Ka Nupepa Kuokoa, Volume LXII, Number 14, 5 April 1923 — MOE MA KE PAKAUKAU KA BILA HAAWI AINA. [ARTICLE]

MOE MA KE PAKAUKAU KA BILA HAAWI AINA.

Ma ka noho ana o ka aha senate ma ka Poaono aku la i hala ua lokahi ole na hoa o ia hale me na hoa o ka hale o na lunamakaainana maluna o ka bila e noi ana i ke kiaaina e hookaawale i kekahi mau aina aupuni i wahi o noho ai na kanaka i loaa i ka ma'i hookaawale, a i ola hoi mamuli o ka lapaauia ana me ka aila chaulmoogra, a aponoia ka hoike a ke komite hookolokolo a ke senate e waihoia ma ka papa ka H. C. R. 4, ka olelo hooholo nana i hookumu mai ia manao i kinohi. Wahi a ke komite maloko o kana hoike, aole i nele ka Mana Hooko i ka manao aloha p hoopalaleha wale i kana mau hana no ka pono 0 keia mau makaainana, a me ko kanalua ole e hana mai ana no ia 1 na mea apau maloko o kona mana no ka hoonui ana aku i na pomaikai no kela ame keia mea pakahi i loohia i ka ma'i. E haawi aku kakou iloko o kona lima i ka mana e hana aku ai i keia hana. Aohe mea e loaa mai ana ma o ka hokai hou ana aku me na noi a mau a'o paha. Ma ka 1 a 19 o ka maliina ae nai o Mei, e malama ae ana na Kalana o Kauai ame Maui, i ke koho baloka wae moho no na luna oihana o kela mau kalana pakahi, elike me ke kuahaua koho haloka wae moho a ke Kiaaina, e puka aku nei ma keia helu o ke Kuokoa. '