Ka Nupepa Kuokoa, Volume LXII, Number 18, 3 May 1923 — Hooku'iia he Keiki e ka Oto Haki ka Wawae Ma ka Aoao o Kela Keiki Uuku ka Pilikia i Halawai ai Oia nie ka Ulia Poino HOLO OIA MAMUA O KE KAA OTOMOBILE Kaawale ka Ona Nona ke Kaa Otomobile Mai ke Kau Ana Aku o na Ahewaia [ARTICLE]

Hooku'iia he Keiki e ka Oto Haki ka Wawae

Ma ka Aoao o Kela Keiki Uuku ka Pilikia i Halawai ai Oia nie ka Ulia Poino

HOLO OIA MAMUA O KE KAA OTOMOBILE

Kaawale ka Ona Nona ke Kaa Otomobile Mai ke Kau Ana Aku o na Ahewaia

Mawaeifa o ka hora 12 auie 1 p. m., o ka auwiua Ia Sabati nei i hooku'iia aku ai « ke kaa otomobile e kalaiwaia ana e Harold A. Moore he keiki uuku o 7 makahiki, nona ka inoa o Anthony Monge, ma ke kihi o na "alanui Kapahulu ame Waialae a haki kona wawao hema me kekahi mau eha e ae ma kekahi mau wahi o kona kino. . I kulike me na hoakaka a ka poe i ikemaka i kela hooku'iia ana mai kekahi aoao mai o ke alanui Wa)/ alae ka holo ana mai o ke keiki a kaa pono mamua o kahi o ke kaa e holo mai ana, i ka ike ana o ke keiki i ko kokoke loa mai o ke kaa ua pelu aku la oia ihope me ka manao e alo mai ka hooku'iia ana mai, eia nae, ua lohi loa ia pelu hou ana aku ona ihope mamuli o ka mama loa o ia holo ana mai o ke kaa, o kona hooku'iia mai la no ia a hina ilalo a piiia mai la kona wawae hema e na huila, a o ke kumu hoi o ka haki ana. Ma ka manawa a Mr. Moore i ike mai ai i ka holo pua-a o ke keiki ua hoopaa koke iho hi oia i ka holo o ke kan, eia nae, ua lohi loa, ua hooku'i mai la ke kaa a hina ke keiki mahai o ke alanui. I ka paa ana o ka holo o ke kaa a Mr. Moore e kalaiwa ana ma leahi he 50 kapua'i ka mamai mai kahi mai o ke keiki i hooku'iia ai, ua hoi hou aku la oia ihope me ka wahine no ke ki ana i ke leeiki a hapai mai la a liookau iluna o ke kaa a laweia mai i ka halema'i Moiwahine, a mnlaila i nnnaia ai e ke kauka a ikeia ua haki ka wawae hema, o kela keiki, me na poholeliole ma kekahi wahf'o ke poo ame ke kino. Aolie i hopuia o Mr. Moore mamuli o ka ike ana o na makai aohe i pili ka hewa iaia.