Ka Nupepa Kuokoa, Volume LXII, Number 16, 19 April 1923 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

EHA NUPEPA KUOKOA HONOLULU T. H. POAHA APERILA 19, 1923

 

MA KE KAUOHA

 

Na Kanawai Kau o 1923

 

Kanawai 17.

 

B.S. Helu 7

 

HE KANAWAI

 

E HOOMANA ANA I KE KOHO ANA I KEKAHI KOMISINA NO KA HONOLULU ANA I NA KANAWAI I HANAIA O KE TERITORE O HAWAII.

 

E Hooholoia e ka Ahaolelo o ke Teritore o Hawaii:

 

PAUKU 1. I komisina o ekolu poe, e ikeia o ke Komisina Houluulu, ma keia ke hooaopopoia nei a ke hoomanaia aku nei e houluulu i na kanawai apau i hanaia o ke Teritore o Hawaii elike me ia e ku ana mahope o ka hookuuia ana o keia kau o ka Ahaolelo.

 

PAUKU 2. I ka hana ana i keia houluulu ana, o na kanawai e ikeia ana ua ku-e me ke Kumukanawai o Amerika Huipuia a i ole i ke Kanawai e hoomaopopo ana o ke Teritore o Hawaii kekahi e huipuia, a ina he elua a i ole oi aku paha na kanawai e ku-e loa ana kekahi i kekahi, o ke kanawai hope wale no ke huiia mai.

 

PAUKU 3. Ma kahi o elua a i ole a oi aku paha na kanawai a i ole hapa kanawai paha e ae aku ana maluna o kekahi a i ole @like ana ko laua ano apau, o ke kanawai hope wale no ke huiia mai.

 

PAUKU 4. Ma kahi o kekahi kanawai e ku-e ana i ke Kumukahawai o Amerika Huipuia a i ole o ke Kanawai e Hoomaopopo ana i aupuni no ke Teritore o Hawaii ma kona hapa wale no, ua hiki e hooponopono hou ia i ku like ai me ia.

 

PAUKU 5. Ma kahi o kekahi kanawai e ui aku ana i kekahi kanawai i hoopau ole ia, a ua hana hou ia he kanawai mahope mai e uhi ana ia kumuhana hookahi no, o ke kanawai mua ke hooponopono hou ia i mea e ui aku ai ia kanawai hou ma kahi o ke kanawai i hoopauia.

 

PAUKU 6. O na hewa mamuli o ka haule a i ole hewa paha o ka ui ana i na kanawai e aku a i ole na hewa e aku paha, i hanaia me ka maopopo mamuli o kekuhihewa a i ole haule wale ana paha maloko o ke kanawai ku mua, ua hiki e hana hou ia.

 

PAUKU 7. Ua hiki e hana hou ia na kanawai i mea e hiki ai e hoike maopopo mai i ka manao i manaoia ma na kanawai mahope mai, ina paha ma ka ollelo a i ole ma ka ike maopopoia iho no paha; ame, a ma kahi o kekahi kanawai a i ole o kona hapa paha ua kahiko a i ole maopopo ole ia paha, ua hiki no ia kanawai a i ole hapa paha e haaleleia.

 

PAUKU 8. O keia houluulu ana e huipuia he hoike aoao piha, ame, ma ke ano he aoao mua, he Kumukanawai o Amerika Huipuia me ke Kanawai e hoomaopopo ana i aupuni no ke Teritore o Hawaii; i mau hoike poo e hoomaopopo mai ana i ka manao nui o kela ame keia pauku o keia houluulu ana; i mau hoike pokole i ka la o ka hooholoia ana o keia kanawai ma kela ame keia pauku ame ka hoololi a mau hoololi paha no ia kanawai, ina ua hanaia, a mahea, ina ua hanaio ia, elike me ia i loaa ma na houluulu mua ana; i mau hoike e hoike mai ana i na hooholo ana a ka aha, ina he mea kekahi o ia ano, i hoopukaia mai maloko o na Hoike a ka Ahakiekie o Amerika Huipuia, ame na Hoike a na Aha Federala. ka Ahahookolokolo Apana o Amerika no ke Teritore o Hawaii, ka Hoike a ka Ahakiekie o Hawaii ame na Manao Kanawai o ka Loio Kuhina Amerika Huipuia e wehewehe ana a i ole e pili ana i ke kumuhana o kela ame keia pauku o ke Kanawai Kumu o Hawaii ame an Kanawai i Hooponopono Houia.

