dala hookaa aie maloko o na banakohoahu dala. - Farden.
B. H. 294 - E hoakaka ana no ka hoihoi hou ana aku i na dala koina o ka aha ma kekahi mau koina - Anderson.
B. H. 295 - I haawina dala kokua ia Antonio Manuel Luiz. - Fernandez.
B. H. 296 - No ka uku hou ana aku i dala kaulele no ka bila haawina kula no na hale hou. - Fernandez.
B. H. 297 - I haawina dala no ke kokua ana i ka Hui Mokuahi I. I. S. N. C., ame ka Castle & Cooke.
B. H. 298 - E pili ana i ka uku ame ka hoemi ana i ka auhau maluna o na loaa makahiki o na kanaka ame na hui. - Hussey.
B. H. 299 - E hoamana ana i ka papa lunakiai o Honolulu e hookaawale i haawina dala na ke koku ana aku ia Lui hookano. - Coelho.
B. H. 300 - No ka hooloihi ana aku i na alanui maloko o na aina hookuonoono ma Waiakea, hawaii.
B. H. 301 - No ka uku hou ana aku ia Henry Waterhouse Trust Co. no na dala i haawi muaia no ka hooia ana i ka Banako o ka Lahui. - Filler.
Na Palapala
Mai ke senate mai he palapala e hoakaka mai ana i ka hale no ke kakauinoaia ana e ke kiaaina o na B. S. 7 ame 51, a e hoike pu mai ana i ke apono ana o ia hale i ka hoololi a ka hale i hana ai maluna o ka B. S. 31, a e hoihoi mai ana i ka H. C. R. 24 ua aponoia e ia hale , a pela me na B. H. 179, 184, ame 185, a e hoouna mai ana i na B. S. 72, ame 99.
Mai ke Kamaliiwahine mai he palapala e haawi mai ana i na hoa i ka hale i kana hoomaikai no na pua nani i hoounaia aku iaia ma ka Poakahi i hala, ka la hanau o kana kane aloha i hala.
Holo ma ka heluhelu elua ana na B. H. 167 ame 94.
Moe ma ka papa ka B. H. 227, e hoololi ana i ka Pauku 3894 o na Kanawai i hooponopono hou ia.
Lokahi ole ka hale me ke senate maluna o na hoololi a ke senate i hana ai maluna o ka B. H. 13.
Hoopanee ka hale i ka noonoo hou ana maluna o na B. H. 218 a keia Poalua, ka B. H. 239 a ka Poalima aku la i hala, ka B. H. 252 a Aperila 4, a o ka B. H. 267 ahiki i ka Poalima aku la i hala.
Na Olelo Hooholo
Na Coelho he H. C. R. e noi ana i ka ahaolelo nui ma Wakinekona e hoamana mai i ke kiaaina ame ke komisina aina e hoopuka ae i mau palapala sila no kekahi mau apana aina liilii i ka Hui Kaaahi o Hilo.
La Hana 33
Na ila hou i hookomoia ae i ka hale ma keia la.
B. H. 303 - E pili ana i ka hookuu ana i na auhau kino. - Coelho.
B. H. 304 - E pili ana i na akena haawi palapala mare. - Coelho.
B. H. 305 - E pili ana i na ukuhana o na kanaka hana i hoolimalimaia. - Coelho.
B. H. 306 - E pili ana keia bila i ke a'o ana i ka olelo Hawaii maloko o ke Kula Nui o Hawaii a maloko o na kula aupuni o ke Teritore. - Hussey.
B. H. 307 - E pili ana no ka hoomakaukau a pa'i ana i mau buke ma ka olelo Hawaii. - Hussey.
B. H. 308 - E pili ana i na baloka ma ke koho baloka o ke aupuni kulanakauhale ame Kalana o honolulu. - Anderson.
B. H. 309 - E kauoha ana i ke Kalana o Hawaii e uku ae i kekahi mau koi a Akana Amelia Richardson ame kekahi poe e ae. - Muller.
B. H. 310 - E pili ana i ke komisina ia ame manu. - Na ke komite o ka oihana Mahiai ame Ululaau.
Holo ma ka heluhelu elua ana na B.H. 94, 167, 200, 233, 254, 257, 257. Oka B. H. 38, ka bila i keia "Ka bila auhau kino o na wahine" ame ka B. H. 238 ua hoopaneeia mai ka hooholo ana a ka Poakahi nei.
Holo ma ka heluhelu elua ana na B. H. 249 ame 221 ame ka B. S. 17. Moe ma ka papa na B. H. 166, 182, ame 41.
Na Olelo Hooholo
Na Fernandez he olelo hooholo e kauoha ana i ka luna nui o na hana hou o ke aupuni e hoolako ae i ka hale me kekahi hoike e pili ana i na hoolilo no ka hana ana i na alahaka konakalika ma ke alanui Moana ame ke alahaka konakalika ma ke alanio Kalakaua.
Na Coelho he olelo hoohol e noi ana i huina dala o $25,000 no ka hana ana i ke alanui o Kuliouou me ke pohaku ili, a no ka hana ana i mau puka wai a ka ua, maloko o ke kulanakauhale a kalana o Honolulu.
