Ka Nupepa Kuokoa, Volume LXII, Number 17, 26 April 1923 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA HONOLULU, T. H., POAHA APERILA 26, 1923    ELIMA

 

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao

Ino---Kau i ke Aki i ka Manawa Hope

"No‘u iho, ua nui ko‘u kaena a pai ana iho ia‘u me ka olelo mau no ko‘u laki, no kuu noho pu ana me kekahi ohana i like au.  Ua ike maopopo aku au iloko o na keena apau o ko oukou mau puuwai aia kekahi aloha kuio a menemene iloko olaila no‘u, o oukou ko‘u ohana, ko‘u mau hoaloha oiaio, a o ko‘u mau makamaka wale no ma keia ao, no ia kumu, ua nana aku au ia oukou apau ma ke ano o ko‘u ohana ponoi ma keia wahi a ma keia ao."

"Ua pololei oe i olelo mai la ua lilo oe i mea pulama a aloha nui ia e ka ohana, aka nae o kau mau mea i kamailio mai la aole ia o ko‘u manaoio maoli," wahi a Liliana me ke kihoihoi o kana kamalio ana.

"Alaila, heaha la ka kou manaoio maoli?  E hoike maopopo mai oe i ole au e koho hewa aku, no ka mea, e ike mai oe aole au i maopopo i kou manao,"  alaila, hina iki aku la ke kanaka opio imua no ka nana pono ana iho i na maka o Liliana e haka pono ana ae iluna iaia.

Hoolele pau mai la o Liliana i ka lena ike o kona mau maka maluna o na maka o kona kokoolua no kekahi manawa, a i ke kanaka opio, a ma ko Liliana helehelena ia manawa he ula pu wale no, ke hana la ka puuwai i kana hana ia manawa a na ia hana i holo ae la i ka koko ma kona mau aakoko me ka hikiwawe.

Oiai laua e ku ana me ka nana pono o laua kekahi i kekahi ua  hoopokole ia nae ia manawa maikai loa i loaa ia laua mamuli o ka hemo koke ana mai o ka puka o ka hale kanu pua a pani hou ia mai la,  a hoomaka aku la o Liliana e holo me ka i ana ae:

"E i ae ke kanaka malama kihapai, e hele koke ae au e kamailio me ia,"  me ke pihoihoi nui, a holo aku la.

Ia Liliana i hala aku ai ku iho la ke kanaka opio me ka nalu nui iloko on a no na olelo i kamailioia mawaena o laua i na minuke mamua iho, a nana aku la i ko Liliana holo maluna e ke alanui Konakalika; oiai oia e ku ana, ke noonoo nui la oia no ke kupanaha o ka Liliana mau olelo, ka loli anoe loa o kona helehelena, ame ke ano o ka Liliana nana ana mai iaia, he mau mea e hoike maopopo mai ana iaia ua haulehia o Liliana i ke aloha nona, a ua hoike maopopo mai ia manao aloha ona aole ma ka olelo wale no, aka, ma kona helehelena pu kekahi, alaila i wale iho la no oia iloko ona :

"Ka, kupanaha ko Liliana manao ana mai owau kana------"

"Ha !"  wahi ana o ka hooho ana ae, i ka hala ana o kekahi mau minuke ma ia hope iho, i ka manawa i hoihoi mai ai oia i knoa mau noonoo maikai apau me ia i hoauwanaia i na minuke mamua iho.  "Aole au i moeuhane mua no kekahi mea elike me kela mamua !  Aole au i manao mua e hana ana au i kekahi hewa ma kela ano !  Malia paha e loaa aku ana no ia‘u ka manao no ia mea, aole nae i nei manawa, e kali ahiki i kuu hoi ana mai ka‘u huakai makaikai e manao nei e holo aku i Amerika.

"He hana maikai ole loa keia i oili ae nei i nei manawa ; mai oi aku ka maikai ina aole i oili ae nei, nei hana i keia wa, no ka mea, e lilo ana paha keia i mea e hoi hope mau mai ai ko‘u noonoo nona,"  wahi a ke kanaka opio o ke kamailio wale ana iho no iaia iho.

