Ka Nupepa Kuokoa, Volume LXII, Number 15, 12 April 1923 — HE HOALOHALOHA NO KA MAUA LEIALOHA LELELOA JOSEPH ENOKA ENOS. [ARTICLE]

HE HOALOHALOHA NO KA MAUA LEIALOHA LELELOA JOSEPH ENOKA ENOS.

Mr. Solomou Hanohano, Lun»hooponopouo o ka Nupepa Kuokoa, Aloha oo a oluolu mai oe no maua kekahi wahi kaawale o ka hiwahiwa a ka lahui, no ka maua puolo waimaka a luuluu no ka oiaua lei heleloa, Joseph E. Enos, i ike mai ai kona nui ohana e noho īnai la mai Hawaii nui moku o Keawe, a hoea loa aku i ka welona a ka la i Lehua, ua hele hookahi aku la oia i ke ala hoi ole mai. Me he uwila la ka anapu ana ae, a nalo aku ma lee kakahiaka Poaono. la 24 o Maraki, pela iho la ka ma'i huki i loaa i ka keiki, a pau ka ike, pau ka lohe a pau pu no hoi me kona leo. Pela iho la kona kulana ahiki wale i ke kii ana mai o ka Haku īesu Kristo, a kaili aku i ka hanu ola mai ka maua lei, pia ka wanaao o ka Lapule, la 25 o Maraki. Walohia waie! Ua kaheaia o Kauka Goodhue, a ua hiki mai no oia i ke kakahiaka Poaono. l?a hoaoia no ma na auo apau, aka ua ikaika loa ka ma'i i loaa iaia, a ua hiki ole i ka laau a ke kauka ke lapaau, me ka poho j wale o na manaolana. Minamina | wale! !

Ua hanauia ka maua leialoha, Joscph Enoka Enos, i ka la 1 o Sepatemaba, 1921, ma Halawa, Molo- | leai nei, mai ko maua mau puhaka ' aku, a ua piha iaia he 1 makahiki, 6 mahina ame na la keu he 24 0 ka hanu ana i na ea huihui o keia ola ana. Ua haalele iho oia mahope nei i kona wahi kaikuahine, ia maua na makua, na kupuna, na auntie na Uuele ame ka nui lehulehu e paiauma aku nona. He keiki kupanaha no keia o kona hanauia ana mai, oiai he ulaula kekahi hapa o kona helohelena. Nolaila pauole ko makou hoomanao iaia, a nona hoi ke aloha pauole e hoona ae nei, pehea la ia e mao ai. E ka luhi haalele wale o kuu kupunawahine e, hiki mai ko aloha, e uwo no makou! Ua huli hele aku nei paha oe i ko maua kupuna e noho i»ai la i ka makani apaapa o Kohala; eia ae nei paha oe i Waikiki, i kahi o ia mau makua aloha ou? Aloha wale, o Kapiolani Paka; ia walii a ka maua lei e hoonanea ai, o ka la me kona unele Mr. John Uahinui. He mea nui iaia ka maua lei haalele wale! Aloha na ale hanupanupa o Kaiwi ame Pailolo, ia mau ale a'u i aloalo ai me kuu mau leialoha; aole olua e ike hou ana ia Joseph E. Enos. Aloha na Honouli e waiho kahela mai nei; ka uka iu hoi o Mohoa; ia home aloha a kuu keiki e nanea ai me ia poe kupuna ona. Lihaliha wale! E ka wailele opu o Moaula, aole e hoopulu hou kou īnau hunawai i ka ili o ka maua lei hele loa. Aloha ino! Oiai ua pauaho mai oia i kona mau la bebe walo no pela iho la 1 hokoia ai ka mea a ka Haku i olelo mai ai: "0 ka poe elike me lakou nei no lakou ke aupuni o ka lani." E hoomaikaiia Oia, oiai Nana no i haawi mai, a Nana no i lawe aku Ja. Kekahi mea poina ole a makou ke noonoo ae, ua pau leona hea hou ana mai e ai, a i ole, e bye-bye ana i na mea apau. Ke pahola aku nei maua i ka maua hoomaikai palena ole, i na lima kokua o ka ohana ame ka lehulehu ame ka poe apau i haawi makana mai i na bo-ke pua no ka hoohiwahiwa ana i ke kino wailua 0 ka maua lei poina ole; no lakou na inoa -malalo iho nei: Mr. James N. Kamanao, Mr. Paahao Nahoopii, Mr. William Paahao, Mr. ame Mrs. James N. Kaopuiki, Mr. C. Yee Shan, Mr. ame Mrs. IL. K. Kaalouahi, Mts. Jennie M. Ka makahi, Mrs. John N. Akina ame Miua Sophie P. Kanakaole. Ke hoomaikai hou aku nei no hoi 1 ka poe apau i komo pu mai e kumakena, no ka makou luhi i haalele wals, ahiki i kona laweia ana aku no kona home kaupoku ole me ka luuluu. Mahope o ka malamaia ana he anaina haipule nona, maloko o ka luakini, ua laweia aku oia ma ke kae o kona lua, a malaila na hoomaikai hop? loa i haawiia ae ai e Mr. Solomon K. Kaalihikaua, a uhi iho la ka lepo no ka wa mau j loa. Hoomaikaiia ke Akua ma na lani kiekie loa, he malu ma ka honua, he aloha ia kak»u. E oluolu e lawe aku i keia mau hoomaikai apau. Ke hooki nei maua me ke aloha nui i na keiki hoonohohua kepau, ame ka Lunahooponopono. O maua iho no me ke kaumaha, BAMUEL K. ENOS, MRS. LOUIBE L. ENOS, me ka Oh^na.