Ka Nupepa Kuokoa, Volume LXII, Number 14, 5 April 1923 — Holo Mahuka Kekahi Haole Mailoko Aku o ke Halepupule Manaoia no Kona Maka'u no Kona Hookolokoloia Aku no ka Aihue ke Kumu o Kela Holo Mahuka Ana i Palekana [ARTICLE]

Holo Mahuka Kekahi Haole Mailoko Aku o ke Halepupule

Manaoia no Kona Maka'u no Kona Hookolokoloia Aku no ka Aihue ke Kumu o Kela Holo Mahuka Ana i Palekana

Mawaena o ka hora ehiku o ke ahiahi Poaono aku la i hala ame ka hora elima o ke kakahiaka nui Sabati ae, i holo mahuka aku ai o Thomas Farish_, ka mea uku dala niua o ka hui Hawaiian Fertilizer, a i hoopaaia ai maloko o ka halepupule, no ke o kona noonoo, mailoko aku o kona rumi, me ka lilo o kona mahaka ana i mea hoopioloke i ka noonoo o na luna oihana o ka halepupule ame ka oihr.na makai. Ma ka hoakaka # a Kauka Schwallie, ka lunanui o ka haiepupuie, ua uhaki maoli ia ka laka o ka rumi, i hoopaaia ai kela haole, pela oia i hemo ai mailoko aku o ka halepupule, a oiai he haahaa ka pa e hoopuni ana i ke kahua o ka halepupule, he hana maalahi nona ka holo mahuka ana, me ka ike ole ia. Ma ke ao ana ae i ke Sabati nei, ua hoounaia na makaikiu, no ka huli ana i kela haole mahuka, eia nae a hoea wale mai i ka po ana ma kela la, a pela no ma ka Poal kahi ae, aole he mau hoailona no ' koaa paa i ka hopuiaUa ninauia aku ka wahine a kela j haole mawaho nei, ina paha ua ike oia i kana kane, ua hoole loa mai oia, me kona kahaha pu, no ka hoio mahuka ana o kana kane mailoko aku o ka halepupule. I Loaa he Mau Leka Me he mea la ,:.ole e kala i hooj lala ai kela haole no kona holo mahuka ana mailoko aku o ka halepupule, no ka mea ua loaa aku he ekolu mau leka maloko o kona rumi, i kakauia eia, he hookahi leka | na Kauka Schwallie, he hookahi na Mra. Farish, & he hookahi na Norman Watkins, lea lunanui o ka hui ( Hawaiian Fertilizer. | o kana leka i kakau ai na atkins, e ae okoa mai ana oia no kona kaumaha loa, mamuli o ka pau ana o na dala o ka hui iaia, I a ua lilo kana hana i mea hookaumaha aku i kona noonoo, a o ke alahele wale no e hoopauia ae ai kela pilikia i loaa iaia, o ia no kona lawe okoa ana ae i kona ola iho, ma kekahi wahi e hiki ole ai e loaa kona kino. Ma ka manao nae o na kanaka o ka oihana makai, he leka kela i kakauia ma ke ano pulapu, aole no ka manao maoli o Farish e lawe ae i kona ola, a ma ko lakou manaoio, aia no kela haole ma kekalii wahi kahi i pee ai, a iloko o kekahi manawa kupono ana e ike ai, o kona wa ia e kau aku ai maluna o kekahi o moku a holo aku no na aina mamao.

Ka Hoopaaia Ana ma ka Halepupule Iloko o ka mahina o Aperila o ka makahiki aku nei i hala, i hopuia ai kela haole, no ka lawe aihue i ka waiwai i haawiia aku nana e malama, o ia kona lawe ana i na dala o ka hui Hawiian Fertilizer, ka hui i noho hana aku ai oia ma ke ano he mea uku dala. Oiai nae e kakaliia ana o ka hoea mai i ka wa e hookolokoloia ai o kona hihia, ua hooikaika ka loio o Farish e hookuuia mai kona haku nō ke kumu he mea oia i uluahewa ka noonoo, mamu)i o ka inu loa i ka waiona, mamua aku o kona lawelawe ana i ke karaima aihue. Ua nanaia kela haole e Kauka R. G. Ayer, o ke kalana, a mamuli o kana mau hoakaka, i hoihoiia aku ai ka mea i hoopiiia, maloko o ka halepupule no ka lapaauia mai, no kela opulepule o kona noonoo. Mai kela manawa mai i hoopaaia aku ai oia maloko o ka halepupule i hoomakaia ai ka lapaau ana iaia, a wahi a ka lunanui o kela hale, i hoakaka ae ai, ua maikai maoli ke kulana o Farish, a e hoea mau aku ana no ka wahine, no ka ike ana iaia i kela ame keia la, me ka lawe ana aku i kekahi mau meaai nana. O ke kumu o ke koho ana o kela haole, o ka po o ka Poaono aku la kona manawa e holo mahuka ai; o kekahi ia o na ninau pohihihi loa i na luna oihana o ka halepupule, a ua hoopohihihi pu ia aku no hoi ko lakou noonoo, ina paha he mau kokua kekahi maiwaho aku nei, i ho-. lopono loa ai kela holo mahuka ana 0 ka paahao. He Moolelo Karaima Loihi Mamua o ka hoea ana mai o keia haole no Honolulu nei, i kulike ai me na hoike i loaa mai, a e paaia nei e ka oihana o Farrish i noho mua ilo«o 'o ka halepaahao ma British Columbia ame ka mokuaina o AVakinekona, no ka hewa apuka me ka lawe i na waiwai 1 haawiia aku nana e malama. Iloko o ka mahina o Augate, 1917, ua kipakuia oia mai ka mokuaina mai o Wakinekona, mahope iho o ka nolio hana ana i kona hoopa'i maloko o ka halepaahao no ka hewa apuka. Ua kau oia maluna o kekahi moku no Auseturia, a i ka hoea ana mai o ka moku ana e noho hana ana no Honolulu nei, ua noho oia maanei, a oiai he mea makaukau loa oia i ka malama buke, ua loaa koke no kana hana me ka hui Hawaiian Fertilizer, me kona mare ana i ka wahine, a kukulu hoi i kekahi home nani nona ma Honolulu nei.