No kekahi mau minuke lehulehu kona ku ana ma kahi o ka hale kanu pua me na noonoo like ole e hana ana iloko on a, a iaia i lohe aku ai i ka hele mai o ke kanaka malama kihapai iaia, a ma ia ano i halawai ole ai oia me laua ; aohe on a manao ia manawa e halawai hou aku me Liliana.

Iloko o na la makamua o kona hoi ana mai a noho maloko o ka Hitadela me kona makuakane hanai, ke Sa Wiliama Hita, a oiai no oia e kamalii ana ia manawa, a pela me Liliana Linetona, o Liliana no kona hoapaani, me kona mahele like i kona manawa paani mawaena o Pase ame Liliana, o kona manawa wale no i kaawale ai oia knona hoi ana i ke kula, a ke hoomaha no ke kula o ka Hitadela no kona home e hoi mai ai a noho.

Aole oia i hoomaopopo, elike me kana mau olelo i kapa aku ai ia Liliana he kaikuahine uuku, ua ulu ae o Liliana i nei manawa a aneane aku i kahi o ke kulana e kapaia aku ai he kanaka makua.  Ua maopopo iaia he kaikamahine ui no o Liliana, he piha hoihoi a he naauao no hoi;  ua ike oia me ka maopopo aole e lilo ana ka Hitadela i home hauoli ke nele ko Liliana noho pu ana maloko o ia home, a ua hauoli ai i kona kaikuahine ponoi, aka nae.  no kekahi mea i oi aku ka pili kokoke loa mai iaia ma ke ano he wahine mare nana, aole oia i manao aku ia Liliana ma ia ano.

Elike me ka ulu mau ana ae o na hoomanao iloko on a no kela hale kanu pua, kahi a laua in hui mau ai a kamailio no na mea e pili ana i ke aloha, pela ka ulu mau ae o kona hoomanao no Liliana, ua lilo kona hoomanao, i mea hoouluku i kona noonoo, a no n amanawa lehulehu kona hoao ana me ka ikaika iloko on a e nookaawale mau iaia ina e hiki ana, mai ka hui hou ana aku me Liliana, a ua hoonui mau ia ka makemake iloko on a e hiki koke mai ka la ana e kaawale aku ai no Amerika, i mea e pakele ai oia mai ka noonoo nui ana aku no Liliana.

Iloko o na la kakaikahi ma ia hope mai ua haohao nui ke Sa Wiliama Hita nona, no kekahi mau loli anoe ana i ike mai ai i kana keiki hanai, eia nae, ua kalele nui kona noonoo mamuli paha o ke kokoke loa mai o na la e kaawale aku ai o ke keiki, a ua lilo kona kaawale aku i mea hoanoe i kona noonoo.

No ka Lede Linetona hoi mamuli o ka Liliana mau ano hana ana e ike mau mai ana ua koho koke oia aia kekahi mea pono ole iloko o ka noonoo o kana kaikamahine, heaha nae la ke kumu, aohe mea hiki iaia ke hoopaopopo,  a oiai ua ninau mau ae no oia i kana kaikamahine no ko Liliana anoe aole nae he mau haina pololei a kupono i kona mano i paneia aku, ua koho wale iho no nae oia malia no ka Rupata Hamiletona huakai paha i Amerika.

Ua lilo ko Rupata holo koke aku i Amerika i mea maikai ole i ko ka Lede Linetona noonoo; ina e holopono ana kana hooponopono ana no ka hoopalau mawaena o Rupata ame Liliana mamua o ko Rupata haalele ana iho ia Enelani, alaila e loaa ana iaia ka moekahi o kona noonoo; ma ia ano e kupaa ana o Rupata aole e hihia kona noonoo i kekahi wahine ui o Amerika, a e lilo ana no hoi ko laua hoopalau ana i mea na Rupata e kiai mau ai iaia iho i kona manawa e kaawale aku ai.

