Ka Nupepa Kuokoa, Volume LXII, Number 17, 26 April 1923 — Page 3 Advertisements Column 1 [ADVERTISEMENT]

KE KAPUAI KUEA PELA E KOKUA E loaa ia Palama Settlement he home. Oka mea holookoa, ka aina, na hale, na lako, ke kahua paani, kahi auau ame na mea no apau e makaukau ai no ka hoohana ana, aia na lilo ma kahi oka $356,000. Aia ma kahi oka 356,000 kapuai kuea ma ke kahua i kohoia. Mamuli oka hoolilo ana i kona waiwaipaa i loaa mai ma ke ano he mau makana mai na hoaloha mai, ame ka malama ana, ma oka hoohana ana la no kekahi mau makahiki, e hiki ana ia Palama ke uku i 200,000 kapuai kuea. E loaa ana i na hoalauna o Palama ka manawa mua e uku ai no ke koena aku i koe a e "loaa he kuleana" iloko oka home hou. "Oka loaa ana he kuleana" iloko o na mea apau ma ka olelo ana a na Hawaii, o ia no kou kuleana ana iloko o ia mea apau ke ola ana. Ma ke ano hoohalike, ua haawi aku oe ika hoaloha i kekahi mea, a no ka mea, nau ia i hana, a kuai paha, a i ole kuleana ia mea, ua pili pu aku kou aloha me ia, nolaila he "kuleana kou ia mea. Pela no ina oe e "kuai" ana i kapuai kuea iloko oka home hou o Palama. O kou kuleana ika aina oia ka manao aloha oiaio. E kuleana ana oe ia mea no ka pule a haawi aku ia Palama, no ka pomaikai ona kanaka no ka manawa pau ole. Aka nae e maopopo mau ana ia oe elike me ka nui o kau mau kapuai kuea au i uku ai o kou "kuleana ia." Ma ke kuea, ehia au kapuai kuea e kuleana ai OE maloko oka home hou o Palama? EAPOIA AKU NONA UKU ANA MA KA HALE O PALAMA SETTLEMENT, ALANUI MOI, MAKAI O KE ALANUI LILIHA, E HOOMAKA ANA KAKAHIAKA POAKAHI, APERILA 23. A i ole hoouna mai i kau dala ma ka leka, me kou inoa ame kahi noho, a e hoounaia aku no he pooleka kuea ia oe no ke kapuai kuea pakahi au e "kuai" ai.