Na Palapala
Mai ke senate mai he palapala e hoakaka ana no ka holo ana o na B. S. 68 63 ame 88 ma ja heluhelu ekolu ia ana o ia hale a e hoouni mai ana he hoike no ka lokahi ana o ia hale me ka o na lunamakaainana maluna o na hoololi a ka hale i hana ai maluna o na B. S. 35 ame 15, a ua apono ole i na hoololi a ka hale i hana ai maluna o na B. S. 3 ame ka B. H 13, a e hoike mai ana i na inoa o ke komite kukauka a ia hale maluna o na bila i hoikeia ae la.
La Hana 34
Na bila hou i hookomoia ae i ka hale ma keia la. O keia ke 34 o na la hana a ka ahaolelo a koe aku he 26.
B. H. 311 -- E hookapu loa ana i ke kuai ame ke puhiia ana o ka opiuma, a e hookapu loa ana i ka hele o ka poe ma na wahi e puhiia ana ka opiuma. --Hayselden.
B. H. 312 -- E pili ana i na hui. --Vitousek.
B. H. 313 -- E pili ana i ka mana hookolokolo kaulike ame ka hana ana. --Vitousek.
B. H. 31 -- E pili ana i ka wahine i mareia. -- VBitousek.
B. H. 315 -- E haawi ai i uku hoomau o $150 ia Theresa Owana Belliveau. --Fernanadez.
B. H. 316 -- E pili ana i ka hoopa'i i hoomaopopo pono ole ia. --Anderson.
B. H. 317 -- No ka halihali ana i na kamalii hele kula o Keaukaha, Hilo. --Pedro.
B. H. 318 -- I laikini o $200 no ka makahiki no ka lawelawe ana i ka hana kuai a hoolilo aina. -- Wilhelm.
B. H. 319 --Aohe uku laikini no ka poe malama hale e hookipa aku ana i kekahi ohana ma ke ano hoolimalima i oi ole aku maluna o elima e auhauia e ke aupuni. --Wilhelm.
B. H. 320 -- E pili ana i ka noho ana o ka aha. -- Wilhelm.
B. H. 321 -- E pili ana i ka oihana wai ame sua o Honolulu. --Farden.
B. H. 322 -- No ke kukulu ana i kula kiekie Junior no ka apana o Makawao, Maui. --Farden.
Na Palapala
Mai ke senate he palapala e hoouna mai ana i na B. S. 45, 90, 101, 102 a e hoihoi mai ana i na B. H. 51 ame 83 mahope o ka holo ana ma ka heluhelu ekolu.
Na Olelo Hooholo
Na Vitousek he olelo hooholo e noi ana e hookaawaleia ke kahua kauhale kahilo o Kaupo, Waimanalo, e ke aupuni no ka hoohanaia e ka lehulehu.
Holo ma ka heluhelu elua ana ka B. S. 13, 66 ame ka B. H. 189.
Moe ma ka papa na B. H. 168 ame 280.
Lokahi ole na komite kukakuka o na hale a elua maluna o ka B. H. 122.
La Hana 35
Na bila hou i hookomoia ae i ka hale ma keia la.
B. H. 323 -- He kanawai e pili ana i na kaa otomobile o ke aupuni e hoohanaia ana ma na hana o ka lehulehu. --Silva.
B. H. 324 -- E hookaawale ana i haawina dala no ke alanui o Kapoko, Hilo, Hema. --Silva
B. H. 325 -- No ka hookaawale ana i ka halepule Kepani o ka Papa Misiona ma Honomu. -- Pedro.
B. H. 326 -- E kau ana i ukuhana maopopo no na limahana ma na hana aupuni. --Pedro.
B. H. 327 -- E pili ana i na la kulaia. --Coelho.
Holo ma ka heluhelu ekolu ana na B. H. 19, 38, 238 310, ame ka B. S. 13, a o na B. H. 189 ame ka B. S. 64 ua hoopaneeia a ka la hana 36. Holo ma ka heluhelu ekolu ana na B. H. 208, 287, 291, 302, ame ka B. S. 68.
Moe ma ka papa na B. H. 26, 120 ame 315 ame ka olelo hooholo a J. W. Kalua.
Na Palapala
Mai ke senate mai he palapala e hoakaka ana no ko ke kiaaina kakau ana i kona inoa, mahope o ke apono ana i na bila malalo nei:
Ka B. H. 68, 159, 194, a e hoihoi mai ana i ka B. H. 203 ua holo ia hale ma ka heluhelu ekolu ana a aponoia e ka hale.
Na Olelo Hooholo
Na Lunamakaainana Jerves he olelo hooholo e noi ana i ke komite maluna o na hana a ka oihana mahiai ame na hana akeamakai e ae e noii a e ninaninau pono i na hana apau o ke keena o ka loea kopaa Horner. Aponoia ka olelo hooholo.
NA HANA A KE SENATE
La Hana 31
Na bila hou i hookomoia ae i ke senate ma keia la.
B. S. 100 -- E kauoha ana i ke Kalana o Maui e uku ae ia Peter N. Kahokuoluna i uku hoomau o $30 o ka mahina. --Tavares.
B. S. 101 -- E kauoha ana i ke Kalana o Maui e uku hoomau no ka manawa e ola ana i $100 o ka mahina. --Tavares.
B. S. 102 -- E kauoha ana i ke Kalana o Maui e uku ae ia Charles B. Cockett i uku hoomau no ka wa e ola ana i $70 no ka mahina. -- Tavares.