Iloko o na la kakaikahi koe a holo aku o Rupata ua hana ka Lede Linetona i ka maikai loa, elike me kana i ike ai a e hauoli ai hoi ke kanaka opio, elike me ka mana i loaa iaia, oiai ke kanaka opio ma ka home; o kona manao ma ia hana ana i lawe aku ai ke kanaka opio ma ka home;  o kona manao ma ia hana ana i lawe aku ai ke kanaka opio i na hoomanao ana, me ka pulama nui iloko on a no Liliana, a no na manawa lehulehu ko ka Lede Linetona aoao ana ia Liliana elike me ka maikai loa ana e ike ana, pela oia e hana aku ai ia Rupata, i mea no Rupata e hoi hope mai mai ai ka noonoo ana nona, aole no ka manawa hookahi wale no keia aoao ana a ka Lede i kana kaikamahine, aka, no na manawa lehulehu, i mea e hoomanao mau mai ai o Rupata iaia oiai oia ma Amerika, a aole hoi e hoopoina iaia.

"Ua like oe me ko‘u makuahine ponoi, a ua nui no hoi kou maikai ia‘u mai ka manawa mua mai a‘u o ka hoi ana mai k ka Hitadela nei ahiki no i nei la," wahi a Rupata o ke kamailio ana ae i ka Lede Linetona i kekahi la, no ka haawi ana aku i kana hoomaikai, ma ka manawa a ka Lede Linetona e hoomakaukau ana i mea hooluolu mau i ka noonoo o ke kanaka opio oiai oia maluna o ka moana, he hana a ka lede i noonoo ai me ke akahele loa e lilo ai i mea e pahele ai i ka noonoo o Rupata.

"A ua like no hoi oe me he keiki ponoi la na‘u,"  i pane mai ai ka lede me ka helehelena hoihoi a minoaka.  "Mai nei manawa aku, e nana mau aku ana au ia oe ma ia ano.  O ka‘u i noonoo iho nei ke maopopo nei ia‘u ko‘u ike ole i ka‘u mea e hana aku ai oiai oe e kaawale ana mai ia makou aku."

"O ka eono mahina a‘u e kaawale aku ana ia me ka hikiwawe loa, i loihi no i ka hoomanaoia, ina e mau ka noho ana e kaahope koke aku ana no ia mau mahina," i pana aku ai o Rupata no ka hoomama ana aku.

"Malia he pokole io paha ia mau mahina ia oe, ka mea e kaahele mau ana ia wahi a ia wahi aku, aka no makou iho la ea, he manawa loihi loa kela e kakali aku ai ia oe o ka hoi mai.  No Liliana ka‘u e aloha ae nei !  Ma keia kakahiaka nui iho la ua kauoha aku au iaia e ma-ka iho i kekahi mau haina-ka lehulehu nou, i ole e huikau aku me ko kela poe, a iaia i hoomaka ai e kakau ua noke maoli oia i ka uwe ahiki i ka waiho okoa ana ia hana no kekahi manawa."

"Aole au i manao e lilo ana ko‘u holo aku i mea waiwai e noonoo nui ia ai a i mea e hoehaehaia aku ai hoi o ka noonoo o Liliana,"  i pane aku ai o Rupata, me ke kani ana iho o kana uhu, no ka mea iaia e noonoo ana no ko Liliana helehelena haikea a kaumaha, me he mea la ua lilo oia i mea noonoo nui nana, ua like ia me kekahi mea kaumaha iloko o kona puuwai.

I ka hoea ana mai o ka la e kaawale aku ai oia haawi ae la oia i ke aloha i ka ohana apau,  i oi aku ke aloha no ia kaawale aku on a, oia no o Liliana.