 

PAUKU 9. Ina he mau hookaawale ana ae kekahi a i ole hoololi ana paha ma na olelo o na kanawai e ku nei i hanaia maloko o na hoakaka a keia Kanawai, ina paha ma ka hoololi ana a i ole ma ka hewa paha, ua haule wale, e hoikeia elike ka pili kokoke i ke kanawai i keia ia hewa.

 

PAUKU 10. O keia houluulu ana e paiia no a e humuia iloko a hookahi a i ole elua paha buke a e haawiia aku e ke Komisina i ka Ahaolelo ma kona noho hou ana mai i keia kau ku mau ae; aka nae, i ka pau ana o keia houluulu ana na ke Kakauolelo o ke Territore e kauoha e paiia kekahi heluna o na kope elike ka nui me kana i manao ai ua nui kupono, a e humuia, i ke paiia ana pela a humuia, ua hiki e hoolawa aku oia me ka uku ole i na luna aupuni no ka hoohanaia e lakou, a ua hiki e hooliloia aku e ia no umi dala ($10.00) o ka huina buke hookahi, elike me ka mea e loaa mai ana, no ka pomaikai o ke Territore.

 

PAUKU 11. Ua hiki i ke Komisina i oleloia e noi aku maloko o kekahi hoike ku kaokoa i na hoololi a lakou i manao ai i hoomana ole ia maloko nei e hana aku ma keia houluulu ana, elike me ka lakou i manao ai he kupono i mea e mapopo lea loa ai, kulike, pokole a lawa pono.

 

PAUKU 12. O na lala apau o ke komisina i oleloia i mau loio wale no lakou apau i aeia e lawelawe iloko o ka Ahakiekie a i ole lunakanawai Ahakaapuni. E hookohuia no lakou a e komisinaia e ke kiaaina me a ma ke kuhikuhi a ae ana o ke Senate.

 

PAUKU 13. E ukuia no na lala o keia komisina i oleloia ma o ka huina dala o eiwa tausani dala ($9,000.00) a eia ke hookaawaleia nei keia huina dala ma keia kanawai.

O ka huina o umi-kumamahiku tausani dala ($17,000.00) ma keia ke hookaawale ia nei no ka hoolimalima kakauolelo ame ke pai ana o keia houluulu kanawai ana ame ka hoike i hoikeia maluna ae no ka waiho ana aku i ka ahaolelo e noho mai ana.

 

PAUKU 14. E mana no keia Kanawai i ka la o kona aponoia ana.

Aponoia i keia la 29 o Maraki, A. D. 1923.

 

W. R. FARRINGTON,

Kiaaina o ke Teritore o Hawaii.

 

KANAWAI 18.

 

[B. S. HELU 51.]

 

HE KANAWAI

 

E HOOLOLI ANA I KA PAUKU 3 O KE KANAWAI 226 O NA KANAWAI O KE KAU O 1921 A E HOOMAOPOPO ANA E HOONUI HOU AKU I KA HAAWINA NO KE KOMISINA LIMAHANA KUIKAWA O HAWAII.

 

E Hooholoia e ka Ahaolelo o ke Teritore o Hawaii:

 

PAUKU 1. O ka Pauku 3 o ke Kanawai 226 o na Kanawai o ke Kau o 1921 ma keia ke hoololiia nei i heluhelu ai penei:

"Pauku 3. O ka huina a kanakolu tausani dala ($30,000.00) ma keia ke hookaawa@eia nei mailoko ae o na loaa laula o ke Teritore no ka uku ana i na hoolilo o ke Komisina Limahana Kuikawa o Hawaii oiai lakou e kaawale ana mai ke Teritore nei aku ame ka uku ana i na hoolilo o kela ame keia komisina e hookohuia mai ana e ke Kakauolelo Limahana o Amerika Huipuia a hoounaia mai i ke Teritore no ka noii ana i ke ano o na mea elike me ia i hoakakaia maloko o ka olelohooholo kailike i oleloia, a o keia huina e hooliloia maluna o na bila aie i aponoia @ ka lunahoomalu o ke Komisina Limahana Kuikawa o Hawaii. O ka uku la a i ole na hoolilo e ae @ na lala o ke Komisina Limahana Kuikawa o Hawaii aole e kaupalenaia elike me ka hoakaka a ka Olelo Hooholo Hui Helu 3 o ke Kau o 1917 o ka Ahaolelo o Hawaii."