B. S. 103 -- E noi ana i haawina dala o $44,510 no ka apana aina pakau'i no ka pahalekula o Kamehameha II ma Lahaina --H. W. Rice.
B. S. 104 -- E noi ana i haawina dala o $4000 no ka hana ana i alanui maloko o ka apana o Waianae. --Shingle.
Holo ma ka heluhelu ekolu ana na B. S. 20, 63, 89, ame na B. H. 175, 192, 196, ame 202.
Aponoia e na komite kukakuka o na hale elua ka B. S. 50 i hookomoia ae ai e Senatoa Jarrett ma ke ano mua o ka bila i hooholoia ai e ke senate, o ia hoi e hoouna aku na kakauolelo kalana i na painoa o ka poe koho baloka mamua ae o ka la koho baloka.
Aeia e ke senate ka vito a ke kiaaina maluna o na B. 65 ame 66.
La Hana 32
Hookahi bila hou i hookomoia ae i ke senate ma keia la.
B. S. 106 -- E hookaawale ana i ka huina o $836.74 no ka uku hou ana aku i ka Homestead Plantation Co., no na auhau i hookaaia no ka loaa makahiki i loaa ole nae ia hui. -- Shingle.
Holo ma ka heluhelu ekolu ana na B. S. 63, 72 ame 9 ama na B. H. 184, 185.
Holo ma ka heluhelu elua ana na B. H. 48, 122, 146, 147, 199 ame na B. S. 68, ame 64.
Ma ka hoike a ke komite o ka hoihoi ana ae i ke senate maluna o ka B.S. 70 i hookomoia ae ai e Lucas ua hoopaneeia ka hooholo ana a Aperila 9.
Moe ma ka papa ka B. S. 67 i hookomoia ae ai e Jarrett, ka bila e hoakaka ana no ka hookuhuia o kekahi mau papa lunanana a he poe oki lauoho a kahi umiumi wale no na hoa o ia mau papa.
La Hana 33.
Aole mau bila hou i hookomoia ae i ke senate ma jeia la.
Ma keia la i hoouna ia ae ai e ke Kiaaina Wallace R. Farringotn ka inoa o Mr. W. E. Givens, ke kumupoo o ke Kula o na keikikane o Kamehameha i nei manawa ma ke ano oia ke Kahukula Nui ma nei mua aku ma kahi o ke Kahuhula mua Vaughan McCaughey i pau kona manawa ma ka la 31 o Maraki i hala aku la, no ke apono ana aku o ke senate. Ma ka manawa i loaa ae ai i ke senate ka inoa o ke kanaka a ke kiaaina i makemake ai i kahukula nui ua noi koke ae ke Senatoa Rice o Kauai e noonoo ko ke ia. Noi o Jarrett e hoopanee ka noonoo a hooholo ana ma ka Poalua nei. Noi mai ke Senatoa Rice e hoopanee a Poakahi nei. Ma ke koho ana a na hoa ua holo ka Rice noi a haule ka Jarrett.
Na Senatoa Lucas he olelo hooholo e noi ana no ka hoopauia o Kenneth C. Bryan, ma ke ano he lunahoohana no ke kula a'o hana lima o na keiki, mamuli o kekahi kumu kupono ana i manao ai. Noi o Jarrett e noonoo koke ia ka olelo hooholo. Noi o Rice e waihoia aku ka olelo hooholo i ke komite hoonaauao o ke senate; ua ku-eia keia noi ana e Jarrett, eia nae, mahope iho ua huki hou o Jarrett i kana noi, a haawiia aku ka olelo hooholo i ke komite hoonaauao, i noho lunahoomalu ia e McInerny, a waiho ae i hoike ma ka Poakahi nei ma ke koho a 7--6. Hookahi hoa aole i koho mamuli o kona hookuuia ana e hoi aku i Maui oia o Goodness.
La Hana 35
Aohe mau bila hou i hookomoia ae i ke senate ma keia la.
Ma ka noho ana o ka aha senate ma keia la, i aponoia ai o Willard E. Givens, ke kumukula poo o ke kula o na keikikane o Kamehameha, i kahukula nui ma ke koho ana a 9--5, o keia ka mea i hoomaopopoia.
Ia mauawa like i aponoia ai ka Prof. John M. Young, kekahi o na kumukula o ke kula Nui o Hawaii i hoa no ka papa komisina hoonaauao o Oahu ma kahi o E. E. Carden i waiho mai.
O ka S. R. 16, o ia hoi ka olelo hooholo a Senatoa Lucas i hookomo ae ai e hoopii ana ia K. C. Bryan, ka lunahoohana nui @ na kula a'o hana lima no kona kupono ole e paa ia kulana, a e kauoha ana no kona hoopau koke ia mai ia kulana mai, ua moe ma ka papa mamuli o ka hoike a ke komite hoonaauao.
Holo ma ka heluhelu ekolu ana ka B. H. 203 me na hoololi liilii hanaia e ke senate maluna o ia bila, a hoounaia aku i ke kiaaina no kona apono ana mai.
Holo ma ka heluhelu elua ana ka B. S. 43 i hookomoia ae ai e Jarrett mahope o ka hoololiia ana e ke komite o na loaa ame na hoolilo.