Elike me ka Lede Linetona e hana mai ai i kana keiki ponoi i ka manawa e kaawale aku ai pela oia i hana mai ai ia Rupata ma kela manawa, o ke kaawale ana, he mau hana painuu ana a ke kanaka opio e ike ole aku ana i ka manao huna, me ke kauoha pu mai i ke kanaka opio e malama loa iaia iho, i hoi mai ai oia me ke ola maikai ame ke kino ikaika, elike me ia ana e haalele iho ana i ka home ia manawa, no ka mea he mea hoehaeha a hookaumaha i ko lakou mau noonoo ke lohe mai ua halawai oia me na popilikia he nui.

O Pas Linetona kekahi i haawi mai i kona aloha me ka aneane e helelei na waimaka no keia kaawale ana o laua, oiai i na la mamua aku, e pili mau ana laua i ka manawa e noho ana i ke kula,  a i ka manawa e hoomaha ai o ke kule e hoi like mai ana no laua i ka home; o ka Pase noi ia Rupata, e kakau mau mai oia i leka nana, i kela ame keia pule, ke loaa kona manawa kaawale.

No Liliana hoi me na waimaka e haloliloli mai ana ma kona mau lihilihi i haawi mai ai oia i kona aloha i ke kanaka opio, aole nae ma ke ano i maa mamua aku, kela manawa e hoi ai na kanaka opio i ke kula, ia manawa e ae mau mai ana oia ia Rupata e honi aku iaia, a iaia i haawi mai ai i kona aloha, haalulu kona mau lehelehe, aohe nae on a ae mai ia Rupata e honi aku iaia.  Iloko ona ia manawa ua hoohiki oia, aole oia e ae mai ia Rupata e honi aku iaia, aia wale no o Rupata a haawi aku i kekahi honi a ka ipo i ka ipo.

No keia ai ole mai o Liliana e honi iaia ua hookahaha nui ia ko Rupata noonoo.  Ua hoomaopopo koke no oia k ke kumu o ia ae ole ana o Liliana, eia nae ua loaa no ka maha iaia i kona manawa i hoomaopopo iho ai he eono mahina ana e kaawale aku ai,  a iloko o ia manawa e noonoo ai oia a hooholo iho no kana lawe i ke kaikamahine a kona kahu hanai i wahine nana ame ka ole.

O ke Sa Wiliama pu kekahi i ukali iaia ahiki i Ladana, a mailaila aku a Livapulu, a malaila i kau aku ai o Rupata Hameletona noluna o ka mokuahi me ka nui ae o ka poe holo pu ana ma ia huakai no Amerika, a i ka hala ana o ka mokuahi nana i lawe aku i ke keiki, hoi hou aku la ke Sa Wiliama Hita no kona home, ka Hitadela, ma ke kalana o Hamesire, me ka manao me he mea la ua laweia aku ka malamalama o ka la mai iaia aku, no ka mea ua nui kona aloha i kana keiki hanai, a ua lilo no hoi ke keiki i mea punahele loa iaia me he mea la, nana ponoi, a in a no ka halawai nei o kana keiki me kekahi pilikia ulia ma kana huakaihele, aole no e nele ana kona kumakena nona me ka hookaumahaia o kona noonoo.

 

MOKUNA XXXV.----Ka Halawai Ana ma ke ano Kamahao.

 

Ma keia huakai moana a Rupata i holo ai me ka poe o kana huakai he nui ka ino ma ka moana, pii mai na ale a uhi pu maluna o ka moku, pukalaki ka makani me ka ikaika o ka nee ana, ka mea nana i hapai mai i na ale kualoloa ahiu a halehale o ka moana a he ku maoli no i ka weliweli ka hana a ka makani ame ke kai, ua lilo kela moku nui a lakou o ke kau ana me he mea la, wahi pohue wale no ka paialewaia e na ale, eia nae, iloko o ia ino ua hoomau aku no ka moku i ka holo ana me ka nana ole ia ae o ia ino, a i ka hala ana o na la eono ma ka moana, ua pae aku la me ka maalahi na mea apau maluna o ka moku i ke awa lai o Nu Ioka.  Ma ka la 12 o Ianuari i hui aku ai o Rupata me ka poe i holo mua ai me Remona, elike me ia a lakou i hoolala mua ai, a ia hui ana aku on a me lakou, he mea e ka hauoli no ka halawai ana aku me na keonimana ame na lede maka palupalu iloko o ia pohai; he nui a lehulehu na kanaka opio ame na lede opio iloko o ia huakai a Remona i holo mua ai. 

