Ka Nupepa Kuokoa, Volume LXII, Number 14, 5 April 1923 — KA HOOPA'I o STANLEY C. KENNEDY. [ARTICLE]

KA HOOPA'I o STANLEY C. KENNEDY.

He hookahi makahiki ka haahaa, a he elima makahiki ke kiekie, e noho ai maloko o ka halepaahao, o ka hoopa'i ia i kauia mai maluna o Stanley C. Kennedy, no ka hewa laweola :na ke degere ekolu. Aia he like ole nui, mawaena o ka hihia o Mr. Kennedv, ame ka hihia o na kanaka opio eiwa o Kakaako. Ua make maoli ka wahine kumukula o ka hooku'iia ana aku e ke kaa otomobile o Mr. Kennedy, ua hoohaumia wale ia aku no ke kino o ke kaikamahine opio, e na kanaka eiwa, ma ka hoopa'i nae, he keu aku ka ikaika aine ke ko'iko'i o ka hoopa'i o na kanaka opio o Kakaako, a mama hoi ka hoopa'i o Mr. Kennedy. Aole nae no ka aha ka pilikia, i like ole ai ke kauia ana mai o ka hoopa'i, elike me ke ko'iko'i o ke karaima i hanaia, aka mamuli no ia o ke kanawai i hanaia no kela mau hihia. Imua o na kanaka eiwa o Kakaako, he mea liilii wale no kela hoopa'i i kauia aku maluna o lakou, aka imua o Mr. Ken-

nedv, ua oi aku ke ko'iko'i ame ka ikaika o ka hoopa'i i kauia aku maluna ona, me kela haahaa 110 o kona mau makahiki e noho ai maloko o ka halepaahao; elike me ka like ole o ko lakou kulana o ke ola ana; nolaila i ke kauia ana mai o ka hoopa'i hoopaahao, maluna o kekahi o na kanaka anō nui iwaena o ka pohai o ka poe hanohano a waiwai, aole ia he mea uuku. aka ua oi aku kona ko'iko'i, mamua o ka hoopa'i o ka poe o ke kulana haahaa. Ua loaa kekahi haawina a'o ikaika loa ia Mr. Kennedv mai kela hoopa'i mai, mamuli o kona hoomaopopo ana, he hana hookomo aku iaia iloko o ka pilikia, ka holonui i ke kaa otomohile; a keia pepa e manaoio nei, ina no ka hookuuia mai o Mr. Kennedy, mahope iho o ka pau ana o kona manawa hoopa'i, e akahele loa ana oia i ka hooholo ana i kona kaa otomobile. He nui a lehulehu wale na kiakaa e hookele ana i ko lakou mau kaa,,i manao he hana liilii loa ka hoao ana e holonui, me ke ake ana e oi aku mamua o na kaa uwila, a mau kaa oto-* mohile paha, e holo ana nia ke alanui hookahi, e lilo nae ka hihia o Mr. Mr. Kennedy i mea a'o aku ia lakou, o ke alahele wale no o ka palekana. mai na ulia mai, a mai na hoopii kanawai mai paha, o ia no ka holo ana mc ke akahele, me ka nana aku i ka pono o ha'i.