Moe ma ka papa ka B. H. 176 e pili ana i na kaa otomobile i hookaawaleia na na luna aupuni wale no e hoohana aole ma kekahi ano e ae.
KUU POKII MRS. ELIZABETH ROBATH UA HALA I KE ALA MAU O NA MEA APAU
Iluna i ke ao,
Kuu home mau,
He malihini au,
Ma eia ao.
He waoakua nei,
He pilikia e;
Ka lani iluna ae,
Kuu home mau.
Mr. Lunahooponopono o ka Nupepa Kuokoa, aloha kaua a nui loa: ---E oluolu mai hoi oe ia'u, in a he rumi kaawale kekahi o kou moku, no'u hoi ia rumi, no kela mau hua e kau ae la maluna, nana hoi ia e uwila aku me ka mama loa ma no kihi eha o ko kaua aina aloha nei, i ike mai ai ko maua mau hoaloha, e noho mai la mai ka la pukaae ma Kumukahi, a hoea loa aku i ka mole o Lehua.
Ma ka Poaha, la 22 o Maraki, i hala aku la, ua oluolu i ke Akua ka Makua mana loa ka lawe ana aku i ka hanu ola mailoko aku o kuu pokii aloha Elizabeth Robath, a waiho iho la i ke kino puanuanu na'u ame ka ohna e kanikau aku ma keia aoao. Ua hanauia mai oia mai ko maua mau makua mai, Mr. Wahakoele (k) ame Mrs. Kalele (w) i ka mahina o Ianuari 14, 1881, ma ke kulanakauhale alii o Honolulu nei, kahi hoi a na malihini e makahehi nei i ka maikai, ua ike kaua ia mea me ka poina ole.
Nolaila ua piha iaia na makahiki he 42 me na mahina 2 ame na la keu 8, nolaila ua hoakaka o Ioba ma kana olelo penei: O ke kanaka i hanauia e ka wahine, ua hapa kona mau la, ua piha i ka popilikia. Puka mai no ia me he pua la, a ua okiia aku, a holo aku no ia me he aka la, aole ia e mau.
Nolaila, ke mahalo nui aku nei au i ka hui malama ola o na wahine o Kewalo, no ko oukou kokua ana mai ia'u, me ka ohana, i na mea e oluolu ai ke kino, ma na ano apau; na ke Akua e hoonui aku i ka oukou hui ma ko oukou lokomaikai la, o ia ko'u leo kalokalo imua on a, a pela no hoi me ke aupuni kalana, no kou haawi ana mai i na mea apau e pono ai ko'u pokii, o ia hoi ka pahu ame ka hoonalo ana aku iaia, a ke haawi nei au i kuu hoomaikai a nui loa i ke aupuni kalana, ma na mea apau, a pela no me na lala o ka hui malama ola o na wahine o Kewalo, ke noi aku nei au ia oukou e lawe aku oukou i keia mau hoomaikai a'u apau, na oukou a na ke Akua e hoopomaikai ia oukou a pela like no hoi ia kakou apau, o ia ka'u leo pule ma ka inoa o Iesu Kristo, Amene.
Owau iho no me ka ohana,
MRS. KAOLELO KANIHONUI.
Malaehala, Waialua, Oahu, Mar. 26, 1923.
KUU LEI ALOHA HE KEIKI UA HALA
WM. L. K. HODGE,
E Mr. Lunahooponopono, Aloha oe a nui: --E oluolu mai oe e hookipa iho ma kahi kaawale o kau ahailono ahonui, i ike mai ai na kini ohana, ua hoaloha hoi me na hoalauna o kuu lei Wm. Lonokaiolohia K. Hodge, e noho ana i ka la hiki ma Kumukahi a ka welona a ka la i Lehu.
Ua haalele mai kuu leialoha ia'u i ka la 30 o Ianuari, ma ko maua home aloha, ma Kaaluhee, Wainiha. Ua hanauia oia i ka la 17 o Aperila, 1906, ma Haena, Kauai; ua piha iaia na makahiki he 16 me 9 mahina me na la keu o kona hanu ana i na ea o keia ao inea, a hala aku la. Luuluu wale!
Ua hala mua no kona papa, Wm. Kamakaualani Hodge ma ke alahele ana i hele aku la, a ko@ au kona mama me kona pokii kaikuahine, e paiauma aku nona ma keia ao.
He keiki aloha makua oia, a ua lilo noau kona mama i mea nui iaia. Ua hoonaauaoia no oia ma ke kula olelo Beritania o Haena, a o ka hope ma Waioli, a na ka nawaliwali o kona kino i hoonoho iaia ma ka home.
He haumana oia no ke Kula Sabati o Waioli huiia, he lala pu no ke C. E. Kuwaena, pela me ka Y. M. C. A., ma ia mau hana maikai no oia i hana ai a hala aku la. Aloha no ke hoomanao ae i kana mau hana!
Luuluu Hanlei i ka ua nui
Kaumaha i ka noe o Alakai.
O ke alahele ana i hele aku la, e loaa aku ana no ia ia'u, aka, oia, aole e hoi hou mai ana, ua hala i ke ala hoi ole mai.