(Aole i pau)

 

KUU KAIKUNANE HARRY KAHAKAUILA, UA HALA.

 

Ka lani kuu home e maha mau ai,  Pokole paa ole kuu noho maanei, No keaha e ohumu ke kau paapu mai,  Na eha na luhi na kaunaha e.

 

Mr. Solomon Hanohano,  Lunahooponopono o ke Kuokoa;  Aloha nui:----Ina he wahi rumi kaawale kekahi o ka kaua elele, e oluolu hoi oe, no‘u kekahi wahi keena no ka‘u wahi poomanao e kau ae la maluna;  a nau hoi ia e hoike ae i ka lono i na plilikana o ka mea i hala, e noho ana i ka Ua Kukalahale i ka huikai o ke  kaona.  Ma ke Sabati, Aperila 1, hora 10 p. m., ua oluolu i ke Akua ka Makua mana loa, ka lawe ana aku i ka hanu ola,  mai ia Harry Kahakauila aku, a waiho iho la i ke kino lepo na ka ohana e paiauma aku ma ke kae o ka muliwai eleele o ka make.  Ua hanauia o Harry Kahahauila ma Wailuanui, Koolau, Maui, iloko o ka mahina o Sepatemaba 13, A. D. 1893, mai ka puhaka mai o Lonokahikini (w);  ame P. K. Kahakauila (k);  no Wailuanui, a mai ia laua mai i loaa mai ai he elua mau keiki; a ua mare mua no ko maua papa i ka  wahine a ua loaa mai he hookahi keiki me ka wahine mua, e ola nei.

Nolaila, i ka hala ana aku la o Harry Kahakauila, ma ke alanui o na mea ola apau, ua haalele iho oia ia'u kona kaikuahine, kona kaikuaana, ame ko maua mama iloko o ka nawaliwali ame ka ohana apau e noho ana iloko o na hoomanao ana nona iloko o ka luuluu ame ke kaumaha.  Luuluu wale !

Iloko o kona mau la o ke ola ana, he keiki oia iloko o ke kulana oluolu, he aloha i ko maua makuahine, o kahi mea uuku e loaa ana iaia, oiai oia e noho hana ana me ka hui auwai (Koolau Ditch) ua hoolawa pu oia iwaena o kona ohana holookoa.  Aloha no !

Mamuli o ke kulana onawaliwali o kona ola kino, ua hoi oia i Kula Sanitarium a ua noho oia ilaila he ehiku mahina, a i kona hoi ana mai, ua noho pu makou me ka hauoli o ka manao ka i no hoi o ka pau ia, iloko o ka mahina o Iune, A. D.  1921, ua paa oia iloko o ka haukapila o Kalihi, a hookuuia mai iloko o ka mahina o Sept. 1922, a huli hoi mai i ka aina nei me ke kulana nawaliwali o kona ola kino.

I kona hoi ana mai i ka aina nei,  ua hele mau oia i Hana e ike ai i ke kauka iloko o kela ame keia elua hele ana iloko o ka mahina hookahi, me ia kulana nawaliwali o kona ola kino; e alo ana i ke anu ame na kulupakaua eloelo o ke Koolau nei;  e hoomanawanui ana i na inea o keia ola ana, me ka manao e loaa mai ana ka palekana,  eia nae ua poho wale na upu ana.  Minamina wale !

E na pali hauliuli o ke Koolau,  Wailuanui ame Waikuaiki, kahi hoi o na makua i noho ai a kupa ame na kupuna, ua hala ua nalo o Harry Kahakauila,  ua huna na maka iloko o ke aouli, ua pau ko oukou ike ana i kona helehelena e maaloalo ana ma ko oukou mau ipuka hale,  ua hala ua nalo, no ka wa mau loa.

