Ka Nupepa Kuokoa, Volume LXII, Number 14, 5 April 1923 — KUU LEI POINA OLE ANTONE GRACE, JR., UA HALA [ARTICLE]

KUU LEI POINA OLE ANTONE GRACE, JR., UA HALA

Mr. Lunahooponopono, Aloha oc: —E oluolu oe no'u kekahi wahi kaawale o ka kaua hiwahiwa, no ka'u puolo waimaka e kau ao la maluna, i ike mai ai na ohana, ame na hoaloha i kuu keiki Antone Grace, Jr., ua hala. Uoko o Feberuari, la 25, i hoomaka mai ai ka ma'i maluna o kuu leialoha, a hala wale aku la oia ma kela aoao o ka muliwai eleele o ka make. Mahope o ke kaa ma'i ana no na mahina elua, a ma ke ahiahi o ka Poaono, hora 7, ka la 17 o Maraki i pauaho mai ai oia i keia ola ana a hoi aku la ka uhane me ka Mea Nana i hana mai, a o ke kino hoi na maua ame ka ohana, na makua kane e paiauma aku iloko o ka luu luu ame ke kaumaha. Ua hoaoia ma na ano apau nJ ike lapnau o keia au naauao no k{ hoopakele ana mai i ke ola, aka u? oi aku ka ikaika o ka ma'i mamui o ka mea e hiki ai ke hana aku. Ua kaaheleia e a'u me kuu keik mai Opihali a Napoopoo, a ua haa lele mai oia i kona hoapili he papa Auwe, luuluu wale! Ua hanauia kuu Antone Grace Jr., i ka la 13 o lanuari, 1920, ms Kaohe, S. Kona, Hawaii, a ua pihs iaia na makahiki he 3 ame 2 mahi na me 4 la o ka hanu ana i na ea hu'ihu'i o keia ola ana. Ua haa lele mai oia ia maua na makua, na kaikuaana, kaikana, na unele ame na auntie lehulehu mahope nei. Auwe kuu minamina e! E Kauhiwai e, kahi a kuu lei i hanau ai, ua pau kou hoopulu ana i ka helehelena o kuu lei. E Kaohe e, kahi a kuu lei e hele ai, ua pau kou ike ana ia Antone Grace, Jr., e hele ana ma kou alanui. E Kukuiopae e, kahi r\ kuu lei e holoholo ai, ua pau kou ike ana i kuu lei heleloa. E Olelomoana e, kahi a kuu lei e noho ai, ua pau kou ike ana iaia. E Opihali e, ua pau kou ike hou ana ia Antone Grace, Jr., e holoholo ana ma kou mau ipuka hale. Ke haawi aku nei maua i na hoomaikai ana he nui i ka ohana apau i akoakoa mai i ko maua hora o ke kaumaha. ~ Ke haawi pu aku nei maua i na hoomaikai ana i ke kahunapule Katolika ame ka poe i ukali pu mai me maua i kona wahi i hoomoeia ai. Nolaila e hoomaikaia ke Akua ma na lani kiekie loa, he malu ma ka honua nei, he aloka i na kanaka apau. Amene. E oluolu e lawe aku i keia mau hoomaikai, e ka Haku e hoomaikai mai ia makou apau. Ke haawi aku nei maua i na hoomaikai ana i na keiki onihua kepau o kou papapa'i. O maua iho no me ka luuluu, ANTONE L. GRACE, ' MIS. LUCY L. GRACE, ame ka Ohana.