E ke kehau anu o Manoa, me ka huli wai ama'u o Limahuli, o ka lei a loua i pulama ai a nui aole iho nei oia. Aia paha me ka polu laua ʻ e o Makana i na wai o Kapalae me Kanaloa; ke i mai nei ka hanehane aole no ilaila, eia aku nei paha oe i ka hakalewa o Nualolo, i na pali o ahi o Kamaile me Aneki
He iki ka hana a ke aloha, hainaia no e ka waimaka hanini mawaho, e uwe no au ia oe e kuu lei, hele loa kuu hoapili o na wahi apau.
E ke onekani o Nohili me ka lei pahapaha o Polihale, aole oia e hui hou ana me olua.
E kauhale a Limaloa i ka wailiula o Mana, aole oia e hooipo hou ana me olua. E na niu o Kaunalewa me ka ohai o Papiohuli, ke huli nei au ia oe e kuu lei, aole iho nei oe, eia aku nei paha oe i Kikiaola, i ka auwai a ka Menehune, e inu ana i ka waiula me ka wai kea, na wai kaulana o Manokalani.
E ka laula o Kapaa i ka lele o Moikeha, o ka pua lei a olua i pulama aloha ai, aole iho nei oia, ua hoi no paha i ke onehanau, e hooipoi me na lehua o Luluupali, i ke kai aloha o Kaumaka, huna na maka o kuu lei ua hoi i ka home maha ma-o, i ko ai na mea i hoikeia e ka Baibala, he mahu ke ola o ke kanaka i pua ae a nalo aku. E hoomaikaiia ka inoa o Iehova!
Ke haawi aku nei au i ko'u hoomaikai palena ole i na ohana me na hoaloha, i hoaumoe pu me a'u oiai ke kino o kuu lei e kau ana, pela me na lei me na bo-ke pua i hoowehiwehi iho i kona home hope loa, ka poe na lakou i eli ka lua, pela pu i ka Makua Kahu D. K. Kaaeamoku, nana na leo pule i haawi iho no kona kino lepo, pela i na hoaloha Kepani, no oukou apau ka'u mau hoomaikai; me na limahana o ke Kuokoa ko'u hoomaikai hope.
Owau iho no kona mama iloko o ke kaumaha me ka luuluu.
MRS. MINNIE K. HODGE,
me ka Ohana.
Wainiha, Kauai, Feb. 20, 1923.
HOOHOLO E HOOLILO IA LAKOU I HOOKAHI
O Palani, Belegiuma âme Italia na
Aupuni i Hooholo
BRUSSELS, Mar. 30 -- Mahope iho o ka hoi ana mai o ke Kuhina o ko na Aina E Jasper mai Milana mai i keia la, ua hoolahaia ae he manao e hoakaka ana ua lokahi like na manao o na aupuni o Palani, Belegiuma ame Italia e hoolilo ia lakou i mau aupuni hui no ke ku-e ana aku ia Kelemania.
Kauohaia e Hoi Hou e Hana a i Ole e Kipakuia Ana
ESSEN, Mar. 30. ---Ua hoolahaia ae he kuahaua e ke Kenerala Degiuette o ka pualikoa Palani maloko o ka Apana o Ruhr e kauoha ana i na kanaka olohani o na kaaahi apau e hoi hou i ka hana a i ole e kipakuia aku ana. He hapa miliona kanaka i kaa malalo o keia kauoha.
E hoole Ana i ka Uku Ana i ka Auhau.
BERLIN, Mar. 30 ---E hoakaka ana ka nupepa Tageblatt no ka hooholo ana o na on a miliona maloko o ka apana o Ruhr aole e uku aku i na Palani ame na Belegians i ka auhau lanahu i kauia aku ai, a e hookaa ia ma ka la apopo. Ua kukala ae lakou no ko lakou makaukau e lawe i na hopena o ia hoole ana a lakou, pela ka oleloia.
LADANA, Mar. 31 --- He lono kelekalapa i ka Nupepa Reuter mai Berlin mai ke hoakaka ana ma ka huli pono ia ana aku he 11 mau Kelemania i make a he 35 i hoehaia ma ka hakaka i hooukaia mawaena o na kanaka hana o ka halehana pu Krupp ame na kia Palani ma Essen i keia la. Ma ka lono i hoikeia mai he elua mau koa Palani i make.
Hakaka na Koa Palani me na Kanaka Hana Kelemania
ESSEN, Mar. 31 --He 10 a i ole he 11 mau Kelemania i make a he 30 a oi aku mau kanaka hana Kelemania i hoehaia iloko o ka manawa o ke ala ana ae o ka hakaka mawaena o 2000 mau kanaka hana o ka halehana pu Krupp ame na koa Palani. He umi-kumamakahi mau koa Palani ame elua mau enekinia i eha.
Ma ka hoakaka a na Palani o na kanaka hana Kelemania ka i nou mua aku ia lakou i ka pohaku me ke ki ana mai i na pu panapana i na koa maluna ae o na poo o ke aluka kanka, a mahope ki mai la no ka pepehi ana a make. Ua kiia mai la na enekinia a eha laua. Ua hoopakeleia lakou mamuli o ke kiia ana aku o na pu mikini.
