Ka Nupepa Kuokoa, Volume LXII, Number 18, 3 May 1923 — HE PALAPALA HOOMAIKAI NA KA EKALESIA O PAIA. [ARTICLE]

HE PALAPALA HOOMAIKAI NA KA EKALESIA O PAIA.

Mr. Solomon Hanohano, Aloha nti:—E oluolu oe e hokomo iho ma kau wahaolelo ka Nupepa Kuokoa i keia mau manao malalo iho penei: O makou na hoahanau, na luuakahiko, na haiolelo i laikiniia, ko Kahu Ekalesia o Paia, ke haawi aku nei i ka makou hoomaikai he nui, i na makamaka, na hoalolm, na kini haipule, na ekaleaia like ole, na Kula Sabati ame na Ahahui C. E., no ka lakou mau kokua aloha no ka luakini hou ma ka Ekaleaia 0 Paia, mai ka wa i hookumuia ai, ahiki i ka la i hoolaaia ai ma ka 18 o Maraki 1923. E kau mai ka uhane aloha ame na pomaikai a ko kakou Makua Lani maluna o oukou apau; e hoopihaia ko oukou mau waihona e na mea maikai he nui x no ka hoolako mau ana i ka ko Akua hana pela no me na hoaloha, na Ekaleaia na kula Sabati ame C. E., i kokua mai i na liana like ole, no ka malama ana i na lala o ka aha mokupuni i ke kau i hala aku, na kokua ma ke dala, a pela ma na meaai, o ia hoi ka poi, ka pipi ka puan, ka moa/ame na mea maikai apau 1 hoolawaia ai na jcini haipule no

ka hooluolo ana i na mea o ke kino^ Na ke Akua t hoomaikai aku ia oukou apau, na Kona Uliano aloha e hoonui mai i na pomaikai no oukon, i lako mau ai i na mea maikai he nui. Hoomaikai pu aku ke komite nui o k» ahamele i malamiūa ai ma ka la 16 o Maraki 1923, ma ka M. A. Co., Theatre i na kalapu himeni mai ka Waikau mai o Keanae i alakaiia e Mrs, John Plunkett ame Mrs. Mary Cockqtt, no ko oukou kokua pu ana mar no ka liaua ma ia po me ka nani o na mele i meleia e na opio o ka Waikau. Haawi aku i ko makou aloha me na hoomaikai he nui ia lakou; na ka Makua Lani e alakai ia oukou ma na ala maikai o Kona inoa, e hoopomaikai mai ia oukou i na mea maikai apau. Hoomaikai pu aku i na hoahanau o keia Ekalesia ma na apana a ma na Avahi like ole no ka hoomanao pu ana mai no ke kokua ana, a hapai like i keia hana nui i malamaia ma ko kakou Ekaleaia nei, na ka Makua Laui e hoopomaikai mai ia oukou i aa mea maikai apau ma ko ke kino a ma ko ka uhane E oluolu oukou e lawe aku i keia mau hoomaikai mai ka Ekalesia aku o Paia. Na ka Makua Lani e kiai ia kakou a hoohui hou aku ma Kana hana. « Me ke Aloha nui, KA EKALEBIA O PAIA, DAISY K. KALAAUPA, - Kakauolelo o ka Ekaleaia o Paia