Ka Nupepa Kuokoa, Volume LXII, Number 18, 3 May 1923 — KUU KANE ALOHA UA HALA. [ARTICLE+ILLUSTRATION]

KUU KANE ALOHA UA HALA.

Kuu kane i ka uka o ka Hoiwai, Kuu kane me ka laau hihi mai i ka naliele, Kuu kane i ka uka o Kahoiwai. Me he mano la ko aloha, I ka hoi mai a nanahu ia'u. Mr. Sol. Hanohano, Aloha kaua, a nui loa: —Ina e ae mai kou oluolu, e hoo iho i keia puolo, waimaka o ka luuluu ame ke kaumaha, ma kekahi wahi kaawale o kau wahaolelo, ka Nupepa Kuokoa, i ike mai ai ka ohana ame na hoaloha apau, aia hoi, kuu kane aloha ke hele la ma ke ala huli hoi ole mai. Ma Kahoiamano, Manoa, ka home aloha o maua i noho hoomanawanui ai, me ka maua mau leialoha, no na makahiki he iwakalua-ku-mamaono. Oiai no e halii mai ana ka malu 0 ka po maluna o ka ili o ka houua, ma ia ahiahi Sabati, o ka la 25 o Maraki, 1923 i ka hora ewalu ua kipa mai la ka anela o ka make, ame kona mau lima menemene ole, a lawe ae la, i ka hanu ola, o kuu kane aloha, John Kakalia Kamana, a waiho iho la i lee kino wāiluna na'u ame ka ohana e kanikau, a e hoonele ana ia'u ame na lei milimili a maua i ka makua. Ua hanauia kuu kano aloha mai ka puhaka mai o Nalua (w) ame J. K. Kamana (k), ma Kaneohe, Mei 23 1875. I ka makahiki 1897 i lioohuiia ai maua, iloko o ka berita maemab o ka mare e ka Makua Kahu Waiamau, kahu o ka ekalesia o Kaumakapili. Aloha wale, na pali hauliuli o Manoa, me ka uwe mai a ka lau laau i ka makani hele uluulu, ame ka Ua Kuahine kaulana o ka aina o kaua e halii mai nei, e ha'i aku ana i na leamaaina o ka aina, ame ka Ua Kukalahale, ua pae oe ma kela aoao o ka muliwai eleele. Auwe ke aloha. i kuu kane, ka makua nana i noho hoomanawanui ai no 'u ame ka ohaea apau. E ke Kalapu Demokarata o ka apana o Manoa, ia oukou ko'u lioomaikai nui, no ka oukou mau hoomanao kokua maikai i liaawi mai ai i ko oukou hoahanau no ka manawa hope loa. E na hoaloha, a pela pu hoi me ka ohana no apau, e oluolu hoi oukou, e lawe aku i ka'u mau hoomaikai nui ana aku ia oukou, no ! ka oukou mau kokua maikai ia'u, ! a pela pu hoi, na boke pua ame na lei nani, e hoowehiwehi ana i, ke kino wailua o kuu kane aloha. Aloha wale! i Ke olelo mai nei ka Haku, penei: Hele mai na luhi, na luuluu ame na kaumaha a Na'u no e hoomaha aku ia lakou. Nani wale na oleloa'o a ka Mesia. Nolaila e na hoaloha ame ka ohana no apau, e paa ko oukou manaoio i | k;. MeBia ka Hoola o keia ao, pela | pu hoi e lana mau ai, ko kakou manaolana, i kela la nani o ke ala ! hou ana, a ma ia la no kakou apau 1 e hui hou ai ma Kona aloha. Na ke Akua no kakou apau e hoomaikai mai, Amene. Owau iho no me ka luuluu, MRS. MALEI K. KAMANA, Kahoiamano, Manoa.

JOHN K. KAMANA