Ua kauohaia na koa Palani e kii a koi aku e haawila mai na kaa otomobile mai ka halehana pu Krupp mai, a o ke kumu hoi o ka ulu ana o ka haunaele. Ua lilo i na Palani keia la na lua maina i onaia e ke aupuni ma Emschelippe, a ua loaa aku ia lakou kekahi mau apanapana o ka makini eli lanahu ua laweia. Ua paa ka lunahoohana i ka hopuia. He mau kaukani o na limahana i haalele i ka halehana ma ka manawa i lilo mai ai ia wahi i na Palani.
Lehulehu na Kelemania i Make ma Essen
BERLIN, Mar 31. -- Ua hoakakaia maloko o kekahi lono kelekalapa mai Essen mai i keia la lehulehu wale o na kanaka hana Kelemani ma ka halehana pu Krupp i make a he lehulehu wale i hoehaia ma ka manawa o ka hakaka ana o lakou me na koa Kelemania i ka'i mai ai me ka hikiwawe loa no ka lawe ana i ka halehana. Ua haalele koke na kanaka hana i ka lakou mau wahi e hana ana, a hoakoakoa ae la mawaho no ke kupale ana i ka halehana.
Na kauoha koke ia mai na kanaka hana e na koa Palani e hookaawale a i ka manawa i hoole ai na kanaka hana i ke kauoha o ia ka manawa i ki mai ai na koa Palani i ka lakou mau pu mikini, a hoomaka aku la na Kelemania e hele kauliilii a hookaawale ia lakou iho mai kahi aku o ka poino.
Ku-e ka Aoao Kalaiaina Kuokou a@ na Limahana
LONDON, Apr 2. --Ma ka halawai kukakuka a ka aoao kalaiaina kuokoa o na limahana o ka noho ana maanei i keia la, ua aponoia he mau olelo hooholo e hoahewa ana i ke komoia ana o ka apana o Ruhr ma Kelemania e na Palani, a e kauoha ana e hookaawaleia mai na koa o na lahui e apau mailoko mai o Kelemania.
Lilo i na Koa Palani ka Halehana
DUSSELDORF, Apr 2. -- Ua lilo mai i na pualikoa Palani e noho ana maloko o ka apana o Mannheim ka hale kaaahi Neckar ame ka halehana kaa otomobile ma kekahi aoao aku o Mannheim.
O na Manao Hoohuoi ke Kumu Hiki Ole ke Hooponopono
NEW YORK, Apr 2. -- Ua olelo ae ka Haku Robert Cecil ma kona manawa e haiolelo ana maanei ma ka po nei mamua o ka Ahahui F. P. A., o na manao daimonio o ka maka'u ame ka hoohuoi o kekahi no kekahi e ku mai nei mawaena o Palani ame Kelemania na kumu ake'ake'a i ka hooponopono ana i ka ninau hookaa aie kaua.
Ua Ola Loa ke Kuhina Lenine
MOSCOW, Apr. 2. -- O ke kulana ola kino ma na ano apau o ke Kuhina Nui Nikolai Lenine o Rusia ua maikai loa, elike me ka hoike a kona mau kauka o ka hoike ana ae ma keia la.
Na Omoomo
Palaoa Emi
2 i ka 15c
Na Meaono
O NA ANO LIKE OLE
âme ke
Kope Ono
Grand Cafe
& Bakery
Alanui Moi me Maunakea
Kuahaua Koho
Baloka Wae Moho
no ke
Kalana o Maui,
TERITORE O HAWAII
I kulike ai me ke kanawai, Owau o Wallace R. Farrington, Kiaaina o ke Teritore o Hawaii, ma keia ke kukala aku nei, e malamaia he koho baloka wae moho maloko o ke Kalana o Maui, no ka wae ana i na moho no na kulana oihana o ke Kalana o Maui, Teritore o Hawaii, elike me ia i hoakakaia maloko nei, ma ka Poaono, ka la 19 o Mei, A. D. 1923, mawaena o na hora ewalu a. m., ame elima p.m.
O na luna oihana kalana maloko o ke Kalana o Maui, no lakou na moho e waeia aku ana ma ua koho baloka wae moho la, o ia keia malalo iho nei:
LUNAHOOMALU A LUNA HOOKO O KA PAPA O NA LUNAKIAI. NA LALA O KA PAPA O NA LUNAKIAI. MAKAI NUI.
KAKAUOLELO KALANA.
LUNAHOOIA.
LOIO KALANA.
PUUKU.
O na mahele âme na wahi koho o ia keia malalo iho nei:
MAHELE ELUA-- O ka hapa o ka Apana o Lahaina ma ka Mokupuni o Maui, ma ka hikina akau o ka palena akau o Honokawai. Wahi koho, ma ka Halekuai o Honolua Ranch, Honokohua.
MAHELE EKOLU-- O ka hapa o ka Apana o Lahaina ma ka Mokupuni o Maui, mawaena o ka Mahele Elua ame ka palena akau o Olowalu. Wahi koho, ma ka Hale Hookolokolo o Lahaina.
MAHELE EHA -- O ke koena aku o ka Apana o Lahaina. Wahi koho, ma ka Halekula o Olowalu.
MAHELE ELIMA -- O ka hapa o ka Apana o Wailuku ma ka hema o Waiehu, a ma ke komohana o ka laina mai ka nuku mai o ke kahawai o Wailuku, ma na puuone ahiki i ke kai ma Maalaea Bay. Wahi koho, ma ka Hale Hookolokolo o Wailuku.