 

PAUKU 2. E mana no keia Kanawai i kona aponoia ana.

Aponoia i keia la 29 o Maraki, A. D. 1923.

 

W. R. FARRINGTON,

Kiaaina o ke Teritore o Hawaii.

 

KANAWAI 19.

 

[B. H. HELU 68.]

 

HE KANAWAI

 

E HOOLOLI ANA I KA PAUKU 157 O NA KANAWAI I HOOPONOPONO HOUIA O HAWAII, 1915, E PILI ANA I KA HOOHANAIA ANA O NA KANAKA MALUNA O NA HANA AUPUNI I KUPA MAKAAINANA WALE NO, A I OLE, KA POE I HIKI E LILO I MAKAAINANA.

 

E Hooholoia e ka Ahaolelo o ke Teritore o Hawaii:

 

PAUKU 1. O ka Pauku 157 o na Kanawai i Hooponopono Houia o Hawaii, 1915, ma keia ke hoololiaa nei i heluhelu ai penei:

"Pauku 157. Na Luna Aupuni a pela aku ,i mau kupa makaainana a i ole i hiki e lilo i kupa makaainana. O na lunanui apau, na hope, na kakauolelo, na kokua, na maheleolelo, na makai, na kanaka lawelawe ame na kanaka e ae e hoolimalima ana maloko o na hana o ke aupuni o ke Teritore o Hawaii, a i ole iloko o na hana o kekahi kalana a i ole kulanakauhale ame kalana o ke teritore i oleloia i poe kupa makaainana wale no a i ole e hiki e lilo i kupa makaainana o Amerika Huipuia: koe ma na wahi aole he hana kupono e loaa na kupa makaaiana ike hana no ia hana, ua hiki e hoohanaia na kanaka aole he mau kupa makaainana; aka nae, aole kekahi kumukula e hoohanaia iloko o na kula hoomaka ame na kula hooponopono olelo o ke teritore i kupa makaainana ole no Amerika Huipuia, a o ka lunahooia o ke teritore ma keia ke kuhikuhiia aku nei aole e hoopuka i kekahi kikoo dala i kekahi kumukula no kela ame keia kula hoomaka ame kula hooponopono olelo i hoohana i na kumukula aole he kupa makaainana a hiki i ka maopopo pno ana he kupa makaainana io ia kumukula no Amerika Huipuia."

 

PAUKU 2. E mana no keia Kanawai mai mahope aku o Augate 31, 1923.

Aponoia i keia la 31 o Maraki, A. D. 1923.

 

W. R. FARRINGTON,

Kiaaina o ke Teritore o Hawaii.

 

KANAWAI 20.

 

[B. H. HELU 159.]

 

HE KANAWAI

 

E HOOLOLI ANA I KA PAUKU 2297 O NA KANAWAI I HOOPONOPONO HOUIA O HAWAII, 1915, E PILI ANA I KA MANA HOOKOLOKOLO O NA AHA APANA.

 

E Hooholoia e ka Ahaolelo o ke Teritore o Hawaii:

 

PAUKU 1. O ka Pauku 2297 o na Kanawai i Hooponopono Houia o Hawaii, 1915, rna keia ke hoololiia nei i heluheltl ai penei:

 

"Pauku 2297. Kivila. Ua loaa i na aha apana ka mana kumu ame ka mana kaokoa maluna o na hoopii kivila apau, koe ina ia hoomaopopo okoaia, ina ka aie, huina a i ole koi poho. a i ole o ka waiwaiio o ka waiwai i koiia mai, aole e oi aku maluna o kanalima dala; a ua loaa ke kuleana hololike iloko o na hoopii kivila apau, koe a ua like me na mea maluna ae, ina ka aie, huina a i ole koipoho, a i ole o ka waiwaiio o ka waiwai i koiia mai, aole e oi aku mamua o elima haneri dala, a e loaa ke kuleana kumu e hoolohe iloko o na hoolohe kanawai apau elike me ia i haawiia aku ma o ke kanawai maluna o na aha apana a i ole e haawiia aku ana paha e ke kanawai ma keia hope aku maloko o ke kuleana o na aha apana, e hoao a e loaa ka olelo hooholo no ia mea, me ka hiki no e hoohalahala elike me ke kanawai: aka nae, o ia mau aha aole c hoolohe i na hihia maoli, a i ole hoopii aia iloko olaila ke kuleana oiaio o ka waiwai paa e lilo ana i mea ninauia, a i ole hoopii laipila, hoino, hoohaahaa i ke ano, hoopii manaoino, hoopaahao me ka hewa oIe, uhaki i ka aelike mare, a i ole hoowalewale, a i ole no kekalll hihia wivila paha I koiia rna ke kanawal e hoolohe ia e ke kiure; a aole no hoi e loaa ia Iakou ka mana e koho i mau hope ma na hihia apau."