E Kawaikau o Keanae,  ua nalo na maka o kuu kaikunane mai ia oe mai, aole oe e ike hou ana iaia e hele ana ma kou mau alanui, oiai ua oluolu i ka Makua Mana loa, ka lawe ana aku i kana o ka uhane, Nana no i hana mai a Nana no i lawe aku, e hoomaikaiia kona inoa.

Ma ka nana ae i na hana a kuu pokii kaikunane,  o ka wa i hala, he mea hoomokumokuahua i ka naau ke noonoo ae i kana mau hana maikai, oiai kona wa e ola ana;  oiai ua haalele mai oia ia‘u ame ka ohana apau e noho iloko o ka luuluu ame ke kaumaha nona.

Kuu kaikunane hoomanawanui iloko o na ehaeha ame na hoinoia mai, aole oia i hoopuka i kekahi huaolelo,  ua kaomi wale iho no oia iloko on a.  Auwe kuu kaikunane e !

E na kupa o ka aina mai Kawaikau o Keanae, ahiki aku i ka Wai o Oopuola, eia o Harry Kahakauila ke ku kohana aku nei imua o oukou, me he aka la e maalo ae ana imua o ko oukou mau maka,  oiai,  ua hala ka puulena aia i Hilo, ua imi aku la ia Papalauahi.  Nalo na maka huna i ke aouli,  hapapa hewa ana na lima i ka paia, aole e loaa,  e no ka mea, ua oluolu no i ka Haku ka lawe ana aku i Kana o ka uhane.

E na makamaka ame na hoaloha o kuu pokii kaikunane, a pela pu noi me na @ana apau e noho mai la i ka huikau o ke kaona, e oluolu oukou e lawe aku i ke aloha o Harry Kahakauila ma o‘u nei,  a pela pu hoi me na makamaka ame na ohana apau i hui pu mai me a‘u iloko o ke kaumaha, e oluolu oukou apau e lawe aku i ka‘u mau hoomaikai palena ole, a pela hoi me ka oukou mau makana pua no ka manawa hope loa o kuu pokii.

Ke haawi aku nei au i ko‘u aloha a nui loa ia oukou, a o ia aloha o ia ka oukou apau e hoopaa ai iloko o ko oukou mau puuwai pakahi ka makana i oi ae mamua o na mea apau;  wahi a ka Haku.

Ke hooki nei au maanei; a na ke Akua e kiai pakahi ia oukou a ia kakou pu apau iloko o Kona aloha ame Kona lokomaikai,  a Nana no auanei e alakai ia kakou apau ma na ala maikai no kona inoa.  Amene.

Me oe e Sol. Hanohano ko‘u aloha nui ame na keiki o kou keena pa‘i ko‘u welina.

O makou iho no ka ohana,

MRS.  ALICE NAILIMA,

MR. & MRS. E. KAHAKAUILA,

MR. &  MRS.  ABE KAIWI,

MR. & MRS.  NAAUAO KU,

MR. & MRS.  J. KALOHELANI

Wailuanui, Maui, Apr.  12,  1923.

 

MAKEMAKE

 

E hoolimalima 3 a oi aku eka o ka Aina Kanu Kalo,  ma Oahu.  No na hoakaka piha e kakau mai ia "Mac",  keena o ke Kuokoa.

H. HANEBERG,

℅ Hon.  Const. & Bldg Co.,

6552----Apr.  19,  26;  Mei 3.

 

HOOMANA NAAUAO O HAWAII.

 

E noho ana ka Aha Ekalesia Mokupuni,  o ka Mokupuni o Oahu, ma ka Luakini o Kealaula o ka Malamalama o ka Hoomana Naauao o Hawaii, ma ka la 27 o Aperila,  A. D. 1923; ma ka hora 10:00 a. m.

Ma ke kauoha a ke Kakauolelo,

KALA KAAIHUE,

6551---Apr.  12,  19,  26.