MAHELE EONO-- O ka hapa o ka Apana o Wailuku ma ka akau o ka palena hema Wailuku ma ka akau o ka palena hema Waiehu. Wahi koho, ma ka Halekula o Waihee.
MAHELE EHIKU--O ka hapa o ka Apana o Wailuku mawaena o ka Mahele Elima ame ka Apana o Makawao. Wahi koho, ma ka Halekula o Puunene.
MAHELE EWALU-- Ka hapa o ka Apana o Makawao e apoia ana ma ke komohana e ke ka'e hikina o ke awawa o Maliko; ma ka akau e ke kai; ma ka hikina e ke ka'e komohana o ke awawa o Halehaku, a ma ka hema e ka laina ma ke Alanui Makawao-Huelo, ahiki i kona hui ana me ka auwai hou o Hamakua, ma ke kumu o ke Awawa Huluhulunui, a i ole, o Kaupakalua, alaila ma ka auwai hou o Hamakua ahiki i ke ka'e hikina o ke awawa o Maliko. Wahi koho, Halekula o Haiku.
MAHELE EIWA -- Honuaula, ame ka Mokupuni o Kahoolawe. Wahi koho, ma ka Hale Hookolokolo o Honuaula.
MAHELE UMI-- O ka hapa o ka Apana o Makawao mawaena o ka Mahele Eiwa ame ke kumu o ke awawa o Waieli. Wahi koho, ma ka Halekuai o Keokea.
MAHELE UMI-KUMAMAKAHI-- O ka hapa o ka Apana o Makawao e apoia ana ma ke komohana ame ka akau, e ka Apana o Wailuku ame ka auwai hou o Hamakua a hoea i kona hui ana me ke alanui Makawao-Huelo, ma ke kumu o ke awawa o Huluhulunui, a i ole o Kaupakalua, alaila ma ke alanui i oleloia ahiki i ke Awawa Halehaku; ma ka hikina, e ke ka'e komohana o ke Awawa Halehaku, a ma ka hema e ka Mahele Umi. Wahi koho, ma ka Hale Hookolokolo o Makawao.
MAHELE UMI-KUMAMALUA-- O ka hapa o ka Apana o Makawao ma ka akau o ka Apana o Makawao ma ka akau o ka Mahele Umi-kumamakahi ma ka hema o ke kai, a mawaena o ke ka'e hikina o ke Awawa o Maliko ame ka palena o ka Apana o Wailuku. Wahi koho, ma ka Halepuhiohe o Paia.
MAHELE UMI-KUMAMAKOLU-- Ka hapa o ka Apana o Makwao ma ka hikina o ke kumu o ke Awawa o Halehaku. Wahi koho, ma ka Halekula o Huelo.
MAHELE UMI-KUMAMAHA-- O ka hapa o ka Apana o Hana ma ke komohana akau o ke Kahawai o Kapaula. Wahi koho, ma ka Halekula o Keanae.
MAHELE UMI-KUMAMALIMA-- O ka hapa o ka Apana o Hana mawaena o ka Mahele Umi-kumamaha ame ka palena o Hana Koolau. Wahi koho, ma ka Halekula o Nahiku.
MAHELE UMI-KUMAMAONO-- O ka hapa o ka Apana o Hana mawaena o ka Mahele Umi-kumamalima ame Kipahulu. Wahi koho, ma ka Hale Hookolokolo o Hana.
MAHELE UMI-KUMAMAHIKU-- O ka Apana o Kiahulu, Wahi koho, ma ka Holo o ka Mahiko o Kipahulu.
MAHELE UMI-KUMAMAWALU-- O ke koena aku o ka Apana o Hana, e komo pu ana o Kaupo ame Kahikinui. Wahi koho, ma ka Halekula o Kaupo.
MAHELE UNI-KUMAMAIWA-- O ka hapa o ka Mokupuni o Molokai ma ka akau o ka lainu e holo ana ma ke kumu o ke Awawa o Honouliwai, ka palena hema o Halawa ame ka piko o ke kualapa mawaena o Wailau ame Halawa. Wahi koho, ma ka Hale Hookolokolo o Pukoo.
MAHELE IWAKALUA-KUMAMAKAHI-- O ke koena aku o ka Mokupuni o Molokai e hookoe ana i ka Apana o Kalawao. Wahi koho, ma ka Halekula o Kaunakakai.
I HOIKE NO KA OIAIA O KEIA, ke kau nei au i ko'u lima me ka hoopili pu ia o ke Sila Nui o ke Teritori o Hawaii.
HANAIA ma ke Kapitala, maloko o Honolulu, i keia la 3 o Aperila, A. D. 1923.
(Sila)
WALLACW R. FARRINGTON
Kiaaina o Hawaii.
Na ke Kiaaina:
RAYMOND C. BROWN,
Kakauolelo o Hawaii.
6550--Apr. 5.
Kuahaua Koho
Baloka Wae Moho
NO KE
Kalana o Kauai,
TERITORE O HAWAII
I kulike ai me ke kanawai, Owau o Wallace R. Farrington, Kiaaina o ke Teritore o Hawaoo, ma keia ke kukala aku nei, e malamaaia ana he koho baloka wae moho maloko o ke Kalana o Kauai, Teritore o Hawaii, elike me ia i hoakakaia maloko nei, ma ka Poaono, ka la 19 o Mei, A. D. 1923, mawaena o na bora ewalu a.m., ame elima p.m.