 

PAUKU 2. E mana no keia Kanawai i kona aponoia ana. Aponoia i keia la 31 0 Maraki, A. D. 1923.

 

W. R. FARRINGTON

Kiaaina o ke Teritore o Hawai.

 

KANAWAI 21.

 

[B. H. HELU 194.]

 

HE KANAWAI

 

E HOOMANA ANA I KE KEENA HOONAAUAO O KA LEHULEHU E HAAWI MAU BONA NO NA PONO MEA-KAUA.

 

E Hooholoia e ka Ahaolelo o ke Teritore o Hawaii:

 

PAUKU 1. Ma keia ke hoomanaia aku nei ke keena hoonaauao o ka lehulehu e hooko a e haawi aku i mau bona ma ka inoa o ke Teritore o Hawaii ia Amerika Huipuia, elike me ia i hoomaopopoia ma o kekahi Kanawai a ka Ahaolelonui e ku nei a i ole e hanaia aku ana paha, i mea hooia aku ai e malama ponoia ana a e hoihoi ia aku ana me ka maikai o kela ame keia holoholona no ka lehulehu, halelole, kapakoa, pu, na pono mea kaua ame na kuleana hali i loaa mai i kc keena i oleloia mai a Amenka Huipuia mai no ka hoohana ana aku maloko o na kula aupuni o ke Teritore o Hawaii. a i ole Kula A'o Kumu o ke Teritore e hoohana ana i kekahi papa a'o a i ole mau papa a'o paha maloko o ka oihana kaua elike me ia i hoomopopo ia ma ke Kanawal 1 hooholoia e ka Ahaolelo nui.

 

PAUKU 2. E mana no keia Kanawai i kona aponoia ana.

Aponoia i keia la 31 o Maraki, A. D. 1923.

 

W. R. FARRINGTON,

Kiaaina o ke Teritore o Hawaii.

 

KANAWAI 22.

 

[B. H. HELU 65.]

 

HE KANAWAI

 

E HOOLOLI ANA I KA PAUKU 4093 O NA KANAWAI I HOOPONOPONO HOUIA O HAWAII, 1915, A E HOOPAU ANA I NA PAUKU 4092 AME 4090 O IA KANAWAI, E PILI ANA I KA LAIBILA.

 

E Hooholoia e ka Ahaolelo o ke Teritore o Hawaii:

 

PAUKU 1. O ka Pauku 4093 o na Kanawai i Hooponopono Houia o Hawaii, 1915, ma keia ke hoololiia nei i heluhelu ai penei:

"Pauku 4093. Hoopai. O kekahi mea i ku ka hewa no kekahi kumuhoopii no ka hana ana a i ole hoolaha ana i kekahi laipila e hoopa'iia no ma o kekahi hoopai dala aole e oi aku mamua o hookahi tausani dala a i ole ma o ka hoopaahao ma ka hana ikaika aole e oi aku mamua o hookahi makahiki."

 

PAUKU 2. O na Pauku 4092 ame 4090 o na Kanawai i Hooponopono

Houia o Hawaii, 1915, ma keia ke hoopauia nei.

 

PAUKU 3. E mana no keia Kanawai i kona aponoia ana.

 

Ma keia ke hooia nei maua o keia Bila mamua ae, mahope o kona noonoo houia ana o ka vito a ke Kiaaina, ma ia manawa, ua koho hou ia na Ae arne na Hoole, ua aponoia e elua-hapakolu o na lala apau i kohoia o ka Hale o na Lunmakaainana o ke Teritore o Hawaii ma keia la 27 0 Maraki. A. D. 1923.

 

C. H. COOKE,

Lunhoomalu, Hale o na Lunamakaainana.

