Ka Nupepa Kuokoa, Volume LXII, Number 17, 26 April 1923 — EHIKU MAU BILA ANO NUI I LILO I KANAWAI [ARTICLE]

EHIKU MAU BILA ANO NUI I LILO I KANAWAI

Ehiku mau liila hou i lilo i kanawai i nei manawa mamuli o ke apono a kakauinoa ana o ke kiaaina i kona inoa, oia keia malalo iho nei: Ka B. S. 16, e kaupalena ana i na manawa e kaawale aku ai na luna aupuni teritore mai ka lakoumau hana aku mamuli o kekahi hana pili a\ipuni i 60 la, a e hoakaka ana i ka uku a ke aupuni e haawi ai no kona mau hoolilo i $20 no ka la. Ka B. S. 61, e hoakaka ana i ka makahiki e hele ai ke 'keiki i ke kula. 0 na keiki malalo o ka eono makahiki ua kaupaleia lakou mai na kula aupuni mai. O na keiki i piha na makahiki ho 12 a i hala ole ka papa eha ua kupono wale no lakou e komo aku ma na kula a'o hanalima, a i ole e hookomoia ma kahi e a'oia ai lakou i ka hana, ina nae he kula kekahi o ia ano maloko 0 elia mile mai ko lakou mau home mai. Ō na keiki e noho ana ma kahi he eha a oi aku mile ka mamao mai kekahi halekula aku aole lakou e koiia aku e hele i ke kula, ina aole ke aupuni e hoolako ana i kekahi, mea no ko lakou halihaliia 1 ka halekula, a pela hoi me ka hoihoi ana ia lakou i Jcō lakou mau home. Ka B. S. 69, e hookaawale ana i $100,000 paku'i no ka hoopiha ana i na aina ma Waikiki. K B. S. 81, e hookaawale ana i $1500 i mea e hiki ai i ke TeritoTe ke lilo i lala no ka ahahui Amerika a na luna aupuni Alaloa o ka Mokuaina. Ka B. S. 88, e hookuu ana i ka hui hana gas o Hilo mai ka auhau ana no elima makahiki hou. Ka B. S. 99, c hookapu loa ana i ke pa 'i ame ka lawe ana i ha kii ma kekahi ano mai ke kahua ma'i mai o Kalawao aine ka halema'i ma Kalihi. Ka B. S. 123, e kau ana i aie kiekie loa i bonaia no ke Teritore no na makahiki elua i ka $20,000,000. Ma ka hora 7*45 o keia po Poaha, e malama ae ana ka Ahahui o na Wahine Koho Baloka i ka la kou halawai maloko o ka liale wai ho buke o ke aupuni, e hoea ae ana ka Lunakanawai S. C. Huber, ma kela halawai, no ke kamailio ana maluna o ke kumuhana "Na Hans o ka Aha Hookolokolo. He hala wai keia i hamama 110 na mea apav e hele ae ai e hoolohe.