O na luna i=oihana maloko o ke Kalana o Kauai, no lakou na mobo e waeia aku a a ma ua koho baloka wae moho la, o ia keia penei:
NA LALA O KA PAPA LUNAKIAI.
MAKAI NUI.
KAKAUOLELO KALANA.
LUNAHOOIA.
LOIO KALANA.
PUUKU.
O na apana lehulehu ame ka heluna o na moho no ka Lunakini e waeia e ka aoao kalaiaina pakahi o is iho keia malalo nei:
APANA O WAIMEA--HOOKAHI.
APANA O KOLOA--HOOKAHI.
APANA O LIHUE--HOOKAHI.
APANA O KAWAIHAU--HOOKAHI.
APANA O HANALEI--HOOKAHI.
O na mahele âme na wahi koho o ia keia malalo iho nei:
MAHELE EKAHI -- Ka Mokupuni o Niihau. Wahi koho, ma ka Halekula o Niihau.
MAHELE ELUA -- O ka hapa o ka Apana o Waimea, ma ka Mokupuni o Kauai, ma ke komohana o ka palena mawaena o Kekaha ame na mahiko o Waimea ame ka laina i hooloihiia e holo ana ma ke ka'e komohana o ke Awawa o Waimea, ahiki i ka palena hema o Na Pali. Wahi koho, ma ka Halekula o Kekaha.
MAHELE EKOLU -- O ka hapa o ka APana o Waimea, ma ka Mokupuni o Kauai, mawaena o ka Mahele Elua ame ke kumu o ke Awawa o Mahinauli. Wahi koho, ma ka Hale Hookolokolo o Waimea.
MAHELE EHA--O ke koena aku o ka Apana o Waimea. Wahi koho, ma ka Halekula o Makaweli.
MAHELE ELIMA--O ka hapa o ka Apana o Koloa ma ke komohana o ka palena komohana o ka aina i Koloa. Wahi koho, ma ka Holo o Eleele, ma Eleele.
MAHELE EONO--O ke koena aku o ka Apana o Koloa. Wahi koho, ma ka Hale Hookolkolo o Koloa.
MAHELE EHIKU--Ka Apana o Lihue. Wahi koho, ma ke keena o ka Aha Hookolokolo o Lihue.
MAHELE EWALU--O ka hapa o ka Apana o Kawaihau e komo ana mawaena o ka lihi akau o ke Kahawai Wailaua ame kona nuku akau, ame ka laina i hoolohiia no ka mea hope a hoea i ka palena o Kawaihau-Hanalei, alaila ma a palena i oleloia, a hoea i kona hui ana me ka palena akau o Kamaiomaloo, alaila ma ia palena akau i oleloia o Kamalemaloo a hoea i Lae Lipoa. Wahi koho, ma ka Hale Hookolokolo o Kapaa.
MAHELE EIWA--Oke koena o ka Apana o Kawaihau. Wai koho, ma ka Halekula o Anahola.
MAHELE UMI--Oka hapa o ka Apana o Hanalei ma ka hikina o ke kahawai o Kalihiwai. Wahi koho, ma ka halekula o Kilauea.
MAHELE UMI-KUMAMAKAHI--Oke koena aku o ka Apana o Hanalei. Wahi koho, ma ka Hale Hookolokolo o Waioli.
I HOIKE NO KEIA, ke kau nei au i ko'u lima me ka hoopili pu ia o ke Sila Nui o ke Teritore o Hawaii.
HANAIA i keia la 4 o Aperila, 1923
(Sila)
WALLACE R. FARRINGTON
Kiaaina o Hawaii.
Na ke Kiaaina:
RAYMOND C. BROWN
Kakauolelo o Hawaii.
6550--Apr. 5.
INA ELIMA AU MAU DALA,
HOOKAAWALE I HOOKAHI
******
Ma ka hookaawale ana i hookahi mailoko
ae o kela me keia elima dala o kou hoo-
maka ana ia ma ke alahele o ka holomua.
Ma ka hoomau ana aku ia mea me ke aka-
hele loa, ua maopopo loa kou holomua.
******
INA AOLE AU MOOHELO HOAHU
I KEIA WA--EHOOMAKA KOKE
******
The Bank of Bishop & Co., Ltd.
Ka Banako Kahiko Loa ma Hawaii nei.
Kukuluia i ka 1858.
HUINA WAIWAIPAA HE $16,000,000.00 A OI.
KE NOONOO KE KANAKA
i na meahana e manao ana oia i mea maikai.
NA MEAHANA STANLEY
ka maikai loa e kuai ai, nolaila o na meahana ia ana i makemake ai.
Koikahi, Na Umii, Na Mea Ana,
Na Hao Umii, Mikini Umii,
Wili Lima, Wili Umauma,
Iliwai Aluminum me Hao
Na Hamare me Pahiolo,
Na Pahu Meahana.
Aole lua elike me na meahana o keia ano. He helu kiekie loa lakou. Ua loaa lakou apau ke kuaiia ma kahi o
LEWERS & COOKE, LTD.
169-177 Alanui Moi Hema. Pahu Leka 2930, Honolulu.
Papa ame Lako Kukulu Hale