 

JOSEPH ORDENSTEIN,

Kakauolelo, Hale o na Lunamakaainana.

 

Ma keia ke hooia nei maua o keia Bila mamua ae, mahope o kona noonoo houia ana o ka vito a ke Kiaaina, ma ia manawa, ua koho houia na Ae ame na Hoole, ua aponoia e elua-hapakolu o na lala apau i kohoia o ke Senate o ke Teritore o Hawaii ma keia la 28 o Maraki, A. D. 1923.

 

LAWRENCE M. JUDD,

Peresidena o ke Senate.

 

ALBERT E. LLOYD,

Kakauolelo o ke Senate.

 

KANAWAI 23.

 

[B. H. HELU 66.]

 

HE KANAWAI

 

E HOOLOLI ANA I KA PAUKU 4132 O NA KANAWAI I HOOPONOPONO HOUIA O HAWAII, 1915, A E HOOPAU ANA I NA PAUKU 4131 AME 4133 O IA KANAWAI, E PILI ANA I NA HANA-INO WALE.

 

E Hooholoia e ka Ahaolelo o ke Teritore o Hawaii:

 

PAUKU 1. O na Pauku 4131 arne 4133 o na Kanawai i Hooponopono Houia o Hawaii, 1915, rna keia ke hoopauia nei.

 

PAUKU 2. O ka Paukll 4132 o na Kanawai i Hooponopono Houia 0 Hawaii, 1915, rna keia ke hoololiia nei i heluhelu ai penei:

"Pauku 4132. Hoopai. O ka mea e ku ana ka hewa o ka hewa hana-inowale e hoopaiia no ma ka hoopai dala aole e oi aku mamua o elima haneri dala a i ole ma o ka hoopaahao aole e oi aku mamua o eono mahina."

 

PAUKU 3. E mana no keia Kanawai i kona aponoia ana.

 

Ma keia ke hooia nei maua o keia Bila mamua ae, mahope o kona noonoo houia ana, o ka vito a ke Kiaaina, ma ia manawa, ua koho houia na Ae ame na Hoole, a ua aponoia e elua-hapakolu o na lala apau i kohoia o ka Hale o na Lunamakaainana o ke Teritore o Hawaii ma keia la 27 o Maraki, A. D. 1923.

 

C. H. COOKE,

Lunahoomalu, Hale o na Lunamakaainana.

 

JOSEPH ORDENSTEIN,

Kakauolelo, Hale o na Lunamakaainana.

 

Ma keia ke hooia nei maua o keia Bila mamua ae, mahope @ kona noonoo houia ana, o ka vito a ke Kiaaina, ma ia manawa, ua koho houia na Ae ame na Hoole, a ua aponoia e elua-hapakolu o na lala apau i kohoia o ke Senate o ke Teritore o Hawaii ma keia la 28 o Maraki, A. D. 1923.

 

LAWRENCE M. JUDD,

Peresidena o ke Senate.

 

ALBERT E. LLOYD,

Kakauolelo o ke Senate.

 

KANAWAI 24.

 

HE KANAWAI

 

[B. H. HELU 6.]

 

E HOOLOLI ANA I KA PAUKU 3382, O NA KANAWAI I HOOPONOPONO HOUIA O HAWAII, 1915, ELIKE ME IA I HOOLOLIIA AI E KE KANAWAI 16 O NA KANAWAI O KE KAU O 1919, A E HOOLOLI ANA I KA PAUKU 3380 O UA MAU KANAWAI LA I HOOPONOPOOIA< E PILI ANA I NA AHAHUI HOOHUIIA KUWAHO.

 

E Hooholoia e ka Ahaolelo o ke Teritore o Hawaii:

 

PAUKU 1. O ka Pauku 3382 o na Kanawai i Hooponopono Houia o Hawaii, 1915, elike me ia i hoololiia ai e ke Kanawai 16 o na Kanawai o ke Kau o 1919, ma keia ke hoololi houia aku nei i heluhelu ai penei:

"Pauku 3382. Hoike makahiki. O na ahahui i hoohuiia apau o ia ano a i ole hui paha, aole no ka manawalea, hoomana, pilipalapala, a i ole hoonaauao, e lawelawe ana i ka oihana maloko o ke Teritore o Hawaii, i ka la mua o Iulai o kela ame keia makahiki, e waiho aku no me ka puuku, i kekahi hoike no na mea apau e koiia mai ana ia manawa a i ole e koiia mai ana mamuli o ke kanawai e waihoia aku e na ahahui i hoohiia o Hawaii nei; aka nae, aole kekahi papainoa o na lala paa mahele o ia ahahui i hoohuiia a i ole hui paha e koiia aku, koe nae mamuli o ke koi papalua a ka Puuku ame ke Kiaaina."

