Ka Nupepa Kuokoa, Volume LXII, Number 14, 5 April 1923 — E HOOKOHUIA ANA I KOKUA LOIO KUHINA ELUA. [ARTICLE]

E HOOKOHUIA ANA I KOKUA LOIO KUHINA ELUA.

I kulike me na lonolono i hoo-pu-aia ae ma ka Poalima o ka pule aku la i hala o Charles B. Dwight i nolio kakauolelo ai na ka Elele Kalanianaole iloko o ke kau hope o kona nolio ana ma ke ano lie elele mai Hawaii aku nei i ka ahaolelo ma Wakinekona, a i noho kakauolelo ai hoi na ka Elele Baldwin e hookohuia ae ana oia i kokua loio kuhina elua, nona ka ukuhana o $300 o ka mahina. He itamu e hoakaka ana no kona ukuhana ka i hookomoia maloko o ka bila haawina o kela ame keia hoolilo a hoounaia aku e ka hale o na iunamakaainana i ke senate no ka apono ana mai a ia hale. No ka hokohu koke ana aku iaia ma ia kulana ua hookomoia he itamu e ka hale o na lunamakaainana iloko o ka bila haawina no kona ukuhana. Ua aponoia e ke senate ka hoololi ma ka Poaha 0 ka pule aku la i hala, a aia ia bila maluna o ke pakaukau o ke kiaaina e kali ana no ke apono a kakauinoa ana iho a ke kiaaina. O ka bila nele o ke dalg. ma ka waihona e lilo koke ana ia i kanawai mana koke i ka manawa e kakauinoa ai ke kiaaina, a e lawa ana na dala maloko o ia oihana no ka hookele ana i kana mau hana ahiki 1 ka manawa e loaa ai ka liaawina dala iloko o lulai.