 

T. O. MURATA

FURNITURE STORE

(Na noho hoolimalima me lako pa maanei.)

Na Lako Hale Hou me Kahiko.

Hoolimalima me Kuai Hoolilo.

715 Alanui Hema, Honolulu,  T.H.

Kelepona 1695.

 

MONEY JINGLES ?  UA IKE ANEI OE ?

O ka mea nune mau ia i keia wa o ia no na BUKE A NA KAMAIKI i hoolukaia iho nei.

Ua pa‘iia me ka noeau----palapalaia me na manao naauao---a ua pa‘i pu ia hoi me na kii o na waihooluu like ole.

E hoike ana he mau manao hoohauoli---e hoike ana i ke ano o ka Hoomakaulii ame na mea e lilo ai i Ma@nana maikai.

He mau ano nui o ke ano hou loa, e nele ole ai ka hauoli o na kamaiki mai ka 3 a ke 80 makahiki.

Ua loaa mai nei ko makou haawina o ka helu mua, a ke makemake nei makou e loaa i na kamaiki apau e loaa ia lakou keia buke.  EIA KE KALI NEI KAU BUKE IA OE---Hele mai e kii i keia wa.  E haawi wale ia no ma ke ano makana.

He hauoli loa makou i ka lawe ana mai i kau mau hoahu liilii.

He 4 pakeneka ka makou e uku nei no ka makahiki.

Kihi o na Alanui Moi ame Nuuanu.

 

Chinese-American Bank

Kihi o na Alanui Moi ame Nuuanu.              Honolulu, T.  H.

Pahu Leka 2000            Kelepona 6119

 

 

Hoao i ke Kope Kona Kamehameha

 

Ke kope maloko olaila kona mau ano maikai kumu apau,  i hoomo‘aia me ke akahele loa, i wahi e moani ai ke ala, a hookomoia aku iloko o na puolo ame na kini, e komo ole ai ke ea iloko olaila---o ke KOPE KONA KAMEHAMEHA ia.  E nana i ka hoailona melemele.  He ono a mikomiko ka hoailona Kamehameha i kupono i na Hawaii.  Hiki ke loaa ia oe ma na puole o 1-paona a i ole ma na kini o 5-paona.

 

 

KE NOONOO KE KANAKA

i na mehana e manao ana oia i mea maikai.

 

NA MEAHANA STANLEY

ka maikai loa ee kuai ai, nolaila o na meahana ia ana i makemake ai.

Koikahi, Na Umii, Na Mea Ana,

Na Hao Umii,  Mikini Umii,

Wili Lima, Wili Umauma,

Iliwai Aluminum me Hao,

Na Hamare me Pahiolo,

Na Pahu Meahana.

Aole lua elike me na meahana o keia ano. He helu kiekie loa lakou.  Ualoaa lakou apau ke kuaiia ma kahi o

 

LEWERS & COOKE, LTD.

169-177  Alanui Moi Hema.              Pahu Leka 2930,  Honolulu.

 

Papa ame Lako Kukulu Hale

 

 

He Manaoio Anei Oe i Ka Hoomakaulii ?

I na he manaoio oe i ka Hoomakaulii, alaila, e hele mai no ko makou hale kuai bipi nei e kuai ai i kau mau i‘o bipi.  He emi loa na i‘o bipi palai, ku, a pela wale aku, ma ko makou hale nei, i loaa ole i na hale e ae apau.

Aole wale no o na i‘o bipi, aka  o na i‘o Kamano momona paakai, a i ole hoomo‘a uwahiia.

Na i‘o Hipa ku, he oi aku ke emi maanei e koe nui ai kau kenikeni iloko o kou pakeke.

 

O Ke Koe Nui Ana o Kau Kenikeni Iloko o Kou Pakeke e Hiki ai ia oe ke Hoihoi is Koena i ka Banako o ia ke Keehina Hoomakaulii

 

Metropolitan Meat Market

Ma ka aoao Waikiki o ke Kihi mauka o na

Alanui Moi and Bekela