 

PAUKU 2. O ka Pauku 3380 o na Kanawai i Hooponopono Houia o Hawaii, 1915, ma keia ke hoolooliia nei i heluhelu ai penei:

"Pauku 3380: Laikini makahiki. Aole kckahi ahahui i hoohuiia kuwaho, koe o na hui inisua kuwaho ame na ahahui i hoohuiia no na hana manawalea kuwaho e lawelawe wale ana no i na hana laulea maloko o ke Teritore o Hawaii, a e hoopukapuka ole ana a e hoohana ole ana apau kona waiwaikumu maloko o keia Teritore, a e paa ana he keena a i ole mau keena iloko o keia Teritore no ka hoohanaia ana e kona mau lunanui, na lala paa mahele, akena a i ole poe lawelawe paha. a aole e lawelawe hana ana o kela ame keia ano iloko o keia Tentore, koe wale no a ua loaa mua mai mai ka puuku mai he laikini makahiki no ka hana ana pela; a no ia laikini i oleloia, o na ahanui I hoohuiia a ia ano apaa e uku aku no iloko a ka waihona puuku o ke teritore, no ka hoohanaia e ke teritore, i kela ame keia makahiki, ka huina o hookahi haneri dala ,a aole ka puuku e hoopuka mai i kekahi laikini i kekahi ahahui i hoohuiia koe wale no ua kaa mua mal na auhau o ka laikini i oleloia.

Ma keia ke hoomanaia aku nei ka puuku e koi aku a e ohi i kekahi heluwaiwai e ku-e ana i kekahi hui e ku-e ana i na hoakaka a keia pauku no ka huina o ia auhau laikini, e hui pu ana me ka auhau hoopai o kanalima pakeneka no ka haule o ka uku ana pela. Aka nae, aole kekahi laikini e manaoia e loaa no kekahi ahahui i hoohuiia e lawelawe wale ana no ma ka oihana kuwaho a i ole kalepa mawaena o na mokuaina, a i ole e 1awelawe wale ana no no ke aupuni o Amerika Huipula."

 

PAUKU 3. E mana no keia Kanawai i kona aponoia ana.

Aponoia i keia la 31 o Maraki, A. D. 1923.

 

W. R. FARRINGTON,

Kiaaina o ke Teritore o Hawaii.

 

KANAWAI 25.

 

[B. H. HELU 31.]

 

HE KANAWAI

 

E HOOLOLI ANA I KA PAUKU 3322, AME 3325 O NA KANAWAI I HOOPONOPONO HOUIA O HAWAII, 1915, E PILI ANA I NA AHAHUI BANAKO.

 

E Hooholoia e ka Ahaolelo o ke Teritore o Hawaii:

 

PAUKU 1. O na Pauku 3322 ame 3325 o na Kanawai i Hooponopono Houia a Hawaii, 1915, ma keia ke hoololiia nei i heluhelu ai penei:

"Pauku 3322. Hoolilo ana i na mahele. O ka waiwaikumu o kela ame keia ahahui i hoohuiia i kukuluia malalo o keia mokuna e maheleheleia no iloko o na mahele o na waiwai like o kekahi huina i hoolahaia iloko o na palapala hoohui, a o na mahele i oleloia e haawiia aku no maloko o na buke o ka ahahui, ma ke ano e kauohaia mai ana e kona mau kanawai a i ole palapala hoohui paha.

 

Pauku 3325. Na hoaie i na lala paa mahele. O na lala paa mahele o kela ame keia ahahui i hoohuiia i kukuluia. malalo o keia mokuna aole e hiki i kekahi manawa e ae la aku e aie hui a i ole @ aie aku ia ahahui i hoohuiia, ina paha ma ke ano kumu mea aie a i ole hope paha a i ole no laua like paha, no kekahi huina i nu@ aku maluna o ekolu-hapalima o ke kumuwaiwai o na mahele i uk@ maolilia iloko olaila ame na koe ana a i hoolawe ole ia n@@ muli o kekahi mau poho a i ole ano e ae paha; a aole no hoi n@ lunamanahooko e aie a i ole e hoaie, koe wale no'a he huina a m@ ke ano e kauohaia ana e na kanawai a i ole palapala hoohui o @@ ahahui hoohuiia."

 

PAUKU 2. E mana no keia Kanawai i koa aponoia ana.

Aponoia i keia la 31 o Maraki, A. D. 1923.

 

W. R. FARRINGTON,

Kiaaina o ke Teritore o Hawaii.

 

KANAWAI 26.

 

[B. S. HELU 15.]

 

HE KANAWAI

 

E HOOLOLI ANA I KA MOKUNA 108 O NA KANAWAI I HOOPONOPONO HOUIA O HAWAII, 1915, E PILI ANA I KE AUPUNI KALANA, MAMULI O KA PAKUI ANA AKU I MAU PAUKU HO@ E HELU ANA 1602A, 1602B, 1602C AME 1602D, E HOOPONOPONO ANA I KA HAAWINA AME KA HOOLILO ANA I KE DALA O KA LEHULEHU AME KA HOOLAHA ANA O NA BILA AME NA OLELO HOOHOLO MALOKO O NA KALANA.

 

E Hooholoia e ka Ahaolelo o ke Teritore o Hawaii:

 

PAUKU I. O ka Mokuna 108 o na Kanawai i Hooponopono Houia, 1915, e pili ana i ke Aupuni Kalana ma keia ke hoolohia nei mamuli o ka paku'i ana aku i mau pauku hou eha, e heluia ana a e heluheluia ana penei:

 

"Pauku 1602A. Ka hookaawale ana i ke Dala o ka Lehulehu. Maloko o na Kalana o Hawaii, Maui ame Kauai, aole kekahi kikoo dala e kakauia a aole dala o ke kalana e hooliloia koe wale no a ua hookaawale muaia ia mea no ia mea i makemakeia mamuli o kekahi bila a i ole olelo hooholo a na Papa Lunakiai like ole, a koe wale no a o ua bila la a i ole olelo hooholo ua hoolaha muaia elike me na hoakaka a ka pauku mahope koke iho nei; aka na@ ma na kumu kupilikii loa, o na lunanui ame na poo o na keena ua hiki no, me ka ae ana mai o ka Lunahoomalu a i ole Lunahoomalu Kuikawa o na Papa Lunakiai like ole, e hoolilo ia mau dala pela, aole e oi aku mamua o $200.00, elike me ka mea i makemakeia no ka hui ana aku me na koi o ia pilikia.

 

"Pauku 1602B. Ka Hoolaha Ana Ina Bila ame na Olelo Hooholo. Maloko o na kalana i oleloia, o kela ame keia bila a i ole olelo hooholo paha e hoomaopopo ana no kekahi hana hou i maopopo lea, a i ole e koi mai ana i kekahl haawina, hoolimalima a i ole hooliio ana aku i kekahi waiwai o ka lehulehu, o ka hooko ana i keia mana no ka pono o ka lehulehu, o ka haawina a i oIe hoolilo ana o na dala o ka lehulehu (koe wale no na huina i emi iho malalo o $500.00), ame na kanawai apau e hoomaopopo mai ana no ka hookauia mai o kekahi hana hou a i ole hoopai paha, e hana, mahope o ka hookomoia ana aku, e hoolaha iloko o kekahi nupepa a i ole mau nupepa, me na ae ame na hoole, i hookahi manawa ka haahaa (koe na la Sabati ame na la kulaia) mamua o ka hooholo loa ia ana o ia mea. Ina o ia bila a i ole olelo hooholo paha ua hoololi nui ia (elike paha me ka hoonui a i ole hooemi ana i ka heluna o kekahi haawina, ka nui. ano a i ole wahi o ka waiwai e kuaiia ana, a i ole ma o ka hoololi ana i ke ano o ke kulana hou a i ole auhau hoopai i kauia, a i ole ma o kekahi hooololi ana koikoi), o ka bila a i ole olelo hooholo elike me ia i hoololia e hoolahaia no no ka manawa like mamua o kona hooholo loaia ana. Ma kahi o na hookaawale dala ana amea i ole hoolilo paha e pili ana i na huina i emi iho malalo o $500.00, i hooholoia a i ole hooliloia me ka hoolaha mua ole ia, e hoolahaia mai ka hoike mahina e na kakauolelo o kela ame keia kalana,. e hoike mai ana i na lalike ole, ke ano nui ame na huina elike me ia i hoakakaia maloko o na olelo hooholo like ole a i ole na hoolilo kuikawa e pili ana ia mea.

 

"Pauku 1602C. Hookaawale ana o na Huina Dala Hoolilo. @ ka hooko ana i na pauku mamua ae nei i na kalana like ole o na huina dala hoolilo no ka hoohana ana o na hana maamau ame na keena laula ame na keena o na Aupuni Kalana like ole, ina paha o ia mau haawina no hookahi makahiki a i ole no kekahi manawa pokole mai ,o ka bila a i ole olelo hooholo e hookaawale ana i ke dala no ia mea e komo aku no he mahelehele paupono ana elike me ka hiki kupono, e hoike ana i na kumu laula i hookaawaleia ai keia dala no na keena like ole, a ina paha no na uku mahina, no na limahana lawelawe, no na lako mea hana ame na lako hoohana. a i ole no kekahi mau mea okoa aku paha i hoomaopopoia ; aka nae, aole kekahi mea maloko nei e paa ana i ka hooholoia ana o na bila a i ole olelo hooholo paha mai kekahi manawa i kekahi manawa (hoolaha ana elike me ia i hoakakaia maloko o ka pauku mamua ae nei) no na huina like ole a i ole no kekahi mau kumu e aku paha ; a e ike hou ia no hoi. ina e hoopaneeia ana ka hookaawaleia ana no kekahi papa hoolilo hou i ka pau ana a i ole pau ana o na haawina o ia manawa. ina paha o ia ulolohi ana i loaa mamuli o na pau ana o ke kau o ia kulana o kekahi Papa Lunakiai. a i ole ma o kekahi kumu ulolohi o ke aponoia ana o ka papa hoolilo hou, na haawina o na ano maamau ame ka huina i ka papa hoolilo o ke kau i hala iho ua lilo ia i haawina a ua hiki e loaa no na keena kalana like ole ame na poo keena elike ka maheleheleia ana no kekahi manawa aole e oi aku mamua o kanakolu la mahope iho o ka pau ana o ka papa hoolilo i hala a i ole mahope o ka hoomaka ana o ke kau hou o ke keena o na Papa Lunakiai like ole.

 

"Pauku 1602D. Hoopai no ka Hooko Ole a i ole ku-e ana i na Pauku Mamua Ae. O kela ame keia Lunakiai, luna oihana, poo @ kekahi keena, a i ole mea lawelawe paha o keia ame keia kulana i oleloia e ku-e ana a i ole e imi ana e hooko ole a i ole e kokua ana no ke ku-e ana a i ole hooko ole ana i na hoakaka o na pauku mamua ae nei, e ku no ka hewa mikamina, a e manaoia ua ku-e a @ kau mai na hoopai i hoakakaia maloko o ka Pauku 1424, o na Kanawai i Hooponopono Houia o Hawaii, 1915, elike me ia i hoololiia ma o ke Kanawai 86 o na Kanawai o ke Kau o 1915."

 

PAUKU 2. E mana no keia Kanawai i a mahope o ka la @@@ Iulai, 1923.

 

Aponoia i keia Ia 2 o Aperila, A. D. 1923.

 

W. R. FARRINGTON,

Kiaaina o ke Teritore o Hawaii.

 

HOONUI OLELO WALE NO

Me ka nui o ke dala e kuai ai i hale. Me

ke dala wale no e kuai ai i na mea apau.

a ma ka hoahu wale no e Ioaa ai ka hapanui

o ia mea he dala.

He mea maa ka hoahu ana i loaa i kekahi.

Elike me ke ala ana ae o ka hana hoahu,

pela no ka pii mahuahua ae o ka moohehu

hoahu. A ma ka hoohana ana aku i kau

dala, e ike ana oe no kou hoea ana aku ma

ke kulana i oi aku mamua o ke kamailio

wale iho no-e hiki ana ia oe ke hana.

 

He 4% Ukupanee Maluna o na

Moohelu Hoahu Apau

The Bank of Bishop & Co., Ltd.

Ka Banako Kahiko Loa ma Hawaii nei.

Kukuluia i ka 1858.

HUINA WAIWAIPAA HE $16,000,000.00 A OI.